T. MĀKÖS 10:37 - TÖHET LĪPÖRE (Re-edited) Bible (BSI)

³⁷ Ngaich ngö ṙô cha-a tö Ò, Kē-ĕti Man hòṅ ai ūichhaka im kanôlò Meh, hĕng tak lahāmö Meh, hĕng tak latavē inrē.

T. MĀKÖS 10:37 Referans Kwoze

T. MËTIV 19:28

Ngaich Yēsū nö ngö ṙô tö cha, Tökô-ò ṙô Chin tö yīö yī-ö tamömrit Chu, i tinfömlö taṙòkhöre, hē ngòh Kūön Tarik min nö ūichlöre nö el kantēra kanôlòre; ūichlöre min yī-ö inrē, ël nup tö nët sīön kantēra, kakòkken yip tö nët sīön miyöngö Israĕl.

T. LŪKÖS 24:26

Tö sōtu ang Kristū nö ngatī kanihngen tö u, ngaich kuhēthötre nö unôich nö im kanôlòre?

T. MĀKÖS 16:19

Ngaich ngam Mā Yēsū nö kēḵlöngö nö el halīöngö, tö kinheūṅtö ṙô Ò tö cha; ngaich ūichngöre nö lahāmö ngam Tēv.

Salmai 110:1

Ngö ṙô An ngam Mā Tēv tö ngam mā chu: ūichngöre man lāhāmö chu, hanöng saha tī chu vītö yip tö kunyaha elmat tö meh nö ranöönö röön meh.

1 PĪTÖR 1:11

Chöh ṙētak, hēḵ inlahen öp ṙētak ngam Töhet Fanöinylö Kristū nö in u nö asōkhöti, hē e nö urĕh nö hameuktö kanihngen Kristū, nup tamömrit e inrē kanôlò.

T. MĀKÖS 8:38

Ngòh tösirōngkūö tö Chu, tö në ṙô Chu inrē, i ngih ma-asĕha, tököölö fālen tūmö; sumrōngngökūö ò min ngòh Kūön Tarik, yē Ò nö yih nö im kanôlò ngam Yöngre, nö holtö yip töhet ma-ahānga.

T. MËTIV 25:31

Hē ngòh Kūön Tarik min nö yih nö im kanôlòre, ṙòkhöre min yip ma-ahānga nö hol ò; ūichlöre Anga-aṅ ngaich, nö el kantēra kanôlò.

1 RĀCHA 22:19

Ngaich ngö ṙô anga-aṅ, Lökten man hangihtöre tö ṙô ngam Mā Tēv: meuk ngam Mā Tēv chin nö el kantērare nö ūichhaka, ṙòkhöre inrē nö sökhaka nö in ò më tömaṙôngö el halīöngö lāhāmö ò lātavē ò inrē.

Salmai 45:9

In yip tö-ineū-euv kikānö yip kūön rācha: lahāmö meh ap ranī nö sökhak nö yanöṅ-tö tö humlum aṅ Ôfīr.

T. MĀKÖS 10:36

Ngaich anga-aṅ nö ngöṙô tö cha, Asuh ap lōn nāṅ kahëkö kaha chu?