TAITÖS 3:8 - TÖHET LĪPÖRE (Re-edited) Bible (BSI)

⁸ Tökô-en an nö ṙô. Ngaich hōten meh chu-ö in u öm kalēḵĕṙô vë-eny u nö kô-en, öm ṙātö ellōnre, hòṅ cha yip ṙāmātö ellōnre nö im Tēv, nö ṙēmen nö kēkö kaha tölöök vahīṙen. Anū-ö nun në tölöök, tökôlò tī tö tarik:

TAITÖS 3:8 Referans Kwoze

TAITÖS 3:14

Hökngen yip tarik hī inrē nö haköptöre nö kēkö kaha tölöök vahīṙen nup töt ṙanāngen, hòṅ cha nö ṙônguvö.

TAITÖS 2:14

Ngam kamëḵngöre tö pòkūö hī, nö hòṅ ṙānyen hī Anga-aṅ, nö ṙā-ang i nup tökööl nö ṙòkhöre, ngaich ahetlen hī nö in re öi tarik amin Ò, kalēḵĕlōn i tö löök la-en.

TAITÖS 1:9

Ṙapkö ngam tökô-en ṙô, ngam tö sā ngam inköphöti, hòn kô ang nö ṙuhöl alaha nö im tölöök inköphöti: ngaich hameuktö minyôiny yip ma-ahôngöṙô.

TAITÖS 3:1

Fēḵlen cha, nö tumṙeūtöre tö mahayöng, yip töchöngu, nö hang chöngö, hīnöre nö i tölöök la-en.

1 PĪTÖR 1:21

Yī-ö lamökten in Ò ṙātö ellōnre im Tēv, ngam mahachohlen Ò nö ṙā-ang i tökapah, ngaich kētö kanôlò Ò; hòṅ ngam ṙinātö ellōn yīö tö ngam mineūka inrē, nö im Ṭev.

1 TIMÒTĪ 1:15

Tökô-en ön ngih nö ṙô, töt ṙanāngen kinë-eṅ tö taṙòkhöre tarik, tö Kristū Yēsū nö yih nö ing panam nö mahayööken tökööl tarik; öich chū-ö yöngkūö:

RŌMA 4:5

In ò pöri ngam töt la-evṙen, höng ṙātö ellōnre pöri nö in Ò ngam mahalööklö tötlöök, ngaich kaheuktu ngam mikah ò nö lanöökö.

T. YÔHAN 12:44

Ngaich pōitô Yēsū, nö ngö ṙô, Ngòh ṙamātö ellōnre nö in Chu, öt ṙātö ellōnre nö in Chu, tön im tamīnten Chu.

T. YÔHAN 5:24

Tökô-ò ṙô Chin tö yīö, Ngòh hamang ṙô Chu ane inrē ṙamātö ellōnre nö im tamīnngen Chu, nômuvö anga-aṅ tö ngam tö-örheūheu-aṅ; öt yihtöre inrē nö im ötinkôlò; chööḵngö ngam kinpaha pöri; nö im nômö.

NGAM LĪPÖRE YŌP 22:2

Kô ang ngòh tarik nö kanôlu ṙô nö im Tēv? Kô-òngrit ön ngòh tö-akaha nö kanôluṙô nöng in re.

FILIMÒN 1:11

Ap töt kanôluṙô tī sin tö meh misī, ngaich pöri töngamuh nö kôlòtī tö meh tö chu inrē:

Salmai 78:22

Pò cha nö öt ṙātö-ellōn re nö im Tēv: öt hayönglenre nö im inyööken aṅ in Ò.

INCHŌḴ-OṘÔ 21:28

Ngòh samūöchkö holre ötkôlò min, öp ṙô ngòh hamang pöri tarik köp min.

2 KÒRIN 4:13

Īnu pöri töm tö hĕngren mikah sā ngam tö kūichiyö, Ṙātö ellōnre chin, lökten chu ngaich ṙô-òv; ṙātö ellōnre in ihö inrē, lökten ih inrē ṙô-òv;

INLAHEN 12:15

Ngaich ngö ṙô cha-a tö ò Kulō-ov man. Iṙuhöṙô pöri anga-aṅ tö ò nö kô; ngö ṙô ngaich cha-a, Lohten ap nö ma-alaha ò.

EFISÖS 4:28

Hökngen ngam mu-ulāiya nö un ulāiya nö hēk; hökngen ò pöri lahëḵ nö la-evṙen, hakôtö tīre tö tölöök, hòṅ ò nö huveū-en nö kē-ĕkūö ngam tötkôlò.

1 TIMÒTĪ 2:8

Lökten chin hōtö tarik nö keuheūtngöre chūök nö vë-ekūötēv, hachônglö nup töhet këlre, un holtö lanīnö kintöngölōn inrē.

1 TIMÒTĪ 5:10

Tölöökö ineūka nö i tölöök la-en; yē ò nö haruklö nyīö, yē ò nö haṙūötken aṅ tahëng, yē ò nö söichröön yip töhet, yē ò nö meukṙen tökihngen, yē ò nö ṙūöten nö tömken tölöök la-en.

2 TIMÒTĪ 1:12

Angū-ö lökten chu inrē kihngen tö në; ngaich sön chū-ö öt sirōngkūö; pò chu akahakūö töp chūökre ṙātö ellōnre, ngaich akahalōn chū-ö tö Ò nö kô nö aṅtö yip kahëtö chu in Ò ip sakāmö.

TAITÖS 2:7

I tökeuheūttöre, hameuktöre me-eṅ inchōten tölöök la-en, i inköphöti tö meh; hameuktö tölöök, öt tinyāchen.

HEPRĀI 10:24

Ta-a, töi kö haruhkö alaha höö im hanāngenlōn, tölöök la-en inrē.

T. MËTIV 20:4

Ngaich ngö ṙô anga-aṅ tö cha, Kuṙòh; kiröönngöre yin yī-ö inrē, el öp panô-òṅ chu; kē-ĕkūö yīö chin min, yē ṙôkhöl yīö. Ngaich kiröönngöre cha-a.