TAITÖS 3:5 - TÖHET LĪPÖRE (Re-edited) Bible (BSI)

⁵ Ngam hanāngenlōn Ò inrē nö lā i tarik, öt kūö la-en i lanöökö, nup tī hī, tön sā ap neūkölōn Ò nö hayööken hī, i sinöichlö tinfömlö finötnyi, ane inrē tinfömlö aṅ im Töhet Fanöinylö,

TAITÖS 3:5 Referans Kwoze

2 TIMÒTĪ 1:9

Ngam mahayööken, ngaich havëten hī nö im töhet la-en, öt asā nup la-en hī, sā ap lōn Ò pöri, ap inlōnti inrē, ngam kinë-eṅkūö hī in Kristū Yēsū misī, nöng örheūheu,

1 KÒRIN 6:11

Ngatī yip misī rēvre in yīö: ngaich pöri yī-ö söichö, ngaich pöri yī-ö ahetlöngö, ngaich pöri yīö halööklöngö i mine-eny ngam Mā Yēsū Kristū, im Töhet Fanöinylö ngam Tēv hī inrē.

1 PĪTÖR 3:21

Ngam mahayööken yīö inrē nö sā ngam tökô-en insā, angū-ö ngam vinôkö, öt sinöichngö mum alaha, tön ngam intönkö tölöök kuilōn lā im Tēv, lökten i invanlö Yēsū Kristū:

1 PĪTÖR 1:3

Tökôlò an yēḵ ngam Tēv, ane inrē Yöng, ngam Mā hī Yēsū Kristū ngam tö sā ṙôkö öp neūkölōnre nö kayôḵnyen hī im tö aṅ mineūka, lökten i invanlö Yēsū Kristū nö ṙā-ang i tökapah,

RŌMA 12:2

Un asīntöre nö sā ngih panam, harīkngenre pöri yī-ö, i tinfömlö ellōnre, hòṅ yīö hameukten ngam tölöök tö hōḵovö inrē, tö ngam tö teungten inrē lōn ngam Tēv.

EFISÖS 2:4

Pōyen kanôlò pöri ngam Tēv tö neūkölōn, pò ngam yöng hanāngenlōn, ngam hanāngenlōn Ò tö hī,

EFISÖS 5:26

Pòn hòṅ ahetlö e, ngaich nö ahëtö e nö husöich tö ngam mak holtö ngam ṙô,

Salmai 51:10

Ō Tēv, vīlö töhet ellōn chu: tumfömlö öp tököp fanöiny-lö nö in chu.

RŌMA 11:6

Yē e pöri nö lökten im inlōnti, ngaich angū-ö nö öt aṅ i la-en: pòn rö-ö öre ngam inlōnti, nö inlōnti.

HEPRĀI 4:16

Ta-a lökten töi ṙūöhtöre holtö öt pinhë-eṅkūö im kantēra inkôlò, hòṅ hī teūngen tö neūkölōn, ngaich kôtökūö tö inkôlò nö holṙen hē el hanāṅten.

KÒLÒSĪ 3:10

Ngaich öi hayutlöre tö ngam tufömngöre tarik, ngam tö tumfömlöng nö i mikah nö sā ngam insā Ò, ngam vamīlen Ò;

Salmai 86:15

Ō Mā, Me-eṅ pöri Tēv chu, tö tööḵlö tö miṙēlōn, neūkölōn inrē töt veūtö tanānyö, töpōyen miṙēlōn, kanô-en inrē.

KALATĪ 2:16

Tö-akahlōn tö tarik nö öt lööklö tö kūö tī ngam chöngö, höng lökten im mikah in Yēsū Kristū, ṙātö ellōnre in in Kristū Yēsū, tö hī min halööklöngö lökten im mikah in Kristū, öt tī ngam chöngö: pòn öt lööklö tarik min tö tī ngam chöngö.

RŌMA 3:20

Pòn kūö la-en ngam chöngö nö öt tarīku tö löök nö ikūö Ò: pòn lökten im chöngö ngam mikahkūö tö tökööl.

1 PĪTÖR 2:10

Yī-ö tö rö-ö sin misī tarik, ngaich pöri öi tarik ngam Tēv töngamuh: töt teūngen sin tö inṙē-ĕl, ngaich pöri teūngen töngamuh tö inṙē-ĕl.

EFISÖS 4:23

Hòṅ yīö tumfömlöngö im inyöngö ellōnre;

RŌMA 3:28

Lökten in kaheukhöti tö ngòh tarik nö halööklöngö nö lökten im mikah, nö köhngen töm la-en aṅ im chöngö.

RŌMA 9:11

Pòn öl nö fötnyu, öt rēhĕn nö kēken tölöök, hēk töchōich, hòṅ ngam chööḵnyö ngam Tēv nö köp, sā ngam kintöllö, öt aṅ i la-en, aṅ in Ò pöri ngam mahave-eti,

T. LŪKÖS 1:78

Lökten im tölngö neūkölōn ngam Tēv hī; ngam lökten ngam hanātö nö meukṙen nö ṙā-ang lātulöng.

