T. MĀKÖS 10:48 - TÖHET LĪPÖRE (Re-edited) Bible (BSI)

⁴⁸ Ngaich maṙôngö yik vamëken ò, nö hōten ò nö ṙāngôre. Vaichtö ṙūönyôre pöri anga-aṅ nö hūḵa, nö ngö ṙô, Me-eṅ Kūön Tāvit, Aheūkölōn tö chu.

T. MĀKÖS 10:48 Referans Kwoze

HEPRĀI 5:7

Ök tö keuheūthëṙen nö kēḵlö nuk ṙôre vine-eṅlkui, hē ò nö tarik, nö kalēḵĕṙô nö peuiny, holtö makmat inrē, nö in Ò ngam tökô nö hayööken ò nö ṙā-ang im kinpaha, ngaich hāngö ṙô, chööḵnyö tö ök tölöök pinhe-eṅkūö,

T. LŪKÖS 18:39

Ngaich yik mu-urĕh nö vëken ò, pò ò nö hōtu nö ṙāngôre. Vaichtö ṙūönyöṙôre anga-aṅ nö pōitô nö ngö, Me-eṅ Kūön Tāvit; aheūkölōn tö chu.

T. MĀKÖS 5:35

Ngaich hē Ò nö ṙònghöich ṙô nö ṙô-òvö, yihtöre ngaich yik ṙamā-ang patī ök yöngṙen chūök vine-eṅkūötēv, ngaich ngö ṙô, Kapah ap kūön meh nö ngaich. Kūöyòh öm iṙuöhen öm haṙeikö ngam Mahaköphöti?

T. MËTIV 20:31

Ngaich vëken cha yik tömaṙôngö; pòn hōten cha nö ṙāngôre. Vaichtö ṙūönyôre pöri cha-a, nö ngö ṙô, Mā; aheūkölōn tö ai; Me-eṅ Kūön Tāvit.

T. MËTIV 19:13

Ngaich kētu yik kun nyīö nö in Ò; pòn hōtu Anga-aṅ nö ṙātö eltīre nö i kui cha, nö ve-elkui cha. Ngaich yik mahaköp nö vëken cha.

YERIMIĀ 29:13

Chöhö chu yin min ngaich kôtökūö tö chu; yē yīö holtö ellōn re chöhö chu,

Salmai 62:12

Ō Mā, aṅ in Meh an inrē ngam miṙēlōn: pò Meh kô kē-ĕkūö tarik tösā la-en ò.

EFISÖS 6:18

Holtö vinë-eṅkūötēv, vinë-eṅlkui inrē, örheūheu vë-ekūötēv; īnu tö ngam Töhet Fanöinylö; hīnöre inrē, pītnyöre, vë-elkui taṙòkhöre inrē vē töhet;

T. MËTIV 9:27

Hē Yēsū nö ṙā-ang in e, ngaich nët tak nak tötmeuk tarik tamömkörit Ò; töng hamuḵa, nö ngö ṙô, “Aheukölōn tö ai, Me-eṅ Kūön Tāvit.”

T. MĀKÖS 10:13

Kētö yik nyīö cha-a nö in Kristū, pòn hōtu Anga-aṅ nö ṙātö eltīre nö i kui cha; ngaich yik haköptö Ò nö vëkö yik kamëten cha.