T. MĀKÖS 1:32 - TÖHET LĪPÖRE (Re-edited) Bible (BSI)

³² Ngaich im harap, tö maneuttö ngam tavūöi, kētö yik taṙòkhöre tövahavö cha-a, nö in Ò, yik tö sī-u aṅin inrē.

T. MĀKÖS 1:32 Referans Kwoze

T. MËTIV 8:16

Haraptöre ngam harap, ngaich cha-a nö kētö yik tömaṙôngö tö-īnu tö sī-ö, nö in Ò. Ngaich höng ṙô-òvö Anga-aṅ nö ahōngö yik sī-ö; ngaich löökentī tö yik taṙòkhöre tövahavö;

T. LŪKÖS 4:40

Ngaich hē ël maneutti ngam tavūöi, ṙòkhöre yik töṙōlkangen invah nö kētu nö in Ò. Ṙātö eltīre ngaich Anga-aṅ nö i kui cha, nö halanken cha.

T. MĀKÖS 3:2

Ngaich hayūnan cha-a, yĕn hòṅ halanken ò, hē el töhet sakāmö; pò cha nö hòṅ löknyuṙô nö vënyen Ò.

T. MËTIV 4:24

Ngaich ngam vinënyö Ò nö söl i Siria; ngaich cha-a nö kētö yik tövāhavö, nö in Ò, yik töṙōlkangen vah ane inrē kanihngen, tö-aṅhavin tö sī-ö, tökatūöilöng elkui, mahangë-ere, tölum inrē, Ngaich halanken cha Anga-aṅ.

T. MĀKÖS 1:21

Ngaich chuh i Kafarnahum cha-a. Kuhēthötre Anga-aṅ ngaich nö el chūök vine-eṅkūötēv, nö haköphöti, hē el töhet sakāmö.

T. MËTIV 8:17

Hòn kinheūṅtngen ṙô ngam pròfĕt, Isāya; töngö ṙô, “Kēḵ ötkumlēk hī Anga-aṅ; keun nup invah hī inrē.”

T. MĀKÖS 1:31

Yihtöre ngaich Ang Yēsū, ngaich kēḵ kël ò; hachohlen ò ngaich, Ṙāngen ò ngaich ngam anūöyö, ngaich meukṙen cha anga-aṅ.

T. LŪKÖS 4:41

Ngaich më sī-ö ṙamā-ang i yik tömaṙôngö nö kunyī-inyre, pōitô nö ngö ṙô, Me-eṅ Man Kristū Öm Kūön ngam Tēv. Ve-evkūö cha-a tö Ò, höng öt halöngnyuṙô nö ṙô-òvö, pò cha nö akahakūö tö Ò nö Kristū. Mikāhaten Yēsū Nö El Chūök Vinë-ekūötēv (Mk 1.35-39)