T. MĀKÖS 10:52 - TÖHET LĪPÖRE (Re-edited) Bible (BSI)

⁵² Ngaich ngö ṙô Yēsū tö ò Kuṙòh, ngaich man kiröönngöre. Ngam mikah meh an, tölöökentī tö meh. Ilööṙen ngaich anga-aṅ nö meuk, ngaich tömrit Ò nö el talöökö.

T. MĀKÖS 10:52 Referans Kwoze

T. MËTIV 9:22

Havöölökūöre pöri Yēsū, ngaich meūkan; ngaich ngö ṙô tö ò, “Kakūönö, um pa-e-kūö; ap mikah meh ap tölöökentī tö meh.” Ngaich lööken ngam kikānö, im hē e takô.

T. LŪKÖS 7:50

Ngaich ngö ṙô Ò tö ngam kikānö, Ap mikah meh ap mahayööken meh. Kumchik ngöröönre man ngaich kuṙòh kiröönngöre.

T. MĀKÖS 8:25

Ṙātö eltīre Anga-aṅ nö hēk nö i mat ò, haköp matre ngaich anga-aṅ nö ngëcha, ngaich lööken; ngaich löökömat anga-aṅ nö meuk taṙòkhöre.

T. MĀKÖS 5:34

Ngaich ngö ṙô Anga-aṅ tö ò, Kakūönö; ngam mikah meh an tölöökentī tö meh. Im kumchikṙen man ngaich kuṙòh. Ngaich lööken yēḵ tö ngam invahre.

T. YÔHAN 9:32

Hēten tö ranehlö ngih panam, öt hĕng heuh öi hang tö hĕng tak nö löpnyukūö mat, töfötnyu nö ötmeuk.

T. MËTIV 15:28

Ngaich ngö ṙô Yēsū tö ò, Ò me-eṅ kikānö; pōyen an ngam mikah meh. Ngatī an yēḵ ngaich nö i meh, sā lōn meh. Ngaich lööken ök kūön ò hētentö e.

INLAHEN 26:18

Löpnyökūö mat cha inrē, im hanātö, ṙā-ang im sinngūlö, havöötökūö cha inrē im Tēv, ṙā-ang ngam minhôiṅyö Sātan; hòṅ cha nö teūngen tö inṙē-ĕl tökööl, ngaich amīnu nö i yip tö-ahetlöngö lökten im mikah in Chu.

T. MĀKÖS 1:31

Yihtöre ngaich Ang Yēsū, ngaich kēḵ kël ò; hachohlen ò ngaich, Ṙāngen ò ngaich ngam anūöyö, ngaich meukṙen cha anga-aṅ.

T. MËTIV 21:14

Ngaich yihtöre yik tötmeuk, tökaròk inrē, nö in Ò, nö el ngam töhet chūök, ngaich halanken cha Anga-aṅ.

T. MËTIV 12:22

Ngaich hĕng tak ök tökētu nö in Ò, tö-īnu tö sī-ö, tötmeuk tötkô nö ṙô-òv inrē. Ngaich halanken ò Anga-aṅ; ṙô-òvö ngaich ngam tarik, meuk inrē.

T. YÔHAN 9:39

Ngaich ngö ṙô Yēsū, Kamlah Chin yih ing panam, hòṅ yip tötmeuk nö meuk; hòṅ yip tömeuk inrē nö vīngöre nö öt meuk.

T. MËTIV 11:5

Teūngen yin vē tötmeuk tö matre; kiröönngöre inrē vē tökaròk; lööken vē töyeūnyuvö; hang vē töthang; hachohlöngö vē tökapah; mumkahtuṙen vē yāich, tö ngih tölöök inhānga.

Isayā 35:5

Ngaich min yip tötmeuk nö löpnyöre kūö mat, nup elnang yip töthang inrē nö löpnyörekūö.

Salmai 146:8

Ngam Mā Tēv lamöpnyökūö mat töt meuk, ngam Mā Tēv mahachohlö tö sangônköti: ngam Mā Tēv tö hāngenlōn tö lanöökö.

Salmai 33:9

Pòn ṙô-òv anga-aṅ, ngaich keuheūten angū-ö: chöngu anga-aṅ, söklöre ngaich a-ngū-ö nö köp.

T. LŪKÖS 9:48

Ngaich ngö ṙô Ò tö cha, Yē ngòh hamôḵòṅ ngòh kun nyīö min, nö i Mine-eny Chu, ngaich hamôḵen Chu. Ngòh hamôḵen Chu min, ngaich hamô-òṅ ngam tamin ngen Chu. Pò ngòh tökūöṅnö nö in yīö ṙòkhöre, anga-aṅ tö pōyö.

T. MËTIV 8:3

Hateuthöiny Anga-aṅ tö këlre, ngaich lūölken ò; nö ngö ṙô, “Hōḵ chin; lööken man yēḵ ngaich.” Ilööṙen nuk yeūnyö ò ngaich, nö lööken.