T. MĀKÖS 10:14 - TÖHET LĪPÖRE (Re-edited) Bible (BSI)

¹⁴ Ngaich pöri Yēsū nö pōyen kumnyahlōn, hē Ò nö meūkö e; ngö ṙô An tö cha Hökngen më kun nyīö nö yihtöre nö in Chu; uh yin nö vëka; tön töngatī aṅkūö an ngam pūlngö ngam Tēv.

T. MĀKÖS 10:14 Referans Kwoze

T. MËTIV 19:14

Ngö ṙô pöri Yēsū; Höktö më kun nyīö nö yihtöre nö in Chu; uh yin nö sōtu; tön ngatī aṅkūö an ngam pūlngö ngam halīöngö.

T. MËTIV 18:10

Uh yin hĕng tak hayëḵngen tö vē kun kūöṅnö; ngö ṙô Chin tö yīö, tö yip ma-ahānga cha, el halīöngö, nö örheūheu nö hatīönkökūö ngam Yöng Chu el halīöngö.

T. MËTIV 18:4

Lökten ngòh mahayāichngöre nö, sā ngòh kun nyīö, anga-aṅ töpōyö nö im pūlngö ngam halīöngö.

1 PĪTÖR 2:2

Sā tufömnyöre fötö tëṅnö nyīö, ngam töt īnu tö inchīlö, hòṅ yīö löklen in e sīöplö im inyööken;

2 TIMÒTĪ 3:15

Ngaich man akahalōn tö ṙô nup töhet tökūichiyö hētentö nyinī-öṅ meh, nup tökô nö akaha tī tö meh nö im inyööken lökten im ṙinātö ellōnre in Kristū Yēsū.

INMEUKHÖMAT 14:5

Öt aṅhaṅv elvāng yin tö minyôinyaṅ; öt aṅhaṅv-in yin tö tötlöök fālen.

2 TIMÒTĪ 1:5

Pò chu ngaich fēḵlöngö tö ngam ötinnyatkö-elmat mikah in meh: ngam mū-urĕh nö ik yōm meh kikānö, Lois, aṅ ik yöng meh kikānö inrē ang Yūnisi; nyatlö chin inrē tö meh.

EFISÖS 4:26

Līn yin, uh pöri köölö fālen; un meutti ngam tavūöi tö rôta lanīnö yīö.

1 KÒRIN 14:20

Kahōlö, uh yin nyīö i ellōn; tëṅnö pöri i nup chanökhulōn; töpōyö pöri yī-ö i ellōn.

1 KÒRIN 7:14

Pò ngam töt ṙamātö ellōnre inpihö kikōnyö, nö ahetlöngö nö im inpihö kikānö, ane inrē ngam töt ṙamātö ellōnre inpihö kikānö nö ahetlöngö nö im makalaha kikōnyö: töt het sin më kūön nā: ngaich pöri cha-a töngamuh nö het.

RŌMA 11:28

Pò kūö yīö cha-a nö tö kunyahaṅ elmat nö im tölöök inhānga; tö hanghuṙen pöri cha-a im kintöllö:

RŌMA 11:16

Yē ngam lanòhlòng nö töhet, ngatī ngam manulngö: yē ngam ṙĕh nö töhet, ngatī minë pak.

INLAHEN 3:25

Yī-ö yin, kūön yik pròfĕt, kūön ngam kinlēḵngô ngam Tēv inrē, nö i yik muvöhngö yīö, nö ngö ṙô tö Aprahām, Ip kūön meh yin min nö kôlò, vē taṙòkhöre aṅ ngih panam.

INLAHEN 2:39

Pòn lamöö in yīö ngam kinlēḵngô, i yip kūön yīö inrē, i yip taṙòkhöre inrē, yip töhavëtu min tö ngam Mā Tēv hī, nö in Ò.

T. MĀKÖS 8:33

Havöölökūöre Anga-aṅ, ngaich ngëichkö yik haköptöre; ngaich ngö ṙô, nö vëken Pītör, Sātān; heūlngöre man, i uk Chu; tön rö-ö man lōn tö aṅ im Tēv, nup aṅ i tarik pöri.

