T. MĀKÖS 10:24 - TÖHET LĪPÖRE (Re-edited) Bible (BSI)

²⁴ Ngaich yik mahaköp nö pingangkūö tö ṙô Ò. Hēk pöri Yēsū nö ngö ṙô tö cha, Yī-ö nyīö; iṙen kanihngen aich cha-a vē mahayönglenre nö i kanôlòre nö kuhēthötre nö im pūlngö ngam Tēv!

T. MĀKÖS 10:24 Referans Kwoze

INCHŌḴ-OṘÔ 11:28

Nyangngö ön min ngòh mahyönglen re nö i kanôlò, sā tö ayal rōichōn pöri ngòh tölöök min nö kôlòṙen.

INMEUKHÖMAT 3:17

Pò meh ngö ṙô, Kôlò chin, ngaich teūngen tö kanôlòre, ngaich öt hēngö hanāten; ngaich rö-ö me-eṅ akahalōn töre öm kūöngö tötkôlò, yāich inrē, tötmeuk, töchumlal inrē;

1 TIMÒTĪ 6:17

Vëkö yip tökôlò nö ing panam töngamuh, hòṅ cha nö öt tulöng ellōn, hòṅ cha inrē nö öt i nup töt kamngu kanôlò ellōn nö meūka, im Tēv pöri, ngam töpōyen tī nö kētö taṙòkhöre inṙamlōn hī;

Salmai 52:7

Yĕh meuk, anga-aṅ an ngòh tarik töt vamīten ngam Tēv nö kumlēḵ ò: hayönglenre pöri nö i ṙôken nup kanôlòre, ngaich hangë-eṅre nö im öt lanöököre.

T. LŪKÖS 16:14

Ngaich yik Feresī, töhāngenlōn tö rupīö, nö hang në ṙô Ò; ngaich cha-a nö miyëḵṙô.

INCHŌḴ-OṘÔ 18:11

Ngam töngëḵ el panam ò kanôlò ngam tökôlò tarik, sātö marô-òlkui kinlōngö inrē nö laklen ò.

Salmai 62:10

Un hayönglenre nö i inkihten, un vītenre i unlāya, un im töng rö-ö: yĕn ṙūölöreṙen kanôlò, un kētu ap ellōn nö in e.

1 YÔHAN 2:1

Yī-ö kun kūön chu, në nun kahūichtö chu in yīö, hòṅ yīö öt köölö fālen. Ngaich yĕn tarīkuvö tököölö fālen, vamëlukui in im yöng tö Yēsū Kristū ngam tölöök;

T. YÔHAN 13:33

Yī-ö nyīö; höng rahëchtören Chin in yīö. Chöhö Chu yin min; ngaich sā ṙô Chu tö yik Yahūti, Ip kū-ö Chu kiröönngöre, öt kô yī-ö in; ngatī ṙô Chin tö yīö töngamuh.

SEFAINIĀ 1:18

Öt rēhĕn rupīö cha min nö kô nö ṙānyen cha öt rēhĕn humlum cha inrē ip sakāmö lanīnö ngam Mā Tēv: keuheūtngöre vah pöri min ngam panam nö ṙāpngö tökūö tameūyö kumlēḵlōn ò: pò ò min nö keuheūtngen e, hôṅ, veūtö kinheūtngen an, yip mī-iyöng impanam nö ṙòkhöre.

HAPAKŪK 2:9

Tötkôlò an yēḵ ngam töteūngen nö löklen i michīl nö hakôlò patī re, pò ò nö hòṅ lātulöng tī tö ngam chūök re, pò ò nö öt hòṅ lökngöre tö tī ngam tötlöök!

INCHŌḴ-OṘÔ 23:5

Yē meh ngëichkö e, ngāichen angū-ö; pò e nöng lūk nöng kitūöngöre, sā matēṙö nö kiteū kū-ö tö el halīöngö.

Salmai 17:14

Ō Mā Tēv, löktö eltī meh, ṙā-ang in yip tarik, ṙā-ang in yip tarik aṅ ngih panam, yip tö minchööḵövö tö aṅ ngih nômö, yip töhatööḵöi- ṙen aich tö meh tö nup kanôlò meh: Kô-ònglōn yip tö kūönre, ngaich ṙātö nup chööḵ nö in yip tënö kūön cha.

1 YÔHAN 5:21

Yī-ö kun kūön chu, lakngöre yin tö nup insātēv.

1 YÔHAN 4:4

Yī-ö kun kūön chu, aṅ im Tēv yin yī-ö, ngaich mihôiṅ inrē tö cha: pòn kiröng öp in yīö tö ò öp ing panam.

KALATĪ 4:19

Yī-ö kun kūön chu, kayôḵòiny chu hēk, hanöng saha Kristū nö vītöre nö in yīö.

T. YÔHAN 21:5

Ngaich ngö ṙô Yēsū tö cha, Yī-ö nyīö; nya-aṅvkūö öi yih? Ngaich ngö ṙô cha-a nö sapṙô Ò, Hö-ö.

T. YÔHAN 6:60

Maṙôngö yik haköptö Ò tö ngö ṙô, hē cha nö hāngö e, Tökihngen ön ngih ṙô. Achīö öp tökô nö hāngö e?

T. MËTIV 19:25

Hē yik mahaköp nö hāngö e; ngaich cha-a nö pōiyen pinngangkūö, nö ngö ṙô Achīö öp pökeh tökô nö hayöökaṙen?

T. MĀKÖS 1:27

Ṙòkhöre cha-a ngaich nö uṙeh; ngaich hatönöre, nö ngö ṙô. Asuh öng angu-ö? Tufömngöre inköphöti! Holtö chöngö An nö tölṙô më tötlöök sī-ö; ngaich hang ṙô Ò cha-a.

T. MĀKÖS 10:23

Ngaich Yēsū nö havīngömatre, ngaich ngö ṙô tö yik haköptöre, Iṙën kanihngen aich vē tökôlò nö kuhēthötre nö im pūlngö ngam Tēv!