T. MĀKÖS 1:24 - TÖHET LĪPÖRE (Re-edited) Bible (BSI)

²⁴ Nö ngö ṙô, Asuh Öm Me-eṅ in ih, Me-eṅ Yēsū aṅ Nāsaret? Yih Ömeh Öm öthakôlò ih? Akahakūö chin tö meh; töhet Man aṅ im Tēv.

T. MĀKÖS 1:24 Referans Kwoze

T. MËTIV 8:29

Ngaich hūḵ-a cha-a nö ngö ṙô, “Asuh ap lōn Meh in ai? Me-eṅ kūön ngam Tēv, Yih Öm ihih öthakôlò ai, urēhĕkūö ngam ṙētak?”

YĀKÖP 2:19

Ṙātö ellōnre man yih tö ngam Tēv nöng hĕng; huveūen me-eṅ: ṙātö ellōnre inrē vē sī-ö nö kichëiyöre.

T. LŪKÖS 4:34

Eh! Sitih fālen öi min ihö, in Meh; Me-eṅ Yēsū aṅ Nāsaret? Yamih Öm fëlngen ih? Akahakūö chin tö Meh, Töhet Man aṅ im Tēv.

INLAHEN 3:14

Ngaich pöri yī-ö mahngen ngam Töhet, ngam Tölöök inrē; ngaich havëkö ök famël tarik nö kētu nö in yīö.

INMEUKHÖMAT 3:7

Ane inrē ip Ma-ahānga ap māṅ i Filitalfīa ngö tī kūich, Në nun ṙô ngam töhet, anga-aṅ ngam tö kô-en, anga-aṅ ngam tö aṅhaṅv-in tö ngam tinkīök Tāvit, anga-aṅ ngam lamöpnyökūö, ngaich öt hĕng tak amöptökūö, ngam lamöptökūö ngaich öt hĕng tak lamöpnyökūö;

INLAHEN 2:27

Pò Meh öt ṙāngö ngih nômö Chu nö el Chūök Tökapah; ötrēhĕn Öm halöngngen ngam Töhet Meh nö meuk chinhūngö.

T. LŪKÖS 8:28

Höng meuktöre anga-aṅ tö Yēsū, ngaich hūḵa, ane inrē afukngöre nö i kūö Ò, ngaich pōitô nö ngö ṙô, Sitih falngen öich min in Meh, Yēsū, Me-eṅ kūön ngam Tēv Lamātulöng. Ve-ekūö Meh chin, uh chin hakihtuṙen.

T. MĀKÖS 5:7

Ngaich pōitô nö hūḵa, nö ngö ṙô, Sitih öich chu-ö in Meh, Yēsū, Me-eṅ Kūön ngam Tēv lātulöng? Im Tēv ṙô Chin ve-ekūö Meh, Uh chin öthakôlöngṙô tö Meh.

Salmai 16:10

Pò meh min ötṙāngö ngam nômö chu nö el anūlö: öt-rēhĕn min me-eṅ halöngten ngam töhetre nö meuk chinhūngö.

T. YÔHAN 6:69

Ṙātö ellōnre īhö ngaich, akahalōn inrē, tö Meh Öm Töhet aṅ im Tēv.

T. LŪKÖS 1:35

Ngaich ngö ṙô ngam ma-ahānga nö sapṙô ò, Yih An min ngam Töhet Fanöinylö nö in meh; ane inrē ngam kanô-òṅ ngam Lamātulöng min nö hanyat tö kui meh; lökten min Öp töfötnyuvö, nö töhëtö invëka nö Kūön ngam Tēv.

INLAHEN 24:5

Kôtökūö in tö ngòh tarik öt mahakôlò tömaṙôngö, maharunnyö tinṙōllen i yip Yahūti, keuheūtngöre chūök nö ing panam; yöngkūö yip tötkô-en ṙamātö ellōnre, yip Nāsarīn.

INLAHEN 4:27

Pòn kô nö i ngih panam nö lā-al ngam töhet Kūön Meh Yēsū, ngam töhachāmö kui tö Meh, hĕnghöre Heròt, Pailĕt inrē, nö hol yip Tahëng mihëṅṙö, vē tarik Israĕl inrē, nö hamūlöre,

T. LŪKÖS 24:19

Ngaich ngö ṙô Anga-aṅ tö cha, Asuh nup? Ngaich ngö ṙô cha-a tö Ò, Nuk inlahen Yēsū, ök aṅ Nāsaret, ök pròfĕt tömihôiṅ nö i la-en, i ṙô inrē, nö i kūö ngam Tēv, i kūö tarik inrē.

T. MËTIV 2:23

Yihtöre ngaich, ngaich iyöng ip panam, tö Nāsaret invëka; hòn kinheūṅtngen ngam ṙô yip pròfĕt, tö Ò min nö havëka nö aṅ Nāsaret.

T. LŪKÖS 8:37

Ngaich ṙòkhöre yik tarik aṅ ök panam i Keresēn, nup töng ranghö e inrē, nö ve-ekūö Ò nö kiröönngöre nö ṙāngen cha. Pò cha nö pōyen pinheṅ-eṅkūö. Yôklö Anga-aṅ ngaich nö el kupòk, ngaich havantöre.

MANEUTNYI 14:12

Röh öng nö angū-ö ṙô ih vë-ekūö meh i Aikup, öi ngö ṙô, Hökngen ih, vī vahīṙen vē aṅ Aikup? Pò ih ĕhten vī vahīṙen aṅ Aikup, tö ih kapah el tönyaṅlnyi

TANĪ-ĔL 9:24

Sat afta i nup samyeūheu nö chöngö i inlahen yip tarik meh töngam töhet elpanam meh inrē nö kinhēutngen ngam fālen, tinahngö tökööl, inlām tö ötlanöökö inrē, kinëtö lanöökö inrē töt chanūhuvṙen inköpngö kūö ngam tömeūkö tö ngam pròfĕt inrē, inchāmö kui ngam tölngö töhet chūökö inrē.

T. MĀKÖS 1:23

Hĕng taka ök umuh tarik el chūök vine-eṅkūötēv cha, tö sī-u aṅ in hūḵa anga-aṅ.

T. MĀKÖS 1:25

Ngaich Yēsū nö vëken ò, nö ngö ṙô, Ṙāngôre mana; kunyī-inyre, ṙāngen ò.

T. MĀKÖS 10:47

Ngaich hē ò nö hāngan nö Yēsū aṅ Nāsaret; kaknyöre ngaich anga-aṅ nö huḵa nö ngö ṙô, Yēsū, Me-eṅ Kūön Tāvit, aheukölōn tö chu.

T. MĀKÖS 14:67

Ngaich meūkö Pītör anga-aṅ nö hameūyöre; hatīönken ò ngaich, ngaich ngö ṙô; Me-eṅ man inrē hol ngam aṅ Nāsaret, ang Yēsū.

T. MĀKÖS 16:6

Ngaich ngö ṙô anga-aṅ tö cha, Ui pa-ekūö; chamöhö Yēsū yin, öp aṅ Nāsaret, ök töharātu. Choholre ök nö ngaich; öt ihih öku. Yĕh ngëichkö ngam chūök tī cha tö Ò.

1 YÔHAN 2:20

Ngaich yin yī-ö inchāmu elkui tö aṅ im Töhĕng Töhet, ngaich yin akahalōn tö taṙòkhöre.