T. MĀKÖS 10:2 - TÖHET LĪPÖRE (Re-edited) Bible (BSI)

² Ngaich yihtöre nö in Ò yik Feresī, ngaich ngö ṙô nö hatönan, nö kalahan, Kô-òren ang ngò tarik nö ṙāngö pihöre?

T. MĀKÖS 10:2 Referans Kwoze

T. YÔHAN 8:6

Angū-ö ṙô cha nö kalahan; pòn hòṅ löknyuṙô nö vënyen Ò. Sōntöre pöri Yēsū, ngaich kūich el tumlat, nö aṅtī tö kuntīre.

T. MËTIV 23:13

Tötkôlò yin yī-ö, kamūich, Feresī inrē, mahanyatkö elmat; pò yīö harahkūö tarik nö im pūlngö ngam halīöngö; pò yīö öt kuhēthötre, öt rēhĕn halöngten yip töhòṅ kuhēthötre.

1 KÒRIN 10:9

Uh in rēhĕn kalah manöinyö ngam Tēv, sā yik rīkre tö cha; ngaich lëlngö tö kūö pēch.

T. YÔHAN 11:57

Ngaich yik mākūö kūönṙô, yik Feresī inrē, nö kētö chöngö; hōtu ngòh tarik nö hameuktö chūök Ò, yē ò nö akahalōn; hòṅ cha nö kēḵ An.

T. YÔHAN 11:47

Lökten yik mākūö kūönṙô, yik Feresī inrē, nö hamūl yik kamhôṅka; ngaich ngö ṙô, Sitih inlahen öi, tö ngòh tarik nö pōihöl tö minkahngö?

T. YÔHAN 7:48

Mā-av hòng ṙamātö ellōnre nö in Ò? Feresīṙu hòng?

T. YÔHAN 7:32

Hang ṙô yik tömaṙôngö yik Feresī, nö ulāikôre tö inlahen Ò; lökten yik mākūö kūönṙô, yik Feresī inrē, nö tīnngö tösökhak nö kamëḵ an.

T. LŪKÖS 16:14

Ngaich yik Feresī, töhāngenlōn tö rupīö, nö hang në ṙô Ò; ngaich cha-a nö miyëḵṙô.

T. LŪKÖS 11:39

Ngaich ngö ṙô ngam Mā tö ò, Yi-ö Feresī ma-ahet lö uk chūökkūö amòk, ane inrē pingāṅl; tööḵlö pöri ap lamātuhēt yīö, tö kinīlö ane inrē ötlanöökö.

T. LŪKÖS 7:30

Ngaich pöri yik Feresī, ane inrē yik mahaköptö ngam chöngö, nö sōḵo ngam tölöök tī ngam Tēv nö in cha; pò cha nö öt vōkö tö ò.

T. LŪKÖS 6:7

Ngaich höng ngëichka Anga-aṅ tö yik kamūich, yik Feresī inrē, yē Ò nö hòṅ halanken hē el töhet sakāmö; pò cha nö hòṅ löknyuṙô nö vëken Ò.

T. LŪKÖS 5:30

Ngaich yik Feresī, yik kamūich inrē, nö vahëkuvö nö i yik mahaköp nö in Ò, nö ngö ṙô, Kūö yòh öi yī-ö nyā, òk inrē, öi holkūö mahamūl ṙāi kinëhöt chehen, tököölö fālen inrē?

T. MĀKÖS 8:15

Ngaich Yēsū nö halēnö cha, nö ngö ṙô, Hīnöre yin: haṙēmngenre töp tö-aföhlöng aṅ i yip Feresī, aṅ in Hērôt inrē.

T. MĀKÖS 8:11

Yihtöre yik Feresī, kaknyöre ngaich nö hatönan; chöh minkahngö aṅ el halīöngö, nö kalahan.

T. MËTIV 22:35

Ngaich hĕng tak ök aṅ in cha, yōm chöngö, kalahan nö hatönan; nö ngö ṙô.

T. MËTIV 19:3

Ngaich yihtöre nö in Ò yik Feresī, kalahan, nö ngö ṙô, Kô ang ngòh tarik nö ṙāngö pīhöre nöng keuheūttöre löknyö chööḵnyi?

T. MËTIV 16:1

Yihtöre yik Feresī, yik Satukī inrē, ngaich kalahan; ve-ekūö Ò nö hameuktö minkahngö el halīöngö.

T. MËTIV 15:12

Yihtöre ngaich yik mahaköp, ngaich ngö ṙô tö Ò, Akahalōn Ömeh, tö yip Feresī nö kunyahaṅelnang tö ṙô Meh;

T. MËTIV 9:34

Ngö ṙô pöri yik Feresī, “Lökten ip mākūö sī-ö An, nö ahōngö sī-ö.”

MALAKI 2:16

Tön öt kuchīkölōn chin i ṙinā–ang, ṙô ngam Mā Tēv, ngam Tēv Israĕl, in ò inrē ngam mahachām tö kui hilāre tö chanökhuṙen, ṙô ngam Mā Tēv yip tömaṙôngö: lökten haṙēmngenre tö ngam ma-alaha meh, öi uh ulāihöt chanökhuṙen inlahare.

T. MĀKÖS 10:1

Choholre ngaich Anga-aṅ nö ṙā-ang in e; ngaich yihtöre nö i kūöngö Yūta, lāmuh tö Yôtön inrē. Ngaich maṙôngö yik yamihtöre nö in Ò nö hēk; ngaich sāre Anga-aṅ, nö haköpten cha nö hēk.

T. MĀKÖS 10:3

Ngaich ngö ṙô Anga-aṅ, nö sap ṙô cha, Sitih chöngö ök Môsös tö yīö?