T. MĀKÖS 10:21 - TÖHET LĪPÖRE (Re-edited) Bible (BSI)

²¹ Ngaich Yēsū nö hatīönken ò, nö hāngenlōn tö ò; ngaich ngö ṙô tö ò, Hĕng öp hanāten meh. Kuṙòh; inyihngö nup inre man, ngaich kē-ĕkūö yāich; ngaich me-eṅ minö el halīöngö chehen. Ngaich ta-a; kēḵ ngam töhakālöre tömrit Chu.

T. MĀKÖS 10:21 Referans Kwoze

INMEUKHÖMAT 2:4

Aṅhaṅv-in pöri chū-ö tö ngih kumnyah nö lā in meh, pò meh ngaich ṙāngö ngam mu-urĕh hanāngenre.

T. LŪKÖS 10:42

Hĕngtöre öp tö hòṅ in meh; ngaich an Mariā nö kēḵ ngam tölöök lā-a, ngam tötkanëḵngen min nö in ò.

YĀKÖP 2:10

Ngòh tökeuheūt nö haköp ngam chöngö, ngaich hĕng kang chūök nö kavē-ĕre, tö fāluṙen anga-aṅ in u nö ṙòkhöre.

INLAHEN 2:45

Inyihngö nuk inlānenre cha-a, ngaich katölhö kūöre nö ṙòkhöre, sālōn ngòh tö hĕng tak tarik.

T. LŪKÖS 18:22

Höng hangtöre ang Yēsūtö e, ngö ṙô Anga-aṅ tö ò, Hĕng ap töhāṅten nö in meh; inyihngö nup taṙòkhöre man chehenre; öm katölhökūö yāich; ngaich me-eṅ min kanôluṙô el halīöngö. Ngaich ta-a tömrit Chu.

T. MËTIV 16:24

Ngaich ngö ṙô Yēsū tö yik mahaköp, Yĕn tarikuvö töhòṅ tömkörit Chu, hökngen ò yēḵ nö hayëḵngenre, nö kēḵngam töhakālöre, nö tömrit Chu.

INMEUKHÖMAT 2:20

Aṅhaṅv-in pöri chu-ö tö ngih nö lā in meh, pò meh halöngten ngam kikānö Yēsipel öp kikānö pròfĕt töṙôre, ngaich anga-aṅ nö haköphöti ane inrē hachōḵngen yip kūön alaha chu nö asĕhha, nya-aṅvkūö inrē tö nup tökētu nö i insā tēv.

INMEUKHÖMAT 2:14

Haroh tum pöri nup kumnyah in chu lā in meh, pò meh aṅhaṅv-in umuh tö yip rēvre ṙamapkö ap inköphöti aṅ in Pēlām, ök mahaköpten Pēlak, nö kavaltö kinvē-ĕre yik kūön Israĕl, nö nyā nuk tökētu nö i insātēv, ngaich asēha inrē.

HEPRĀI 10:34

Sā yīö hĕnghöre aṙē-ĕlōn tö cha yip tö hakövö, ngaich ṙāmölōn öi kēḵ inyëḵngen nup amin yīö, kūö mikahlōnre töre öi amīnu töp tö hönlöre tö köp inrē.

T. LŪKÖS 12:33

Havahngö nup chehenre yin, ngaich alōnhöti; ngaich meukṙenre tö chūök rupīöre tö ap töthōḵ nö hōteh nö chehen, tötkinheūṅtuvö, aṅ el halīöngö, i chūök mu-ulāyö nö öt haröhtöre, ötrēhĕn maneui nö kat.

T. MĀKÖS 8:34

Ngaich havëtö yik tömaṙôngö Anga-aṅ, nö in re, nö holtö yik haköptö Ò; ngaich ngö ṙô tö cha, Yĕn tarīkuvö tö hòṅ tömrit Chu; hökngen ò yēḵ nö hayëḵngenre, nö kēḵ ngam töhakālöre nö tömrit Chu.

INCHŌḴ-OṘÔ 23:23

Havah tökô-en, un inyīhiyö inrē; havah mikah, mikah elmat, inköphöti inrē.

T. LŪKÖS 19:41

Ngaich hē Ò nö röhta, ngaich meuk ngam panam Anga-aṅ, ngaich peūinyö e;

T. LŪKÖS 9:23

Ngaich ngö ṙô Anga-aṅ tö cha nö ṙòkhöre, Yē ngòh tarik tö hòṅ yihtöre nö tömrit Chu, hökngen ò nö hayëḵngenre, nö kēḵ ngam töhakālö örheūheu, ngaich tömrit Chu.

T. MËTIV 19:21

Ngaich ngö ṙô Yēsū tö ò, Yē meh hòṅ teungten; kuṙòh, kirööngöre man; inyihngö nup inlānenre, ngaich alōntö yāich; ngaich me-eṅ mīnö el halīöngö kanôlò; ngaich ta-a tömrit Chu inrē.

2 KÒRIN 12:15

Kiröṅngö ṙānāmölōn chin, keuheūthang, keuheūtiṙen inrē tö kūö nup nômö yīö. Yē chu pōyen hanāngenlōn tö yīö, ngaich kūöṅnen hananghuṙen hòng?

T. YÔHAN 16:33

Ṙô Chu nun në tö yīö, hòṅ yīö in Chu kumchikṙen. Kihngen yin min ing panam; ui pa-ekūö pöri; ngaich Chin mihôiṅ töng panam.

T. YÔHAN 12:26

Yĕn tarīkuvö tö hòṅ lök la-en Chu, hökngen ò yēḵ nö tömrit Chu; ngaich i chūök Chu, in e min ngam kūön Chu inrē. Yĕn tarīkuvö tö hòṅ lök la-en Chu, hakôlöng ṙô min anga-aṅ tö ngam Yöng.

T. LŪKÖS 16:9

Ngö ṙô Chin tö yīö. Lökten i ngam tömichūṙen yin kanôlò, vītö holre; hòṅ e yĕn keuheūt, ngaich yī-ö hōḵov min im tö örheūheu chūök.

2 TIMÒTĪ 3:12

Hôṅ, ṙòkhöre yip tö hòṅ löök nö i kūö Kristū Yēsū nö kihngen min tö öt inkôlò.

Ranehlö 34:19

Ngaich ök ṙāl tarik nö öt ahāṅkenre tö e, pòn kuchīkölōn nö ik kikānö kūön Yāköp: ngaich angā-aṅ inrē nö tö mötlö ineū-euṅ tö yip taṙòkhöre aṅ patī ök yöng ò kikōnyö.

T. MĀKÖS 10:22

Panyimkötikūö ngaich anga-aṅ; kiröönngöre ngaich, nöng haṙīvölōn; pò ò nö töpōyen inlānen.