T. MĀKÖS 3:5

Ngaich hē Ò nö havīngömatre, nö hol tö lanīnö, nö ngëichken cha; pòn haṙivlōn tö ngane-eṅ ellōn cha; ngö ṙô Anga-aṅ tök tarik, Hateutnyö kël re mana. Ngaich hateutnyö e anga-aṅ ngaich lööken ök kël ò.

Isayā 65:23

Öt chök alaha yip min nö la-evṙen, hēk öt chök alaha nö kayônyö nyīö nö lamöö i kanihngen; pò cha min nö lamökngörit tökôlò aṅ im Mā Tēv, hol cha inrē yip kūön cha.

Salmai 78:4

Hö-ö in hòṅ hayunngö u i yip kūön cha: ve-enynang yip mu-unôich tö yīhih tumkölchap, tö minë nöinyö ngam Mā Tēv, ngam kumlēḵ Ò, pinngangkūö vahīṙen Ò inrē.

I. CHÖNGÖ 4:37

Kūö re anga-aṅ nö hāngenlōn tö yik muvöhngö yīö, lökten anga-aṅ nö atollö yip kūön cha unôichrit cha, ngaich kēnyen yīö öi ṙā-ang Aikup, hol tö yöng minhôiṅyöre;

KINṘEŪKÖ 14:31

Vē kun kūöṅnö pöri kūön yīö, vē pôḵ fanël tö ṙô yīö, haruklöng yin min tö Chu, ngaich cha-a min nö akahakūö töm panam ngam sahōḵo yīö.

Ranehlö 17:7

Haköpngö ngam kinlēḵngôre Chin min ihôi Chu tö meh inrē, töp kūön meh unôichrit meh i tumkölchap cha nö tötchanūhuvṙen kinlēḵngô, Öich Tēv meh, ap kūön meh inrē unôichrit meh.

1 SAMUĔL 1:22

Hö-ö pöri Hëna nö kiröönngöre; pòn ngö ṙô anga-aṅ tök pīhöre, Hö-ö chin chū-ö hòṅ kirööngöre hanöng saha ngòh nyīö nö ṙā-aikūö nö pō, ngaich möl chū-ö min kumten ò hòṅ ò nö meūkö nö i kūö ngam Mā Tēv, ngaich urāḵngen nö höngngöh nö umuh.

1 SAMUĔL 1:11

Ngaich chūöku ṙô anga-aṅ nö kilēḵngöṙôre, nö ngö ṙô, Ō Mā Tēv tömaṙôngö, yē meh hōḵ ngëichkö kanihngen ngòh tarik meh kikānö, fēken chu inrē, un vāchi inrē ngòh tarik meh kikānö, kē-ĕkūö ngòh tarik meh pöri kikānö tö kikōnyö nyīö, ngaich kēten ò chū-ö min im Mā Tēv i rô-òten ò nö aṅ, hö-ö öp min nö kamöpka keūyö.

T. MËTIV 5:3

Tökôlò yin vē töyāichö ellōn; pòn pūlngö cha ngam halīöngö.

T. MËTIV 5:10

Tökôlòyin vē tö ngaichngen ötinkôlò, töpòkūö ngam kanô-en; pòn pūlngö cha ngam halīöngö.

T. YÔHAN 3:3

Ngaich Yēsū nö ngö ṙô, nö sap ṙô ò. Tökô-ò ṙô Chin tö meh, yē ngòh tarik nö öt tumfömlöng finötnyi, öt kô anga-aṅ nö meuk ngam pūlngö ngam Tēv.

T. YÔHAN 3:5

Ngaich ngö ṙô Yēsū, nö sapṙô ò, Tökô-ò ṙô Chin tö meh, yē ngòh tarik nö öt fötnyu tö ngam mak, ngam {Töhet} Fanöinylö inrē, öt kô min anga-aṅ nö kuhēthötre nö im pūlngö ngam Tēv.

YÔSUĀ 8:35

Öt hĕng hang ṙô nuk hachöngten Môsös, tötve-evkūö tö Yôsuā nö i kūö yik tömūl Israĕl, yik kikānö, yik nyīö, aṅ tahëng inrē töhuveū-en nö in cha.