T. MĀKÖS 11:20 - TÖHET LĪPÖRE (Re-edited) Bible (BSI)

²⁰ Ngaich hē cha nö chööḵöng, tö peuheū, ngaich meuk ök anychīr cha-a nö löktö ṙĕhre nyanangngö.

T. MĀKÖS 11:20 Referans Kwoze

T. MËTIV 15:13

Ngö ṙô pöri Anga-aṅ, nö sapṙô cha, Ṙòkhöre nup chōn töt taheūich tö ngam Yöng Chu el halīöngö, nö teuklöngö min.

T. YÔHAN 15:6

Yĕn hĕng tak ngòh tötngöh nö in Chu, fāngi anga-aṅ nö sā pak, ngaich nyangngö; hamūlö ngaich, kavalhötvö nö i kūö tameūyö; ngaich ṙāpngö.

T. MĀKÖS 11:14

Ngaich ngö ṙô Anga-aṅ tö ò, Töngamuhangen, söl môkö inrē örheūheu, öm öt nyā-aṅ ṙòng tö tarik. Hāngö e yik haköptö Ò.

T. MËTIV 13:6

Ngaich hē ngam tavūöi nö meutlö, ngehngö ngaich anū-ö; ngaich nyangngö; pò u nö öt ṙēhĕvö.

Isayā 40:24

Hôṅ, öl nö rēhĕn nö ultu, öl nö rēhĕn nö teūichtu, öl nö rēhĕn ngam kaha u nö ṙĕhtöre nö el tumlat, hē ò nö fööngö kui u ngaich nyangngö anū-ö ngaich kumröön ngam lamfeui kuföt nöng sā kaṙālö afō.

NGAM LĪPÖRE KAHŪICH YŪT 1:12

Acha-a yin vē ihong tö nyöptikui im nyina-aṅ hanāngenlōn tö yīö, yē cha nö holkūö yīö, yōm pököre töng maha-aṅhaṅlre, töt īnu tö pinheṅ-eṅkūö; taṙul töt aṅhaṅv tö mak, kumröön kuföt nöng heuingö; chōn el anöhtökūö chuhöt töt ṙônguvö, nët tum nö kapah, nyòklöngö nö holtö ṙĕhre;

HEPRĀI 6:8

Yē e pöri nö sīöplö aṅ kūö tö vòk nūötö, tö lòkhukaha inrē, sōḵovö ngaich angū-ö ngaich öhten nö rūtiṙen, ngam töng manāngen tö inṙāpngö.

Isayā 5:4

Asuh öp tö ngaich tī chu i ngam panô-òṅ vāin chu, öp tö-öl töre nö tī chu in e? Hē chu meūkken e nö ṙôngu, kūöyòh ngaich angū-ö nö ṙòngtö töng öt kôlò?

T. MËTIV 21:18

Ngaich im peuheū, hē Ò nö havantöre nö im panam, kapahare Anga-aṅ; ngaich meuk ök tahĕng māṅ anychīr chōn i taseū talöökö; ngaich yihtöre nö in ò; ngaich öt kanôtukūö tö ṙòng ò, höng rōi.

T. MĀKÖS 11:12

Ngaich im huṙöich, hē cha nö yih nö ṙā-ang Petenī, kapahare Anga-aṅ.

NGAM LĪPÖRE YŌP 8:17

Vönngö nup ṙēh ò nö i nup ihong töfông; iyöng i nuk ihong anga-aṅ.