T. MĀKÖS 1:45 - TÖHET LĪPÖRE (Re-edited) Bible (BSI)

⁴⁵ Kiröönngöre pöri anga-aṅ, kaknyöre ngaich nö ahangkö e, nö pirātngö chūök e; ngaich Yēsū nö öt kô nö hangāṅlkenre nö kuhēthötre nö i panam; höng lā-uk nö el-inchōn. Keuheūttöre lā-a lökta cha-a ngaich nö yihtöre nö in Ò.

T. MĀKÖS 1:45 Referans Kwoze

T. MĀKÖS 2:13

Hēk Ang Yēsū nö chuh kūö mai, ngaich ṙòkhöre yik tömaṙôngö nö chuh in Ò; ngaich haköpten cha Anga-aṅ.

T. MËTIV 9:31

Kiröönngöre pöri cha-a, ngaich ahangken Ò nö im panam,

T. YÔHAN 6:2

Maṙôngö yik tarik tamömrit Ò, pò cha nö meuk nuk pinngangkūö tī Ò, nö i yik tövahav.

Salmai 77:11

Hòṅ kakkö në la-en ngam Mā Tēv chin: hòṅ chu min köpölōn tö nuk tī Meh pinngangkūö misī.

T. MĀKÖS 3:7

Ngaich Ang Yēsū nö hol tö yik haköptöre nö ṙuhöngre nö ip mai. Maṙôngö yik tarik tamömrit Ò, nö ṙā-ang Kelelī.

T. MËTIV 28:15

Kēḵ nuk rupīö cha-a ngaich; ngaich nöng, asā inköptöre. Ngaich keuheūtngöre chūök ngam ṙô nö hāngö nö i yip Yahūti, söl ing töngamuh.

TAITÖS 1:10

Tön pōyen yip tarik ma-ahôhangen, töng kamhôka, mahachīl, mötlö tal yip aṅ i yip tö tunyīnyi;

T. MËTIV 9:26

Ngaich ngam hināngö e nö keuhēutngöre chūök nö im panam.

T. MĀKÖS 3:20

Yihtöre ngaich Yēsū nö ël ök tö hĕng patī. Ngaich hēk yik tömaṙôngö nö hamūl yanīhihre; ngaich cha-a nöng öt löktukūö nö nyā.

T. MĀKÖS 7:36

Ngaich sōten cha Anga-aṅ nö vahënyu nang tö tarik; ṙūönyôre pöri Anga-aṅ nö sōten cha, ngatī ṙānūönyô cha-a nö ahangkö e.