T. MĀKÖS 10:30 - TÖHET LĪPÖRE (Re-edited) Bible (BSI)

³⁰ Öp töhēngòng taneūngen min i ngih tūmö, tö patīre, kahëmre, kanānöre, yöngre kūönre, panamre, nö holtö ötinkôlò; ngaich im töyihihvö panam, nö nômuvö tö-örheūheu-aṅ.

T. MĀKÖS 10:30 Referans Kwoze

FILIPĪ 3:8

Hôṅ kô; kaheuktö u chin nö yanëḵngen, kūö ngam tölngö lanöökö mikah aṅ in Kristū Yēsū ngam Mā chu: ngam töpô-òvkūö tö chu yëḵngen tö taṙòkhöre, ngaich kaheuktö u ngö sôḵ nuā, hòṅ chu teūngen tö Kristū,

T. LŪKÖS 18:30

Öp tö-ötteūngen min tö töpōyen i ngih panam, im töyihivö panam inrē ngam nômö tö-örheūheu-aṅ.

2 KÒRIN 6:10

Sā tö haṙīvölōn, ngaich sön tö-örheūheu ṙamölōn sā yāich, ngaich maṙôngö tī tö tökôlò; sā töt hĕng mihëṅṙö aṅ in, ngaich sön tö īnu tö tökeuheūttöre.

YĀKÖP 1:12

Tökôlò ön ngòh tarik, ngòh töthanlöinyken tö kanihngen; pò ò min nö teūngen tö ngam sapīöv ngam nômö, yē ò min nö mihôiṅ, ngam ṙô ngam Mā nö kilēḵngôre nö in cha yip töhāngenlōn tö Ò.

MALAKI 3:10

Keuheūtöre tī yin yĕh kētö tö hĕng i tösöm el ngam patī chūök inmūlngö, hòn nyā-aṅvkūö nö el ngam patī chu, aṅtī ten e hameukhö mat chu töngamuh, ṙô ngam Mā Tēv yip tömaṙôngö, yē chu min öt löpnyö kūö minë inkūp ngam halīöngö, öich hōngnyö inkôlò yīö, hòn öt kô-òre chūök min nö chūökṙen e.

YĀKÖP 5:11

Yĕh meuk, tökôlò yin vē kameun, tö ṙô hī: ngaich yin hang manöinyö Yōp, ngaich meuk manā-aṅ tī ngam Mā, tö ngam Mā nö tötööḵlö tö miṙēlōn, tööḵlö inrē tö neūkölōn.

INCHŌḴ-OṘÔ 16:16

Ĕhten an ngam kinë-eṅ mikah tö kinë-eṅ humlum; ngam intöllö kinë-eṅ mikah elmat ĕhten tö rupīö.

INMEUKHÖMAT 3:18

Halēnö meh chin öm havah humlum in chu, nup tö halööktitvö tö tameūyö, hòṅ meh öm kôlò, tö-isoh hilā inrē, hòn meh kafānöre, hòṅ öt hameuktu ngam sumrōngkūö meh öm chumlal; sanöichmat inrē nö sanòh mat meh, hòṅ meh meuk.

1 TIMÒTĪ 6:6

Tökiröng pöri nö taneūngen ngam lanöökö nö hol tö öt sinṙakngölōn:

INLAHEN 5:41

Kiröönngöre yik tanīnöṙô nö ṙā-ang i kūö yik kamhôṅka; ṙāmölōn töre nö halöngtuṙen nö sumrōngikūö tökūö ngam Mine-eny;

2 KINṘÖTNGÖ 25:9

Ngaich ngö ṙô Amasīya tök tarik ngam Tēv. Sitih inlahen öp pökeh min ngaich tö nuk töhēngòng tālen kahëtö chu in yip kumyung aṅ Israĕl? Sap ṙô ò ngaich ngam tarik ngam Tēv, Mihôiṅ an ngam Mā Tēv nö kē-ĕkūö meh tö töpōyen tö u.

1 YÔHAN 3:1

Yĕh meuk ṙôkö hanāngenlōn ngam Yöng tö hī i invëkö hī öi kūön ngam Tēv; ngaich kô ayī-ö. Angū-ö an lökngen ngih panam nö öt akahakūö tö hī; pò e nö öt akahakūö tö Ò.

2 TÖSALÒNIKĒ 2:16

Ngaich an nö hakôtenre ngam Mā Yēsū Kristū, ngam Tēv Yöng hī inrē, ngam töhāngenlōn tö hī, nö kē-ĕkūö hī tö ngam tötchanūhuvṙen inṙamlōn, ngam tölöök mineūka inrē nö lökten im inlōnti,

RŌMA 6:23

Pò ngam raneushö tökööl nö kinpaha; ngam aṅ im Tēv pöri tötṙāyu raneushö, ngam tö örheūheu-aṅ nômö, in Kristū Yēsū ngam Mā hī.

RŌMA 5:3

Un höng ngatī, tön hĕnghöre ṙāmölōn ayī-ö, ta-a, i nup kanihngen hī; akahtöheichlōn tö ngam kanihngen nö vītö manöiyö,

INLAHEN 16:25

Ngaich im chūöl hatööm nā Pôl nāṅ Sailes nö ve-ekūötēv, tikökṙôre inrē; hang ṙô cha yik tökē-ĕ.

T. YÔHAN 10:23

Ngaich lök ël ök töhet chūök Ang Yēsū; ël ök rittūi, tö Sòlòmön minënyi.

T. MËTIV 12:32

Aṙēlöngö min ngòh töchōchö ṙô nö i ngòh Kūön Tarik; ngòh töchōchö ṙô pöri, nö i ngam Töhet Fanöinylö, öt aṙēlöng, öt rēhĕn nö i ngih panam, öt rēhĕn nö im töyihivö panam.

T. MËTIV 6:33

Urĕh pöri yī-ö chöh ngam pūlngö ngam Tēv, ngam lanöökö Ò inrē; ngaich ṙūötu ṙôken min anū-ö nö in yīö.

INMEUKHÖMAT 2:9

Akahalōn chin tö kanihngen meh, tö ötkakôlò meh inrē (kôlò pöri me-eṅ), ane inrē tö ngam ötlinëkô cha yip Yahūti tö ṙôre, ngaich nö rö-ö cha-a, chūök vine-eṅkūö sātān pöri.

Salmai 84:11

Pò ngam Mā Tēv nö tavūöi, lanaklö inrē, kētö inkôlò An min ngam Mā Tēv: öt ma-iṅh tī re An tö nup tölöök nö i yip lamök i tö chiplö.

1 YÔHAN 2:25

Ngih ön yih kinlēḵngô, ngam tökilēḵĕyö nö in hī, angū-ö ngam nômö tö-örheūheu-aṅ.

T. MËTIV 13:8

Fuk el tölöök tumlat nuk tahëng; ngaich ṙônguvö, rēvre tö hēngòng ṙòng, rēvre tö tafūöl anāi ṙòng.

INLAHEN 14:22

Hangëkö ellōn yik mahaköp; ṙuhöl alaha cha inrē nö haköpngöre nö im mikah; ve-eny nang cha inrē tö hī, lökten i kanihngen, öi kuhēthötre im pūlngö ngam Tēv.

1 TIMÒTĪ 4:8

Pò ngam inrūnö ngam alaha nö öt pōyen kanôlòkūö, kôlòkūö pöri ngam lanöökö tö tökeuheūttöre, īnu tö ngam kinlēḵngô nômö ing töngamuh, ngam yamih min inrē.