T. MĀKÖS 11:18 - TÖHET LĪPÖRE (Re-edited) Bible (BSI)

¹⁸ Ngaich yik mākūö kūönṙô yik kamūich inrē, nö hāngö e; ngaich lukkö inlahenre cha-a nö fëlngen Ò. Pòn pa-ekūö cha-a tö Ò; pòn ṙòkhöre yik tömaṙôngö nö pingangkūö tök ṙô Ò inköphöti.

T. MĀKÖS 11:18 Referans Kwoze

T. MËTIV 7:28

He kinheūṅtö në ṙô Yēsū, ngaich pingangkūö yik tömaṙôngö, tö nuk ṙô Ò, nö haköphöti.

T. MĀKÖS 12:12

Ngaich cha-a nö lukkenre nö hòṅ kēḵ An; ngaich pa-ekūö tö yik tömaṙôngö; pò cha nö akahalōn tö Ò nö ṙôten cha tö ngam inchōḵoṙô. Ṙāngen Ò cha-a ngaich, ngaich kiröönngöre.

INLAHEN 24:25

Ngaich hē Pôl nö ve-ekūö ò tö lanöökö, ṙināpöre, ngam tömòkngöre kinṙôka inrē; ngaich pa-ekūö Filik, ngaich ngö ṙô, Kuṙòh ngaich man sin; havëken meh chin min hēk, ip lanöökö ṙētak.

T. YÔHAN 7:46

Ngaich ngö ṙô yik tösökhaka, Öt tarīkuvö töngatī ṙô, nö kahôka.

T. LŪKÖS 20:19

Ngaich yik kamūich, yik yöngṙen kūönṙô inrē, nö hòṅ kēḵ An hē e; pa-ekūö pöri cha-a tö yik tarik; pò cha nö akahalōn tö ngam ṙô Ò inchōḵṙô nö inlahen cha.

T. LŪKÖS 19:47

Ngaich mumkahten Anga-aṅ nö örheūheu nö el ngam töhet chūök. Ngaich yik mākūö kūönṙô yik kamūich inrē, yik yöngṙen yik tarik inrē, nö hòṅ fëlngen Ò;

T. LŪKÖS 4:22

Ngaich cha-a nö ṙòkhöre mat nö ngëichken Ò, ngaich pingangkūö tö nuk ṙô lamöknyö elvāng Ò. Ngaich ngö ṙô cha-a, Röh Angah nö kūön Yôsĕf?

T. MĀKÖS 11:32

Yē hī pöri min, Aṅ i tarik; ngö ṙô, pa-ekūö cha-a tö yik tarik pò Yôhan nö pròfĕt takô, tö lōn cha nö ṙòkhöre.

T. MĀKÖS 6:20

Pò Hērôt nö pa-ekūö tö Yôhan; pòn akahalōn tö ò nö tölöök, töhet inrē, nö tarik; ngaich nöng lākan. Ngaich hē ò nö hang ṙô ò, ngaich ṙamölōn nöng hang ṙô ò.

T. MĀKÖS 3:6

Ngaich kunyi-inyre yik Feresī, iṙūö ve-ekūö re ngaich tö yik aṅ in Hēròt, töp tīre nö fëlngen Ò.

T. MĀKÖS 1:22

Ngaich cha-a nö pingangkūö tö ṙô Ò nö haköphöti; pòn haköpten cha Anga-aṅ, nö sā töchönguvö, öt sā yip kamūich.

T. MËTIV 21:15

Hē yik mākūö kūönṙô pöri, tö yik kamūich inrē, nö meuk nuk pinngangkūö tī Yēsū yik nyīö inrē nö pōitô nö el ngam töhet chūök, nö ngö ṙô, Hōsanna i ngam Kūön Tāvit; kunyahaṅlōn cha-a.

Isayā 49:7

Ngö ṙô An ngam Mā Tēv, ngam ṙāmānyen Israĕl ngam Töhĕng Töhet inrē, tö ngam tö yāich nāichngen, tösō-ovö tö pumnāmö tarik, ngam tarik aṅ i mahayöng: meuk min yip Rācha chōholre inrē; kūön rācha, cha-a inrē min fātngökūöre; kūö ngam Mā Tēv, ngam tökô-en, Töhĕng Töhet in Israĕl, ngam kamtöllen meh.

1 RĀCHA 22:18

Ngaich ngö ṙô ök rācha aṅ Israĕl tö Yēhosafāt, Röh öich taheui vë-eny nang meh tö ò nö öthō nö löökö ṙô nö in chu, höng tötlöök?

1 RĀCHA 22:8

Ngaich ngö ṙô ök rācha aṅ Israĕl tö Yēhōsafāt, Hĕng tit tak öp tarik öp löktô hī öre hatönre im Mā Tēv, ang Mikāya kikōnyö kūön Imlah: surīkhen ò pöri chū-ö; pò ò nö ötlöököṙô nö in chu, höng töchōich. Ngaich ngö ṙô ang Yēhōsafāt, Uh an yēḵ ngam rācha nö ngatī ṙô.

1 RĀCHA 21:20

Ngaich ngö ṙô Ahap tö Ĕlaicha, Kôtökūö öm tö chu, Ō më-eṅ tökunyaha elmat tö chu? Ngaich sap ṙô ò anga-aṅ, Kôtökūö chin tö meh: pò meh inyihngöre öm la-evṙen tö tötlöök i kūö ngam Mā Tēv.

T. LŪKÖS 2:47

Ngaich yik hamangṙô Ò nö pingangkūö tö mikah Ò, ane inrē huneū-euṅ ṙô Ò nö sapṙô.

T. YÔHAN 7:1

Lök i Kelelī Ang Yēsū, unôichrit u pòn sōḵ nö lök i Yūtā, pò yik Yahūti nö lukkenre nö hòṅ fëlngen Ò.

T. YÔHAN 7:19

Röh ang nö Môsös kame-eṅkūö yīö tö ngam chöngö? Ngaich öt hĕng tak tö yīö, tö la-evṙen tö e, kūöyòh öi lukkenre hòn fëlö Chu?