T. MĀKÖS 1:10 - TÖHET LĪPÖRE (Re-edited) Bible (BSI)

¹⁰ Ngaich meuk ngam halīöngö Anga-aṅ nö takaichköṅnykūö, ilööṙen tö maneutlö Ò nö, ṙā-ang el mak; ane inrē meuk ngam Töhet Fanöinylö nö teungtöre nö i kui Ò, sā nyö-öṅ.

T. MĀKÖS 1:10 Referans Kwoze

T. LŪKÖS 3:22

Ngaich ngam Töhet Fanöinylö nö yônti, nö sā tö alahavö nyö-öṅ nö i kui Ò; ngaich löktö el halīöngö ök ṙô yamih, Me-eṅ Man hanāngenlōn Chu, Öm Kūön Chu; in Meh Chin Öich ṙāmölōn takô.

T. MËTIV 3:16

Hē kinheūṅten Ò nö vōkö, iṙūö yôklö ngaich Yēsū nö ṙā-ang el mak ngaich ngam halīöngö nö löpnyörekūö; ngaich meuk ngam Töhet Fanöinylö ngam Tēv Anga-aṅ, nö sā nyö-öṅ, nö yônti; ngaich teungtöre nö i kui Ò.

Isayā 64:1

Mah, tikachnyö kūö minë halīöngö man öre öm yônti, hòṅ në rôngö nö kayīna nö i kūö meh;

Isayā 42:1

Meuk ngam tarik chu, ngam ṙahapkö chu; katöllö chu, in ò ap kumchiklōn chu: in ò tī chin tö ngam töhet fanöinylö chu; kētö inkaha fālen an min nö in vē pumnāmö tarik.

ISIKĪ-ĔL 1:1

Im linūöi anāi samyeūheu, imfinënö chingëṅt, im tinneūyö sakāmö ngam chingëṅt I saha chu in yip töha-öti i kui öp tahël Chāpör, löpnyöre kūö ngaich minë halīöngö, ngaich chū-ö meuk ngam Tēv.

T. MĀKÖS 1:9

Ngaich ik hē u anu-ö sakāmö, Ang Yēsū nö yihtöre, nö ṙā-ang Nāsaret ap i Kelelī; ngaich vōkö tö Yôhan, nö i Yôtön.

T. MĀKÖS 1:11

Ngaich hĕng ök ṙô lamöktö el halīöngö, tö ngö, Me-eṅ Man Kūön Chu, Öm hanāngenlōn Chu; in Meh Chin ṙāmölōn takô.