TAITÖS 3:3 - TÖHET LĪPÖRE (Re-edited) Bible (BSI)

³ Tön töt akaha in ayī-ö misī, töminôṙô, hachīlö, ṙōlö lahök tö töchōich lōn, intööḵngen minyam inrē, iyöng i kumnyah elmat inrē, sunrīkhö, kö sumrīkhen höö.

TAITÖS 3:3 Referans Kwoze

KÒLÒSĪ 1:21

Ngaich yī-ö, ha-ehangen misī tö tumhëngi kumnyah-elmat inrē i nup tötlöök la-en yīö, ngaich töngamuh Anga-aṅ nö halāmhöti,

RŌMA 6:17

Ha-öinyö pöri yēḵ ngam Tēv; pò yīö sin misī kūön ngam tökööl, vītu yī-ö ngaich töt maha-ôngen im ellōn, öi im insā ngam inköphöti, ngam ṙeūngö yīö ngaich ṙānyuvö;

KÒLÒSĪ 3:7

Lahök yīö misī urĕh, hē yīö iyöng in u.

RŌMA 6:22

Ngaich pöri ṙānyu töngamuh ṙā-ang im tökööl, ngaich vītu öi kūön ngam Tēv, ngaich ṙôngu yī-ö im inhetlö, ngaich nômö tö tö örheūheu-aṅ, manāngen.

1 PĪTÖR 1:14

Sā nyīö tötminôṙô, öt haṙongtöre öi sā nuk raneh tötlöök lōn, hē öt mikah yīö misī:

INCHŌḴ-OṘÔ 9:6

Ṙāngö ngam öt mikah, ngaich ngöh aṅ, lök el ngam talöökö lā tuhēt mat inrē.

2 KÒRIN 12:20

Tön röingö lōn chin hòn öt lökngö yô-òv, yē chu min yih öich öt kôtökūö tö yīö öt sā lōn chu, kôti chu-ö inrē öich sā lōn yīö tö chu; hòn öt löktö yô-òv, töng tulönghöre lōn, tinutngö, tanāinyö, manūlö tötlöök, vine-eng nang, tö föh lōn, tinṙōlen;

T. YÔHAN 8:34

Ngaich sapṙô cha Yēsū, nö ngö ṙô, Tökô-òṙô Chin tö yīö, Ṙòkhöre yin vē tököölö fālen, nö töhakövö töm tökööl.

T. MËTIV 21:29

Ngaich ngö ṙô anga-aṅ, nö sapṙô ò, Sōḵ chin. Unôichngöre pöri anga-aṅ nö havöötö ellōnre; ngaich kiröönngöre.

Salmai 36:2

Pò ò nö harōyöre: hanöng saha nup tötṙong in ò nö kôti, ngaich surīkiṙen.

YĀKÖP 1:26

Yē ngòh tarik, nö im Tēv inlahen tölōnre, ngaich öt haköp ngam litākre, hachīl ellōnre pöri, töt kô-en an angū-ö falngen nö im Tēv.

KALATĪ 6:3

Yĕn hĕng tak tarik tö kiröng tö lōnre, yē ò nöng tö rö-ö, hachīlöre an anga-aṅ

T. LŪKÖS 21:8

Ngaich ngö ṙô Anga-aṅ, Haṙēmngenre yin, hòṅ yīö öt halō-oikūö; tön maṙôngö yip min yamih nö i Mine-eny Chu, nö ngö ṙô, Anga-aṅ chin chū-ö; hēk ngö, Röhta öp hē. Ui tömrit cha.

INMEUKHÖMAT 18:2

Ngaich hūḵa anga-aṅ nö Kalēḵĕṙô, nö ngö ṙô, Fukngö, fukngö öp tökiröng Pēpilön, vītöre öp nö ngaich nö elyöngö yip sī-ö, kinlōngö yip töchōich sī-ö, ane inrē kinlōngö nup töchōich, ane inrē kumnyah elmat chehechōn.

INMEUKHÖMAT 13:14

Ngaich anga-aṅ nö hachīlö cha, yip mī-iyöng kūö ngih panam, tö kūö nup minkahngö tökētu nö in ò, vahīṙen ò nö i kūö öp töṙeūla: ngö ṙô tö cha yip mī-iyöng kūö ngih panam, nö hōten cha nö vī insā ngam töṙeūla, ngam tönyahaṅ tö kūö ök sanët, ngaich nöng aṅ.

INMEUKHÖMAT 12:9

Suktu ngaich ngam tökiröng tulan, ngam pēch misī, ngam sī-ö, Sātān invëka, ngam mahachīl në taṙòkhöre panam. Suktu anga-aṅ nö el tumlat; hol ò nö ṙòkhöre yip Ma-ahānga ò, nö suktu.

Isayā 44:20

Nyā tisum anga-aṅ; halō-ongkūö ò ngaich ngam inchīlö ò, ngaich rö-ö anga-aṅ nö kô nö ṙā-any re hēk ngö ṙô, Röh ap minyôiny-aṅ nö lahāmö chu?

OPĒTIĀ 1:3

Hachīlö man tö inkeūlen ellōn re Ō me-eṅ mī-iyög el nup tökuhīôlhötre i kaha ihong nup lātulöng chūökö; tö ngö ṙô öm ellōn re, Chīap mīnö kamëten chu lā taṙeū?

INCHŌḴ-OṘÔ 8:5

Ō töt akahaṙa, haköp mikah; Ō tökulō-ovö tarik, hangihtöre.

RŌMA 6:6

Akahalōn tö ngih, tö ngam höteh tarik hī nö harātu nö hol Ò, hòṅ ngam tökööl alaha nö ṙā-aiṙen, hòṅ ngam tökööl nö öt ngöhöre nö hayöng nö in hī.

RŌMA 6:12

Lökten un halöngtuṙen ngam tökööl nö hayöng ngam tö kapah alaha yīö, öi hang chöngö lōn ngam alaha;

RŌMA 11:30

Sā yīö sin misī ahôngen ngam Tēv, ngaich pöri töngamuh yī-ö teūngen tö neūkölōn, löktökūö minôṙô cha.

2 TIMÒTĪ 3:6

Tön aṅ in cha nun, yip ṙameulhötre nö el patī, ngaich kēḵ yip töt akaha kikānö nö hakövö, yip kameunkö tökööl, hachōḵoiṙen tö nup tö ṙōlkangen töchōich lōn,

2 TIMÒTĪ 3:13

Vē tötlöök pöri tarik, mahachīl, nö ṙūöngenre, hachīl, hĕnghöre hachīlö inrē.

TAITÖS 1:16

Eūköre cha-a nö akahakūö töm Tēv; ngaich i nup la-enre nö mahngen Ò, tösōḵov, töminôṙô, samô-òṅ nup taṙòkhöre tölöök la-en.

TAITÖS 2:12

Haköpten hī, pòi hōtu harööḵngen ötlanöökö, nup lōn töyīki inrē aṅ panam, ngaich iyöng, öt sinṙaklen, chanīpen, lanöökö inrē, ing töngamuh panam:

Ranehlö 38:9

Akahalōn ang Onan tö öp nyīö nö öt kūön ò min; ngaich ngö inlahen, hē ò nö kuhēthötre nö ik pīhö ök mëmre, höng pitā-ang angā-aṅ nö el tumlat, pòn sōḵ nö kētö kūön ök mëmre.

Ranehlö 39:16

Ṙā tök hilā ò angā-aṅ ngaich nö ranghen ò, hanöngsaha yanīhih öp yöngṙen ò nö i patī.