T. MĀKÖS 10:17 - TÖHET LĪPÖRE (Re-edited) Bible (BSI)

¹⁷ Ngaich hē Ò nö iṙuhöröön nö kiröönngöre, ngaich hĕng tak ök umuh famaltöre nö in Ò; ngaich simngöre nö ve-ekūö Ò, nö ngö ṙô, Tölöök Mahaköphöti; asuh ap min la-en chu, hòṅ chu amīnuvö tö ngam nômö tö örheūheu-aṅ?

T. MĀKÖS 10:17 Referans Kwoze

RŌMA 2:7

I yip mahamöiyöre i tölöök la-en; nö chöh kanôlò, ineū-euṅ, töt chinhūngu inrē, in cha ngam nômö tö örheūheu aṅ:

T. LŪKÖS 10:25

Hĕng taka ök mahaköptö ngam chöngö, samöklöre nö kalah, nö ngö ṙô. Asuh ap min la-en chu hòṅ chu amīnuvö tö ngam tö-örheūheu-aṅ nômö?

INLAHEN 16:30

Ngaich kēḵnyen cha, ngaich ngö ṙô, Mā! Asuh ap la-en chu, hòṅ chu hayöökaṙen?

INLAHEN 2:37

Ngaich hē cha nö hāngö e, ngaich lòkngöre ellōn cha-a; ngaich ngö ṙô tö Pītör, tö yik tahëng inrē tanīnöṙô, Kahōlö; Sitih öi min?

INLAHEN 20:32

Ngaich chin töngamuh kēten yīö im Tēv, im ṙô ngam inlōnti aṅ in Ò, ngam tökô-òren nö ṙūölen yīö, kētö amin yīö inrē i nup taṙòkhöre tö ahetlöng.

INLAHEN 9:6

Ngaich kichëyöre anga-aṅ, pingangkūö inrē; ngaich ngö ṙô tö Ò, Mā! Asuh ap lōn Meh, la-en chu? Ngaich ngö ṙô ngam Mā tö ò, Choholre man; kuhēthötre im panam; vënyu nang man min töp la-enre.

T. MËTIV 25:34

Ngaich ngö ṙô min ngam Rācha tö cha yip lahāmö Ò, Ta-ih, yī-ö tö kôlò tö tī ngam Yöng Chu; amīnu tö ngam pūlngö tö halēnkaṙen tö pòkūö yīö, hētentö ranehlö ngih panam.

T. MËTIV 17:14

Ngaich hē cha nö yihtöre nö i yik tömaṙôngö; ngaich hĕng tak ök tarik yamihtöre nö in Ò; simngöre, nö ngö ṙô,

T. YÔHAN 6:40

Pò e nö lōn ngam Yöng Chu, tö yip taṙòkhöre mameuk ngam Kūön, ṙātö ellōnre inrē nö in Ò, nö nômuvö tö ngam tö örheūheu-aṅ, ngaich hachohlen cha Chū-ö min, ip manā-aṅ sakāmö.

TANĪ-ĔL 6:10

Hē Tanīel ngaich nö akahalōn tök līpöre nö ngaich nö kūichö mat tö minë-eny, chuh patī re ngaich anga-aṅ i nuk inkūp lökhöt kuföt ò el ök lātulöng urôhò tö luvë-akkūö nö kū-ö tö Yērusalem; sulngöre ngaich anga-aṅ nö lūöi heuh i tö hĕng sakāmö nö vë-ekūötēv ha-öiny inrē nö i kūö ngam Tēv ò, höng sā inlahen re tö lā-urĕh.

T. YÔHAN 5:39

Chöh nup töhet līpöre yī-ö, pò yīö in u tö lōnre öi nômu tö tö-örheūheu-aṅ; anū-önun inrē ameūken Chu.

T. YÔHAN 3:2

Anga-aṅ yamihtöre nö in Yēsū, tö hatööm, ngaich ngö ṙô tö Ò, Rappī; akahalōn in tö Meh Öm mahaköphöti ṙamā-ang im Tēv; tön öt tarīku tökô nö la-evṙen, nö sā Meh, tö në minkahngö, yē Ò nö öt īnu tö ngam Tēv.

T. MĀKÖS 12:14

Ngaich hē cha nö yihtöre nö in Ò, ngö ṙô cha-a ngaich tö Ò, Mahaköphöti; akahalōn in tö Meh tökô-en. Rö-ö Man tö hĕng tak ngahëchkökūö; pò Meh öt atöltuṙen tö tarik. Im kanô-en pöri Öm haköptö talöökö ngam Tēv. Töhuveū-en öng ngam kine-eṅkūö Kaisöör tö ṙāi chūökö? Rö-ö ṙöng? Kē-ĕti öi yih? Uh ṙöng?

T. MĀKÖS 9:25

Ngaich hē Yēsū nö meuk yik tömaṙôngö nö hufālö nö yihtöre; ngaich Anga-aṅ nö vëkö ök tötlöök sī-ö, nö ngö ṙô, Me-eṅ tötkô ṙô-òv, töthang inrē sī-ö; Chu-ö Chin tamölṙô meh, Meutnyi, ṙā-ang in ò; um hēk meuthöt in ò.

T. MĀKÖS 1:40

Ngaich hĕng tak ök töyeūnyu yamihtöre nö in Ò, nö ve-ekūö Ò, nö ngö ṙô, Yē Meh öre hōḵ, ngaich kô-òren Me-eṅ löökentī tö chu.

T. MËTIV 28:8

Kiröönngöre cha-a ngaich nö ka-eūiyen, nö ṙāngö ök anūlö, holtö pinhe-eṅkūöre, yöng ṙānāmölōnre inrē. Ngaich fal, nö ahangkö yik haköptö Ò.

1 YÔHAN 2:25

Ngih ön yih kinlēḵngô, ngam tökilēḵĕyö nö in hī, angū-ö ngam nômö tö-örheūheu-aṅ.

RŌMA 6:23

Pò ngam raneushö tökööl nö kinpaha; ngam aṅ im Tēv pöri tötṙāyu raneushö, ngam tö örheūheu-aṅ nômö, in Kristū Yēsū ngam Mā hī.

T. MĀKÖS 10:18

Ngaich ngö ṙô Yēsū tö ò, Kūöyòh Öich tölöök, tö ṙô meh? Öt hĕng tak tölöök, höng humeng, ngam Tēv.

EFISÖS 1:18

Ahatlöngö elmat ngam mat ngam ellōn yīö, hòṅ yīö akahalōn tö ngam maheūṅkköre im invëtö yīö, tö kanôlò ngam kanôlò, ngam amin Ò i yip töhet,

TAITÖS 3:7

Halööklöngö lökten im inlōnti aṅ in Ò, hòṅ hī min vītu tö-amīnu sā ngam mineūka aṅ im tö-örheūheu-aṅ nômö.

HEPRĀI 1:14

Röh yip cha-a nö ṙòkhöre nö mameukṙen ngam Tēv, tīntu nö tö la-evṙen tö pòkūö cha yip tö amīnu min tö inyööken?

1 PĪTÖR 1:4

Nö im amin töt chahū-uyö, töt hamūmiyö inrē, töt chōichngöre inrē, hinöngken yīö el halīöngö.