T. MĀKÖS 11:23 - TÖHET LĪPÖRE (Re-edited) Bible (BSI)

²³ Tökô-ò ṙô Chin tö yīö, Ngòh tö ngö ṙô min tö ngih rôngö, Ateuklöng man yēḵ: ngaich fuk el mai, nö öt kintöngulōn, ṙātö ellōnre pöri, tö e min nö teungten; ngaich teūngen min anga-aṅ tö e.

T. MĀKÖS 11:23 Referans Kwoze

T. MËTIV 17:20

Ngaich ngö ṙô Anga-aṅ tö cha, Kūö ngam kun mikahre yin. Tökô-ò ṙô Chin tö yīö, Yē öp mikah yīö öre, nöng sā ṙôngòng kun kulöl, ngaich kô-òren yī-ö ngö ṙô tö ngih rôngö, Kē-ĕngre; chuh umu-aṅ; ngaich kô-òren angū-ö nö kē-ĕngre; ngaich öthēngö, öt kanô-òṅ yī-ö.

T. YÔHAN 15:7

Yē yīö ngöh in Chu, ngöh minë ṙô Chu inrē nö in yīö, havë-a yī-ö tö nup töng lōnre; ngaich kô-òren yī-ö teūngen tö u.

T. MËTIV 21:21

Ngaich ngö ṙô Yēsū tö cha, Tökô-ò ṙô Chin tö yīö, Yē yīö öi mikahavö, öi öt katöngalōn, ngaich yī-ö min öt höng la-evṙen tö tösā ngam tö ngaich nö im anychīr chōn; yē yīö pöri min ngö ṙô tö ngih rôngö, Ateuklöng man yēḵ, ngaich sūḵtöre el mai; ngaich ngatī angū-ö nö kô-òren.

Salmai 37:4

Im Mā Tēv ṙanāmölōn man: ngaich kētö nup havëkö meh min anga-aṅ.

T. YÔHAN 14:13

Nup töng havëkö yīö i Mine-eny Chu, kēkö u Chū-ö min; hòṅ ngam Yöng nö ha-öinyö nö im Kūön.

T. LŪKÖS 17:6

Ngaich ngö ṙô ngam Mā, Yē yīö höng sā kun kulöl ṙôken mikah, ngaich kô-òren yī-ö ngö ṙô tö ngòh tökiröng chōn, Taṙĕhĕi man yĕh; ngaich teūichtöre öm el mai; ngaich kô-òren anga-aṅ nö hang ṙô yīö.

1 KÒRIN 13:2

Yē chu öre īnu tö huneū-euṅ ṙôre mikahten; akahakūö inrē tö nup taṙòkhöre öt mikahkūö sin, taṙòkhöre inkaha inrē; ane inrē yē chu īnuvö tö taṙòkhöre mikah, ngaich öre öich kēngö rôngö; öt īnu pöri tö hanā-ngenlōn, höng töng rö-ö chū-ö.

T. MËTIV 14:13

Hē Yēsū nö hāngö e, ṙuhöngre ngaich Anga-aṅ nö ṙā-ang umuh, nö el kupòk, nö ik el-inchōn, tököhngen. Ngaich hē yik tömaṙôngö nö hāngö e, tömkörit Ò cha-a ngaich, nöng kiröön, nö ṙā-ang i nup panam.