T. MĀKÖS 11:11 - TÖHET LĪPÖRE (Re-edited) Bible (BSI)

¹¹ Kuhēthötre ngaich Anga-aṅ nö i Yerūsalem; ngaich kuhēthötre nö ël ök töhet chūök. Ngaich havīngömatre Anga-aṅ nö ngëichkö tökeuheūttöre, hòṅ harap angū-ö nö ngaich; kunyi-inyre ngaich Anga-aṅ, holtö yik tö nët sīön tak, nö chuh Petenī.

T. MĀKÖS 11:11 Referans Kwoze

MALAKI 3:1

Yĕh meuk, tīntö ma-ahānga chin, ngaich anga-aṅ min nö urĕh tö chu nö halēnkö talöökö; ngaich ngam Mā, ngam chahöh yīö, nöng lūk min nö yih nö el ngam töhet chūök ò; ngam ma-ahangkö ngam kinlēḵngô inrē, ngam chūök kumchiklōn inrē, ngam chūök kumchiklōn yīö, yĕh meuk, yih ana, ṙô ngam Mā Tēv yip tömaṙôngö.

SEFAINIĀ 1:12

Ngaich ngö inlahen angū-ö min ip hē-e, tö chu min öich kiluhu Yērusalem öich ëāṅvö tö manyak; ngaich chū-ö min chöhken yip tarik yip töfônghaka nö kintūörit, yip tö ngö ṙô ellōn re, Öthō an ngam Mā Tēv nö lööktö tī, öt rēhĕn nö hōḵ nö ötlöökö tī.

ISIKĪ-ĔL 8:9

Ngaich ngö ṙô anga-aṅ tö chu; Meuthöt man, ngëichkö nup tötlöök sin-òkkūö nup kahëken cha nö ihih.

T. MĀKÖS 11:19

Haraptöre harap, kunyi-inyre ngaich Anga-aṅ, nö ṙā-ang el ap panam.