T. MĀKÖS 1:20 - TÖHET LĪPÖRE (Re-edited) Bible (BSI)

²⁰ Ngaich havëken cha Anga-aṅ. Ṙā-ang cha-a tök yöngre Sepetī, nö el kupòk, hol tö yik kamūönkūö; ngaich kiröönngöre, nö tömrit Ò.

T. MĀKÖS 1:20 Referans Kwoze

T. LŪKÖS 14:26

Yĕn tarīku yamihtöre nö in Chu, ngaich öt sumrīk tö pīhöre, kūönre, hanöngkisānöre, ngam nômöre inrē, öt kô anga-aṅ nö mahaköp nö in chu.

T. MĀKÖS 10:29

Ngaich ngö ṙô Ang Yēsū, Tökô-ò ṙô Chin tö yīö. Öt tarīkuvö öp ṙamā-ang patīre, mëmre, kahëmre, kanānöre, yöngre,pihöre, kūönre, panamre, töpòkūö Chu, pòkūö ngam tölöök inhānga inrē;

T. MËTIV 10:37

Ngòh tömötlö hanāngenlōn tö yöngre tö Chu, öt tökô nö in Chu. Ngòh tömötlö hanāngenlōn tö kūönre tö Chu, öt tökô nö in Chu.

2 KÒRIN 5:16

Lökten in töngamuhuten öt akahakūö tö tarik nö im alaha: pòrô öi akahalōn tö Kristū nö im alaha, rö-ö in töngamuh akahalōn.

1 RĀCHA 19:20

Ṙāngö nuk kōiny nuā ngaich anga-aṅ, ngaich falrit Ĕlaicha, ngaich ngö ṙô, Vë-ekūö meh chin, hökngen chu hāmkūö öp yöng chu kikōnyö töp yöng chu kikānö inrē, ngaich min chūö tömrit meh. Ngaich ngö ṙô anga-aṅ tö ò, Kuṙòh, havantöre man hēk: sitih tī ṙöng öich taheui tö meh?

I. CHÖNGÖ 33:9

Ök tö ngö ṙô tök kikōnyö yöngre, kikānö yöngre inrē, Hö-ö chin meūkö ò; öt rēhĕn anga-aṅ nö akah mak alahare, öt rēhĕn anga-aṅ nö akahakūö tö kūönre: pò cha nö haköpkö ngam ṙô meh, haköp chöngö meh inrē.

T. MĀKÖS 1:19

Rĕh rô-òlkūö Anga-aṅ, ngaich meūkö Yāköp ök kūön Sepetī, tök kahëm ò inrē Yôhan, nak me-el kupòk nö ngattit inhāṅlre.

T. MĀKÖS 1:21

Ngaich chuh i Kafarnahum cha-a. Kuhēthötre Anga-aṅ ngaich nö el chūök vine-eṅkūötēv, nö haköphöti, hē el töhet sakāmö.

T. LŪKÖS 5:11

Tūökhöt cha-a tö nuk kupòkre nö el tanyô, ṙā-ang tö u, ngaich tömrit Ò.