T. MĀKÖS 1:13 - TÖHET LĪPÖRE (Re-edited) Bible (BSI)

¹³ Ngaich kalaha Anga-aṅ nö fën anāi sumkam, nö el-inchōn, tö Sātān. Holtöṙah tö chehechōn. Meukṙen Ò yik ma-ahānga.

T. MĀKÖS 1:13 Referans Kwoze

HEPRĀI 4:15

Pò hī öt īnu tö mākūö kūönṙô, tö ngam töt hōḵ nö öt akahaiṙen nö lūölka tö öt kumlēḵen hī: tö ngaich pöri Anga-aṅ nö kalaha nö keuheūttöre lā-a löktö, nö sā hī, öt īnu pöri tö tökööl.

MANEUTNYI 34:28

Ngaich umuh anga-aṅ im Mā Tēv nö fën anāi sumkam fën anāi mitööm inrē; ötrēhĕn anga-aṅ nö nyā ròtī, ötrēhĕn nö òk mak. Ngaich kūich në ṙô kinlēḵngô anga-aṅ nö i mat nup tömitāk ihong, ngam tö söm Chöngö.

T. MËTIV 26:53

Öt kô ṙöng Öich, tö lōn meh, Öich ve-ekūö ngam Yöngre; ngaich kô-òren Anga-aṅ nö pōyen tahīntö nö in Chu, tö tö nët sīön köṅny ma-aṅhānga.

I. CHÖNGÖ 9:25

Lökten chu afukngöre i kūö ngam Mā Tēv i minë töfën anāi sakāmö fën anāi hatööm inrē öich afukngöre; pò ngam Mā Tēv tö ṙô re nö hòṅ halölngen yīö.

I. CHÖNGÖ 9:18

Afukngöre chū-ö ngaich i kūö ngam Mā Tēv, sā re ik raneh, fën anāi sakāmö fën anāi hatööm inrē: öt nyā rôtī öt òk mak rēhĕn; kūö nup tökööl yīö nuk kanöölö fālen yīö, öi la-evṙen tö tötlöök i kūö ngam Mā Tēv, öi harunnyö lanīnö ò.

I. CHÖNGÖ 9:11

Ngaich hē kinheūten nup töfën anāi sakāmö fën anāi hatööm inrē, ngaich ngam Mā Tēv nö kētö nuk tönët tömitāk ihong nö in chu, nuk tö mitāk ihong ngam kinlēḵngô.

1 TIMÒTĪ 3:16

Kiröng an ngam öt mikahkūö aṅ im lanöökö, öt kilka nö ṙô; Anga-aṅ ngam tö hameuktu nö im alaha, hameuktu nö ma-alaha nö tölöök, meūkö tö ma-ahānga, ahangka i vē tarik, in Ò nö ṙātö ellōnre vē aṅ ngih panam, kēḵlöngö im kanôlò.

MANEUTNYI 24:18

Ngaich meuthötre Môsös nö ellōn ök taṙul, ngaich yônlö nö im rôngö: fën anāi sakāmö fën anāi hatööm inrē ang Môsös nö i kui ngam rôngö.

T. MËTIV 4:1

Ngaich Yēsū nö hachōkoi tö ngam Töhet Fanöinylö, nö elinchōnngö, nö kalaha tö ngam sī-ö.

T. LŪKÖS 4:1

Tööḵlö ang Yēsū tö ngam Töhet Fanöinylö; ngaich havantöre nö i Yôtön, hachōḵoiṙen ngaich tö ngam Töhet Fanöinylö nö el-inchōn.