T. MĀKÖS 10:33 - TÖHET LĪPÖRE (Re-edited) Bible (BSI)

³³ Nö ngö ṙô, Yĕh meuk; chuh Yerūsalem in; ngaich min ngòh Kūön Tarik nö kēḵtu nö i yip mākūö kūönṙô, yip kamūich inrē. Ngaich cha-a min nö hōten Ò nö kumpaha; ngaich kēten Ò nö i yip tahëng mihëṅṙö.

T. MĀKÖS 10:33 Referans Kwoze

T. MËTIV 27:2

Nyëkan cha-a, ngaich kēḵngen Ò; kēten Ò nö ik mahayöng Pailĕt.

T. MĀKÖS 8:31

Rĕhnyôre ngaich Anga-aṅ nö haköpten cha tö ngam Kūön Tarik nö ötkôn rö-ö nö pōyen kanihngen, sōḵovö min tö yip yöngṙen, mākūö kūönṙô, kamūich inrē; kumpaha min, ngaich choholre hēk, unôichrit tö lūöi sumkam.

T. MËTIV 26:66

Ngaich ngö ṙô cha-a, Tö hòṅ kapah An.

T. MËTIV 16:21

Hēten e Ang Yēsu nö hameukhömat yik mahaköp, tö Ò nö hòṅ chuh Yērūsalem, ngaich pōiyen kanihngnen nö i yik mā, fëliyö, ngaich choholre im linūöi sumkam.

YĀKÖP 5:6

Asaichhanga yin ngaich, ngaich tī yin fëlngö ngam tölöök; öt laklöre anga-aṅ tö yīö.

INLAHEN 20:22

Ngaich chin yih töngamuh, öt maninngenlōn, chuh Yerūsalem; öt akahalōn min tö lāinyngenre öich umuh;

INLAHEN 13:27

Pò cha yip mi-inyöng i Yerūsalem, yip yöngṙen cha inrē, kūö cha nö öt akahalōn tö Ò, öt rēhĕn tö nup ṙô yik pròfĕt, nö tö örheūheu nö ve-evkūö hē el töhet sakāmö; hateungngö u cha-a ngaich, nö öthakôlò Ò.

T. YÔHAN 19:11

Ngaich Yēsū nö ngö ṙô, nö sapṙô ò, öt minhôinyu man in chu, yĕn Öt aṅ lātulöng nö kinëḵeṅkūö meh. Lökten öp kamëten Chu nö in meh, nö töpōyen tökööl.

T. YÔHAN 18:28

Ngaich kēḵngen Yēsū cha-a, nö ṙā-ang in Kaifas, nö i patī mahayöng. Ka-euilökūö angū-ö tö peuheū. Öt kuhēthötre cha-a nö el patī mahayöng; pòn sōtu nö kuvīö, kūö nyinā-aṅ ngam paska.

T. LŪKÖS 23:21

Ngaich pöri cha-a nö hūḵa, nö ngö ṙô, Harāten Ò; harāten Ò.

T. LŪKÖS 9:22

Nö ngö ṙô, Pōyen kanihngen ön min ngòh Kūön Tarik: sōḵovö ön min tö yip mākūö, yip kūönṙô, yip kamūich inrē; fëli ngaich; im linūöi sumkam nö hachohlöngö.

T. MĀKÖS 15:1

Ngaich ka-euilökūö im peuheū yik mākūö kūönṙô, nö hol tö yik yöngṙen, yik kamūich inrē, ṙòkhöre yik kamhôṅka nö ve-ekūöre; ngaich nyëkö Yēsū; kēḵngen Ò ngaich, ngaich kēten Ò nö in Pailĕt.

T. MĀKÖS 14:64

Hang ṙô Ò yin ngaich, nö öt lēḵkôre. Sitih lōn öi? Ngaich ṙòkhöre ṙô cha-a tö Ò, nö tö hòṅ kumpaha.

T. MĀKÖS 9:31

Pò Ò nö haköptö yik haköptöre, nö ngö ṙô tö cha, Kētu Ön min ngòh Kūön Tārik, nö eltī tarik; ngaich fëlngen Ò min cha-a. Keuheūthëṙen finëlngö min Anga-aṅ, ngaich choholre hēk, unôichrit tö lūöi sumkam.

Isayā 53:3

Töt hakūökaṙen an tösō-ovö inrē tö tarik; tarik miṙivlōn an, tö-īnu inrē tö miṙivlōn; sā öp töhĕng tak an inrē chūök tarik nö hanyatngö kūö re öt hakūökaṙen anga-aṅ rö-ö ayīö inrē hāngen tö ò.

T. MĀKÖS 9:12

Ngaich ngö ṙô Anga-aṅ tö cha, Kô ap Ēlaicha nö urĕh tö yihih, ngaich halēn taṙòkhöre. Ngaich Sitih kinūichngö ngòh Kūön Tarik, tö Ò nö ötkôn rö-ö nö pōiyen kanihngen, sōḵovö inrē?

T. YÔHAN 18:32

Hòn kinheūṅten ngam ṙô Yēsū, ngam ṙô Ò nö hameūktö inlahen kinpahare Anga-aṅ.