T. MĀKÖS 10:1 - TÖHET LĪPÖRE (Re-edited) Bible (BSI)

¹ Choholre ngaich Anga-aṅ nö ṙā-ang in e; ngaich yihtöre nö i kūöngö Yūta, lāmuh tö Yôtön inrē. Ngaich maṙôngö yik yamihtöre nö in Ò nö hēk; ngaich sāre Anga-aṅ, nö haköpten cha nö hēk.

T. MĀKÖS 10:1 Referans Kwoze

T. YÔHAN 10:40

Kiröönngöre Anga-aṅ nö hēk nö chuh lāmuh tö Yôtön, i chūök Yôhan nö vōk nö urĕh; ngaich höngngöh nö u muh.

T. MĀKÖS 4:2

Ngaich ṙōlö ṙô Anga-aṅ nö haköpten cha, nö inchōḵovṙô; nö ngö ṙô tö cha, nö i inköphöti,

T. YÔHAN 11:7

Ngö ṙô Anga-aṅ tö yik mahaköp, nö unôich, Ta-a, töi chuh Yūtā hēk.

T. MĀKÖS 6:34

Yôkti ngaich Anga-aṅ, ngaich meuk yik tömaṙôngö. Aṙē-ĕlōn ngaich Anga-aṅ tö cha; pò cha nöng sā pököre tötyōmuvö. Kaknyöre ngaich Anga-aṅ nö marô-òtô nö haköpten cha.

T. MËTIV 4:23

Keuheūt chahuhure Ang-Yēsū nö i Keleli, el chūök vine-eṅkūötēv cha, nö haköphöti, ane inrē mumkahten tö ngam tölöök inhangkö ngam pūlngö; halanken töṙōlkangen vah i yik tarik inrē.

YERIMIĀ 32:33

Havöötö ukre yip nö in chu öt havöötökūöre; pòrô chū-ö haköpten cha mileūchen, hö-ö cha-a nö hang nö kēḵ inköptöre.

T. YÔHAN 18:20

Ngaich ngö ṙô Yēsū tö ò, Höng hangāṅlnyöṙô re Chin ing panam; el chūök vine-eṅkūötēv Chin haköphöti, el ngam töhet chūök inrē, i chūök vē Yahūti nö ṙòkhöre nö mūl. Rö-ö Chin ulāikôre.

T. MĀKÖS 6:6

A Ngaich Anga-aṅ nö pingangkūö tö ötmikah cha. b Ngaich keuheūtkūö tuhēt Anga-aṅ, nö haköphöti.

T. MĀKÖS 2:13

Hēk Ang Yēsū nö chuh kūö mai, ngaich ṙòkhöre yik tömaṙôngö nö chuh in Ò; ngaich haköpten cha Anga-aṅ.

Mumkahten 12:9

Hol ngam mikah, haköptö tarik inrē ngam Mumkahten tö inkaha, kinlaha kanô-en inköpö inrē inlēnö nup inchōḵo ṙô inrē nö holtö tökiröng ṙanëmen.

T. MËTIV 26:55

Hē e, Yēsū nö ngö ṙô tö yik tömaṙôngö, Sāre öyih la-al tötūmu, öi sanëtu, tinkūngu inrē öi kē-ĕ Chu? Örhĕnghang sumkam Chin el ngam töhet chūök haköphöti; ngaich rö-ö yī-ö kē-ĕ Chu.

T. MĀKÖS 1:21

Ngaich chuh i Kafarnahum cha-a. Kuhēthötre Anga-aṅ ngaich nö el chūök vine-eṅkūötēv, nö haköphöti, hē el töhet sakāmö.

T. MĀKÖS 6:2

Chalô ngaich ngam töhet sakāmö, ngaich haköphöti Anga-aṅ nö el chūök vine-eṅkūötēv. Ngaich maṙôngö yik töpingangkūö, hamang; ngö ṙô cha-a, Aṅ yih ön në i ngòh tarik? Asuh öng ngam mikah, tö kētu nö in Ò? Në töngati minhôiṅyö inrē la-en, kahëken Ò?

T. MĀKÖS 10:2

Ngaich yihtöre nö in Ò yik Feresī, ngaich ngö ṙô nö hatönan, nö kalahan, Kô-òren ang ngò tarik nö ṙāngö pihöre?

T. MĀKÖS 12:35

Ngaich ngö ṙô Ang Yēsū, hē Ò nö haköphöti nö el ök töhet chūök, Sitih Ang Kristū nö Kūön Tāvit, tö ṙô yip kamūich?

T. MĀKÖS 14:49

Öt hĕng hang sumkam Chin in yīö, haköphöti el ngam töhet chūök; ngaich rö-ö yī-ö kē-ĕ Chu. Kinheūṅtngen ṙô minë līpöre pöri, ngih.