T. MĀKÖS 1:11 - TÖHET LĪPÖRE (Re-edited) Bible (BSI)

¹¹ Ngaich hĕng ök ṙô lamöktö el halīöngö, tö ngö, Me-eṅ Man Kūön Chu, Öm hanāngenlōn Chu; in Meh Chin ṙāmölōn takô.

T. MĀKÖS 1:11 Referans Kwoze

Isayā 42:1

Meuk ngam tarik chu, ngam ṙahapkö chu; katöllö chu, in ò ap kumchiklōn chu: in ò tī chin tö ngam töhet fanöinylö chu; kētö inkaha fālen an min nö in vē pumnāmö tarik.

T. MĀKÖS 9:7

Ngaich teungtöre ök taṙul nö hanyattökui cha; ngaich hĕng ök ṙô lamöktö el ök taṙul, tö ngö, Hanāngen Chu Ön ngòh nö Kūön Chu; hang ṙô Ò yin.

T. MËTIV 3:17

Ngaich ök töngöṙô, lamöktö el halīöngö, “Hanāngenlōn Chu ön ngòh, nö Kūön Chu. In Ò Chin ṙāmölōn takô”

Salmai 2:7

Hòṅ vë-eny ngam chöngö chin: Ngö ṙô an ngam Mā Tēv tö chu, Kūön chu Man më-eṅ: löknyö in chu man i ngih sakāmö.

KÒLÒSĪ 1:13

Ngam ṙamānyen hī ṙā-ang el ngam sinngūlö, ngaich haṙī-ing chūök hī im pūlngö ngam Kūön hanāngenlōn:

RŌMA 1:4

Ngam tövënyu nö kūön ngam Tēv im minhôiṅyö, sā ngam hanëtö ngam ma-alaha, lökten im invanlö tö kapah; ngam mā hī Yēsū Kristū.

T. YÔHAN 3:16

Tölngö hanāngenlōn An ngam Tēv töng panam, tön uroh nö kēngö ngam töng hĕng maneuk Kūönre; pòn sōtu vē ṙamātö ellōnre nö in Ò, nö ötkôlò; hōtu pöri ngam nômö tö-örheūheu-aṅ nö in cha.

T. YÔHAN 5:37

Ngam yöng, ngam tamīnten chu eūken Chu Anga-aṅ, Örhĕng heuh yin yī-ö hang ṙô Ò; öt rēhĕn meūkan.

T. YÔHAN 1:34

Ngaich Chū-ö meuk eū-a tö Ò nö Anga-aṅ Kūön ngam Tēv.

T. LŪKÖS 9:35

Ngaich hĕng ök ṙô lamöktö ël ök taṙul, töngö, Kūön Chu Ön ngòh, katöllö Chu; hang ṙô Ò yin.

T. MËTIV 17:5

Ṙònghöichṙô Anga-aṅ, ngaich kahultukui cha-a tök töyang taṙul; ngaich ngö ök ṙô, lamöktö el ök taṙul, Hanāngenlōn Chu Ön ngòh; nö Kūön Chu; in Ò Chin ṙāmölōn takô. Hang ṙô Ò yin.

T. YÔHAN 6:69

Ṙātö ellōnre īhö ngaich, akahalōn inrē, tö Meh Öm Töhet aṅ im Tēv.

T. MËTIV 12:18

Yĕh meuk ngam mahalanṙen Chu, ngam katöllö Chu, hanāngenlōn Chu; in Ò Chin ṙāmölōn takô. I kui Ò. Tī Chin min tö ngam töhet Faöinylöre; ngaich Anga-aṅ mīnö nö ve-eny kanô-en, i yip tahëg mihëṅṙö tarik.

T. MĀKÖS 1:10

Ngaich meuk ngam halīöngö Anga-aṅ nö takaichköṅnykūö, ilööṙen tö maneutlö Ò nö, ṙā-ang el mak; ane inrē meuk ngam Töhet Fanöinylö nö teungtöre nö i kui Ò, sā nyö-öṅ.

T. LŪKÖS 3:22

Ngaich ngam Töhet Fanöinylö nö yônti, nö sā tö alahavö nyö-öṅ nö i kui Ò; ngaich löktö el halīöngö ök ṙô yamih, Me-eṅ Man hanāngenlōn Chu, Öm Kūön Chu; in Meh Chin Öich ṙāmölōn takô.