T. MĀKÖS 1:22 - TÖHET LĪPÖRE (Re-edited) Bible (BSI)

²² Ngaich cha-a nö pingangkūö tö ṙô Ò nö haköphöti; pòn haköpten cha Anga-aṅ, nö sā töchönguvö, öt sā yip kamūich.

T. MĀKÖS 1:22 Referans Kwoze

T. MËTIV 13:54

Ngaich yihtöre nö ik panamre; ngaich haköpten cha Anga-aṅ, nö el chūök vine-eṅkūötēv cha. Ngaich cha-a nö pingangkūö; ngaich ngö ṙô, Aṅ yih öng ngih mikah ngòh tarik? Ngam minhôiṅyö inrē la-en?

T. YÔHAN 7:46

Ngaich ngö ṙô yik tösökhaka, Öt tarīkuvö töngatī ṙô, nö kahôka.

T. LŪKÖS 4:32

Pingangkūö ngaich cha-a tö ṙô Ò, nö mumkahten; pò Ò nö sā ṙô töpōiyen chöngö.

YERIMIĀ 23:29

Röh öng ngam ṙô chu nö sā tameūyö, ṙô ngam Mā Tēv, sā mūngöre inrē öp lumkuk ihong nö kaṙöp?

2 KÒRIN 4:2

Ṙāngö nuk tö hanyāti pöri ihö sumrōngkūö, öt lök i huneū-en tö tötlöök, öt rēhĕn michīl, ṙapkö ngam ṙô ngam Tēv, lökten i inmeuktö ngam kanô-en pöri, öi kētöre el kuilōn tarik, i kūö ngam Tēv,

INLAHEN 6:10

Ngaich cha-a nö öt kô tö mikah ò, tö ngam Töhet Fanöinylö, löknyö ṙô ò inrē.

T. LŪKÖS 21:15

Tön kētö elvāng yīö Chin min, ane inrē mikah, nup öt kanô-òṅ yip lā-al yīö min öt huneū-euṅ ṙô cha nö sapṙô.

T. MĀKÖS 1:23

Hĕng taka ök umuh tarik el chūök vine-eṅkūötēv cha, tö sī-u aṅ in hūḵa anga-aṅ.

T. LŪKÖS 2:47

Ngaich yik hamangṙô Ò nö pingangkūö tö mikah Ò, ane inrē huneū-euṅ ṙô Ò nö sapṙô.