T. MĀKÖS 1:7 - TÖHET LĪPÖRE (Re-edited) Bible (BSI)

⁷ Ngaich ahānga anga-aṅ nö ngö ṙô, Hĕng taka öp yamih, tömötlö kanô-òṅ tö chu. Öt kô chin rēhĕn, sōntöre luhnyö rehen kunröpö Ò.

T. MĀKÖS 1:7 Referans Kwoze

INLAHEN 13:25

Hē Yôhan nö ngaich nö hòṅ keuheūten tök la-enre; ngaich ngö ṙô anga-aṅ Achīö öich chu-ö, tö lōn yīö? Rö-ö chin chū-ö Anga-aṅ. Yĕh meuk, hĕng taka ap yamih nö unôich tö chu; öt kô chin rēhĕn luhnyökūö rehen kunröpö Ò.

T. YÔHAN 1:27

Anga-aṅ Ap mu-unôichrit Chu; sönen Chū-ö öt rēhĕn kô luhnyö nup rehen kunröpö Ò.

T. LŪKÖS 3:16

Ngö ṙô Yôhan nö sapṙô cha, Höng vamôkö yīö takô chin chu-ö, öich aṅti tö mak; Öp ihih pöri yamih, tömööḵlö kanô-òṅ tö chu; ötrēhĕn chin kô luhnyö nup rehen kunröpö Ò. Anga-aṅ min vamôkö yīö nö aṅtī tö ngam Töhet Fanöinylö, tameūyö inrē.

T. MËTIV 3:11

Kô chin chū-ö, aṅtī tö mak vōkö yīö, nö invöötö ellōn. Ap mu-unôichrit chu pöri, tömööḵlö kanô-òṅ tö chu; ötrēhĕn chin kô, kēḵ nuk kunröpö Ò, Anga-aṅ min vamôkö yīö nö aṅtī tö ngam Töhet Fanöinylö, tameūiyö inrē.

T. MËTIV 3:14

Tahngen Ò pöri lang Yôhan, nö ngö ṙô. “Chu-ö chin öre töhòṅ vōkö tö Meh; ngaich yihtöre hòng Me-eṅ in chu?”

1 SAMUĔL 25:41

Choholre ngaich anga-aṅ sōnngöre ngaich nö kū-ö tö el tumlat, ngaich ngö ṙô, Yĕh meuk, tarik meh ön ngòh kikānö samöich röön yip tarik öp mā chu.

T. MĀKÖS 1:6

Inyuttö sanôi ūṅt ang Yôhan; inmöpṙat tö uk inrē; nya-aṅkūö tö mufākö, tö pachāka inrē aṅ el-inchōn.

T. MĀKÖS 1:8

Aṅtī tö mak chin chu-ö vōkö yīö; vōkö yīö pöri Anga-aṅ min nö aṅtī tö ngam Töhet Fanöinylö.

INLAHEN 19:4

Ngaich ngö ṙô cha-a, Ngam tī Yôhan vinôkö. Ngaich ngö ṙô Pôl, Vōk ök Yôhan nö aṅtī tö ngam vinôkö invöötö ellōn; ngö ṙô anga-aṅ tö yik tarik, hōten cha nö ṙātö ellōnre nö in Ò, Öp mu-unôichrit ò, Ang Yēsū.