T. MĀKÖS 11:13 - TÖHET LĪPÖRE (Re-edited) Bible (BSI)

¹³ Ngaich hĕng māṅ ök anychīr chōn, tömeūkö nö marôvat, nöng rōyuvö; yihtöre Anga-aṅ ngaich, lohten nö amahtuṙen nö kôtökūö tö ṙòng ò. Ngaich hē Ò nö ngaich nö sölta nö in ò, ngaich öt kanôtukūö, höng rōi. Pòn öl nö hē ṙòng anychīr.

T. MĀKÖS 11:13 Referans Kwoze

T. MËTIV 21:19

Ngaich ngö ṙô Anga-aṅ tö ò, Uh man yēḵ ṙôngu, töngamuhöten, örheūheu inrē. Ngaich irūö nyangngö ök anychīr chōn.

Isayā 5:7

Pò ngam panô-òṅ vāin ngam Mā Tēv yip tömaṙôngö nö ngam patī Israĕl, yip tarik Yūtā inrē nö tölöök nö chōn: ngaich anga-aṅ nö ngëichkö inkaha fālen ngaich höng meuk pineūnyö.

T. LŪKÖS 10:31

Ngaich i inmahten hĕng taka ök kūönṙô lamök im talöökö; höngmeuktöre anga-aṅ tö ò, ngaich chööḵngen ò, nö hakūnngöre.

1 SAMUĔL 6:9

Ngëichkö e yĕn kiröönngöre nö el talöökö nöng kanahngenre ip kūöngö panam i Petsimes, ngaich anga-aṅ tö tī-iv nö in hī tö ngih yöng tötlöök: ngaich yĕn öt angū-ö pöri, ngaich ayī-ö akahalōn min tö e nö öt ngam kël ò famëlö hī; ngaich höng lanôtökūö angū-ö nö famuk in hī.

NGAM LĪPÖRE RŪT 2:3

Kiröönngöre ngaich anga-aṅ, yihtöre ngaich nö el panô-òṅ ngaich unôichrit yik mū-uvòh nö chap: ngaich anga-aṅ nö söktöre el ök kamnāchö panô-òṅ Pō-as, ök aṅ mupīhö Elimelek.

Isayā 5:2

Ngaich anga-aṅ nö ul talöökö mak nö havīlö e, ngaich hamūl nup ihong umuh ngaich teūchtö aṅ e tö tö atöllöngö vāin, ngaich vīlö chūök chamônga nö ellōn e ngaich ël e inrē nö hulhöt kinrān vāin: ngaich meūkken re anga-aṅ tö e min nö ṙôngu aṅ, ngaich angū-ö nöng ṙòng tö tötkôlò.

T. MĀKÖS 11:12

Ngaich im huṙöich, hē cha nö yih nö ṙā-ang Petenī, kapahare Anga-aṅ.

T. MĀKÖS 11:14

Ngaich ngö ṙô Anga-aṅ tö ò, Töngamuhangen, söl môkö inrē örheūheu, öm öt nyā-aṅ ṙòng tö tarik. Hāngö e yik haköptö Ò.