T. MĀKÖS 1:8 - TÖHET LĪPÖRE (Re-edited) Bible (BSI)

⁸ Aṅtī tö mak chin chu-ö vōkö yīö; vōkö yīö pöri Anga-aṅ min nö aṅtī tö ngam Töhet Fanöinylö.

T. MĀKÖS 1:8 Referans Kwoze

INLAHEN 1:5

Pò Yôhan nö aṅtī tö mak nö vōk; aṅtī tö ngam Töhet Fanöinylö pöri yī-ö min vōk, öt ṙōl töre sumkam.

1 KÒRIN 12:13

Pò hī im tö hĕng Fanöinylö ṙòkhöre vōkö im tö hĕng alaha, yĕn pòrô nö Yahūti hēk Krīk, yĕn pòrô nö töhakövö hēk töt hakövö; ngaich ṙòkhöre vītu òk aṅ im tö hĕng Fanöinylö.

YŌ-ĔL 2:28

Ngaich ngö inlahen angū-ö min nö unôich, tö chu min ṙöstö ngam fanöinylöre i kui taṙòkhöre tarik; ngaich yip kūön yīö kikōnyö kūön yīö kikānö inrē min nö mikahten, heūv heūvö min yip tököinytarik yīö, meuk tömeūkö min yip ṙāl tarik yīö.

INLAHEN 10:45

Ngaich yik tö tunyīnyi, yik ṙamātö ellōnre, nö uṙeh, yik hamòlröön Pītör; pò ngam inlōnti aṅ im Töhet Fanöinylö, nö hōngtu nö i më tahëng mihëṅṙö tarik.

INLAHEN 2:4

Ngaich tööḵlö cha-a tö ngam Töhet Fanöinylö, ngaich kaknyöre tö ṙô tahëng ëlô, sā tī ngam Töhet Fanöinylö nö kētö ṙô cha.

INLAHEN 2:17

Ngö ṙô An ngam Tēv, Ip manā-aṅ sakāmö min ṙöstö ngam Töhet Fanöinylöre Chin min i kuī-taṙòkhöre tarik; ngaich yip kūön yīö, kikōnyö kikānö inrē min nö mikahten; yip tö-ayal tarik yīö min nö meuk tö meūkö; yip tö köiny tarik yīö min inrē nö heūv haneūvö.

T. MËTIV 3:11

Kô chin chū-ö, aṅtī tö mak vōkö yīö, nö invöötö ellōn. Ap mu-unôichrit chu pöri, tömööḵlö kanô-òṅ tö chu; ötrēhĕn chin kô, kēḵ nuk kunröpö Ò, Anga-aṅ min vamôkö yīö nö aṅtī tö ngam Töhet Fanöinylö, tameūiyö inrē.

Isayā 44:3

Pò chu min ṙöstö mak i kui ngam panam töyal, töhëm mak inrē im tönyô tumlat: ṙöstö ngam Töhet Fanöinylöre chin min i kui yip kūön meh, inkôlò inrē i kui yip samīöplö nö löklö in meh.

Isayā 32:15

Hanöng saha öp ma-alaha nö hōngtu nö i kui hī nö ṙā-ang lātulöng, ngam tönyalnyi inrē nö vītöre nö panô-òṅ tötööḵlö tö ṙòng, ane inrē ngam töpōi aṅ panô-òṅ nö kaheuktu nö elchūölchōn.

INCHŌḴ-OṘÔ 1:23

Kūötenre tö ngam vinëköre tö chu; yĕh meuk, ṙösnyö ellōn re chin in meh; hòṅ mikahtölōn meh chin tö në ṙôre.

T. MĀKÖS 1:7

Ngaich ahānga anga-aṅ nö ngö ṙô, Hĕng taka öp yamih, tömötlö kanô-òṅ tö chu. Öt kô chin rēhĕn, sōntöre luhnyö rehen kunröpö Ò.

T. MĀKÖS 1:9

Ngaich ik hē u anu-ö sakāmö, Ang Yēsū nö yihtöre, nö ṙā-ang Nāsaret ap i Kelelī; ngaich vōkö tö Yôhan, nö i Yôtön.

T. LŪKÖS 3:16

Ngö ṙô Yôhan nö sapṙô cha, Höng vamôkö yīö takô chin chu-ö, öich aṅti tö mak; Öp ihih pöri yamih, tömööḵlö kanô-òṅ tö chu; ötrēhĕn chin kô luhnyö nup rehen kunröpö Ò. Anga-aṅ min vamôkö yīö nö aṅtī tö ngam Töhet Fanöinylö, tameūyö inrē.

T. YÔHAN 1:26

Ngaich ngö ṙô Yôhan nö sapṙô cha, Aṅtī tö mak chin Chū-ö vōk. Hĕng tak pöri Ap samökhaka nö el ṙôngö yīö, Ap tötmikahkūö yīö.

T. YÔHAN 1:33

Öt akahakūö chin sin tö Ò; ngö ṙô pöri Ap tamīnngen chu vōk, öich aṅtī tö mak, Ngam töng meūkö aṅ kui tö meh, tö ngam Töhet Fanöinylö nö yônti, ngaich höngngöh nö i kui Ò, Anga-aṅ An vamôk nö aṅtī tö ngam Töhet Fanöinylö.