T. MĀKÖS 11:1 - TÖHET LĪPÖRE (Re-edited) Bible (BSI)

¹ Ngaich hē cha nö röhta nö i Yerūsalem, nö i Petfēkē, Petenī inrē, i kui ap Rôngö Òliv; nët tak tahīnngö ngaich Anga-aṅ, tö mahaköp;

T. MĀKÖS 11:1 Referans Kwoze

T. YÔHAN 8:1

Ngaich Yēsū nö chuh kui ap Rôngö Ôliv,

INLAHEN 1:12

Havantöre ngaich cha-a, nö i Yerūsalem, nö ṙā-ang kui ap rôngö Ôliv, ap töröhta nö i Yerūsalem, höng rô-òlkūö kinröönngö hē el töhet sakāmö.

T. MĀKÖS 14:13

Ngaich nët tak tahīnngö Anga-aṅ, tö aṅ i yik haköptöre, nö ngö ṙô tö cha, Kuṙòh, chuh im panam nan. Hĕng taka ap min tarik umuh, tamyukkö chūök mak, maheuṅkkūö nāṅ; tömrit ò panchö.

T. MĀKÖS 6:7

Have-eti Anga-aṅ tö yik tö nët sīön tak, nö in Ò; ngaich tīngen cha nö kö anët tak; ngaich kē-ĕkūö cha tö chöngö nö i tötlöök sī-ö.

T. MËTIV 26:30

Keuheūhë ṙô cha-a nö tikökṙôre, ngaich kunyī-inyre nö ip Rôngö Òliv.

T. MËTIV 24:3

Ngaich hē Ò nö ūichngöre, nö i kui ap Rôngö Òliv; ngaich ulāikenre yik mahaköp nö yihtöre nö in Ò, ngaich ngö ṙô. Ve-eny nang ih Man, ĕhē ön min anu-ö? Asuh öp min inrē minkahngö yanihih Meh, öp manāngen ngih panam inrē?

T. MËTIV 21:17

Ṙā-ang Anga-aṅ tö cha, ngaich kunyī-inyre nö ṙā-ang el ök panam; nö chuh Petenī; ngaich haṙòh in e.

SAKARIĀ 14:4

Sökhak min nup elröön ò ip sakāmö angū-ö nö i kui nup Rung Ôliv, ap lā kūö Yērusalem nö lā chuhöt, ngaich min öp Rôngö Ôliv nö lökngö ṙat nö larāki nö kū-ötö lā chūhöt kū-ö tö lā sūng inrē, ngaich umuh min öp tökiröng achāṙö; ngaich ròngti min ngam Rôngö kū-ötö lākapā min nö kē-ĕngre, ròngti inrē angū-ö nö kū-ötö lā lòhngö.

T. MĀKÖS 13:3

Ngaich hē Ò nö ūichhaka nö i kui Rôngö Òliv, nö kū-ötö ök töhet chūök; ngaich hatönan hēḵ Pītör Yāköp, Yôhan, Antaru inrē, nö ulāikenre,

2 SAMUĔL 15:30

Kiröönngöre ngaich Tāvit nö löklö ök paneūlö ök rung Ôliv, höng paneuinyngöre nö peūlöre; kahul kui re anga-aṅ öt kunröpu inrē nö kiröönngöre: ṙòkhöre inrē yik tarik hol ò nö kahul kui re, peūlöre cha-a ngaich, höng paneuinyngöre nö peūlöre.

T. MĀKÖS 11:2

Ngö ṙô tö cha Kūṙòh; chuh im tuhēt nan, ngam i kūö nāṅ, iṙūö kôtökūö nan min tap tö kapòkhak kūön köttö, tö kunhēthöt nāṅ in e; öp tö öölu nö ūichka uk tö tarik. Luhlen ò, ngaich kēten ò.