T. MĀKÖS 11:22 - TÖHET LĪPÖRE (Re-edited) Bible (BSI)

²² Ngaich ngö ṙô Yēsū tö cha, Mikahav yin im Tēv.

T. MĀKÖS 11:22 Referans Kwoze

Salmai 62:8

Yī-ö tarik, hayönglenre in Ò örheūheu: hōngnyö vōknyö ellōn re i kūö Ò, innyatlö hī An ngam Tēv.

T. YÔHAN 14:1

Uh yin röingö ellōn. Ṙātö ellōn re yin im Tēv; in chu inrē.

T. MĀKÖS 9:23

Ngaich Yēsū nö ngö ṙô tö ò, Yē meh kô; tökô nun në taṙòkhöre nö i ngòh ṙamātö ellōnre.

Isayā 7:9

Samariā inrē kui Ifrēm öp kikōnyö inrē kūön Ramalaya kui Samariā. Yē yīö öt ṙatö ellōn re, öthō yin min köp.

2 KINṘÖTNGÖ 20:20

Choholre cha-a ngaich nö ka-euilö kūö tö peuheū ngaich kunyī-inyre nö chuh ik tönyalnyi i Tēkōā; ngaich hē cha nö kiröönngöre, söklöre ngaich Yēhōsafāt nö ngö ṙô, Hang ṙô chu, Yūtā aṅ Yērusalem inrē! Ṙātö ellōnre yin im Mā Tēv ngam Tēv yīö, ngaich yī-ö min öt hanlöinyken; ṙātö ellōnre in yip pròfĕt ò, ngaich teunglen min yī-ö.

TAITÖS 1:1

Töhakövö an Pôl tö ngam Tēv, ane inrē tanīnöṙô Yēsū Kristū, sā ngam ṙinātö ellōn yip katöllö ngam Tēv, ane inrē sā ngam inkaha ngam tökô-en, ngam tö sā lanöökö,

KÒLÒSĪ 2:12

Ngaich ultu hol Ò im vinôkö, in e yī-ö inrē hachohlöngö hol Ò lökten i mikah i tī ngam Tēv, ngam mahachohlen Ò nö ṙā-ang i yip tökapah.

T. MËTIV 17:20

Ngaich ngö ṙô Anga-aṅ tö cha, Kūö ngam kun mikahre yin. Tökô-ò ṙô Chin tö yīö, Yē öp mikah yīö öre, nöng sā ṙôngòng kun kulöl, ngaich kô-òren yī-ö ngö ṙô tö ngih rôngö, Kē-ĕngre; chuh umu-aṅ; ngaich kô-òren angū-ö nö kē-ĕngre; ngaich öthēngö, öt kanô-òṅ yī-ö.

T. MËTIV 21:21

Ngaich ngö ṙô Yēsū tö cha, Tökô-ò ṙô Chin tö yīö, Yē yīö öi mikahavö, öi öt katöngalōn, ngaich yī-ö min öt höng la-evṙen tö tösā ngam tö ngaich nö im anychīr chōn; yē yīö pöri min ngö ṙô tö ngih rôngö, Ateuklöng man yēḵ, ngaich sūḵtöre el mai; ngaich ngatī angū-ö nö kô-òren.

T. MËTIV 14:29

Ngaich gö ṙô Anga-aṅ Ta-a. Yôkti ngaich Pītör nö ṙā-ang el kupòk; ngam kiröönngöre, nö lökkui mai, nö yihtöre nö in Yēsū.