T. LŪKÖS 1:54

Hayööken Israĕl An, ngam kūön Ò;

T. LŪKÖS 1:50

I tumö yip töpa-ekūö tö Ò, ap neūkölōn Ò.

MAIKA 7:18

Achīö öp Tēv nö tösā meh, öp ma-aṙē-ĕl tökööl, chamööḵngö tötôchngen fālen yip chööḵṙen yip amin ò? Hö-ö an nö örheūheu nö haköp lanīnö re, pò ò nö tökuchīkölōn nö i miṙēlōn.

Salmai 143:2

Uh Man kētö ngòh tarik meh nö im inkaha fālen: tön öt hĕng tak tarik tö aṅ tökô nö ṙālöngö.

Salmai 130:7

Ō Israĕl, meūka im Mā Tēv: tön miṙēlōn öp im Mā Tēv, pōyen inrē ap ṙinānyi nö in Ò.

NGAM LĪPÖRE YŌP 25:4

Sitih kanô-òṅ ang ngòh tarik nö löök nö i kūö ngam Tēv? Sitih kanô-òṅ ang nö het ngòh töfötnyu tö kikānö?

TAITÖS 3:4

Hē ngam neūkölōn ngam Tēv Mahayööken hī pöri nö meūkö,

RŌMA 9:30

Sitih ṙô öi pökeh? Tö vë Tahëng, mihëṅṙö tarik, nö sölta nö im lanöökö, vē töt tamömrit lanöökö, ngam aṅ im mikah lanöökö.

RŌMA 9:16

Lökten e nö öt aṅ in ò öp tö hòṅ lōnu, öt rēhĕn nö aṅ ò öp famal, tön aṅ im Tēv ngam tö-aheūkölōn.

RŌMA 4:5

In ò pöri ngam töt la-evṙen, höng ṙātö ellōnre pöri nö in Ò ngam mahalööklö tötlöök, ngaich kaheuktu ngam mikah ò nö lanöökö.

T. LŪKÖS 1:72

Mahameuktö neūkölōnre i yik yöng hī; ane inrē tö köpölōn tök töhet kinlēḵngô;

Isayā 57:12

Hôṅ, vënyö öp lanöökö meh chin la-en meh inrē, hö-ö pöri min anū-ö nö yöölen tī tö meh.

HEPRĀI 6:6

Ngaich pitūḵngöre, ötkô cha-a nö tumfömlöngö nö hēk nö im invöölö ellōn; pò cha nö harātö ngam Kūön ngam Tēv nö tumfömlö tīre nö in re, lingānyen Ò ngaich nö im sinrōngkūö.

Salmai 86:5

Pò Meh, Mā, Öm tölöök, hamöngöre inrē Öm aṙē-ĕl: tö pōyen aṅ in tö miṙēlōn, tö cha nö ṙòkhöre, yip mahavëken Meh.

Salmai 62:12

Ō Mā, aṅ in Meh an inrē ngam miṙēlōn: pò Meh kô kē-ĕkūö tarik tösā la-en ò.

NGAM LĪPÖRE YŌP 15:14

Suh ang ngòh tarik, nö tökô nö het? Hēk ngòh töfötnyu tö kikānö, nö tökô nö löök?

NGAM LĪPÖRE YŌP 9:20

Pòrô chin öt fāluṙen, vënyu min chū-ö tö ngam elvāng re pòrô chin öt chanôcheunvö, hameukten chu min anga-aṅ chōich.

I. CHÖNGÖ 9:5

Öt kūö lanöökö meh, hēk öt kūö chaniplö ellōn meh töp lökten meh kiröönngöre öm kē ngam panam cha nö amin, kūö öt lanöökö cha pöri vē pumnāmö tarik ngam Tēv meh ngam Mā Tēv nö ahōngen cha nö i kūö meh, pòn hòṅ haköpngö ngam ṙô angā-aṅ tökilē-ĕyö tö ngam Mā Tēv nö in yik muvöhngö yīö, in Aprahām in Isāk, in Yāköp inrē.

ISIKĪ-ĔL 36:25

Kicheny kui yīö chin min tö töhet mak, ngaich yī-ö min het ṙā-ang i nup ö hanëtö yīö, ṙā-ang i nup insātēv yīö chin min inrē ahetlen yīö.

T. MËTIV 3:11

Kô chin chū-ö, aṅtī tö mak vōkö yīö, nö invöötö ellōn. Ap mu-unôichrit chu pöri, tömööḵlö kanô-òṅ tö chu; ötrēhĕn chin kô, kēḵ nuk kunröpö Ò, Anga-aṅ min vamôkö yīö nö aṅtī tö ngam Töhet Fanöinylö, tameūiyö inrē.

RŌMA 11:14

Yē chu löktu harunnyö lanīnö ellōn yip alahare, ngaich haroh tum tak hayööken tö cha.

HEPRĀI 10:22

Ta-a, töi ṙūöhtöre, holtö tökô-en ellōn, i inkahngen töm mikah; kichënyö nup ellōn hī, inhôngö nup tötlöök kui lōn; söichö inrē në alaha hī tö töhet mak.