TAITÖS 3:1 - TÖHET LĪPÖRE (Re-edited) Bible (BSI)

¹ Fēḵlen cha, nö tumṙeūtöre tö mahayöng, yip töchöngu, nö hang chöngö, hīnöre nö i tölöök la-en.

TAITÖS 3:1 Referans Kwoze

Mumkahten 10:4

Yē öp tanānyö öp mahayöng nö sīöplöre nö lā in meh, um ṙāngö ngam chūök re, pò ngam inrīkngöre min nö halööktit nup tökiröng fālen.

INCHŌḴ-OṘÔ 24:21

Kūön chu, pa-ekūö töm Mā Tēv ngam rācha inrē, un öt hāngö chöngö nyöre cha-a;

T. MËTIV 22:21

Ngaich ngö ṙô cha-a tö Ò, Insā-a Kaisör. Ngaich ngö ṙô Anga-aṅ tö cha, Kē-ĕkūö Kaisör, tö nup aṅ in Kaisör, kē-ĕkūö ngam Tēv, tö nup aṅ im Tēv.

HEPRĀI 13:21

Vīten yīö teungten i tökeuheūttöre tölöök, öi la-evṙen tö lōn Ò, vahī-ivṙen nö in hī töp ṙanāmölōn nö i kūö Ò, lökten Yēsū Kristū: kanôlò Ò yēḵ örheūheu. Āmen.

2 TIMÒTĪ 2:21

Lökten yē ngòh tarik nö halööklöre nö ṙā-ang i në, ngaich anga-aṅ min nö hanāngen nö chehen, tö ahetlöngö, ngaich chūökṙen ngam Mā nö kô-òren, tö halēnö nö i nup tölöök la-en.

2 TIMÒTĪ 1:6

Angū-ö lökten chin fēḵlen meh hòṅ meh ahūlökūö ngam inlōnti aṅ im Tēv, ngam mī-in meh nö lökten i ṙinëptö në eltī chu.

1 TIMÒTĪ 5:10

Tölöökö ineūka nö i tölöök la-en; yē ò nö haruklö nyīö, yē ò nö haṙūötken aṅ tahëng, yē ò nö söichröön yip töhet, yē ò nö meukṙen tökihngen, yē ò nö ṙūöten nö tömken tölöök la-en.

TAITÖS 2:14

Ngam kamëḵngöre tö pòkūö hī, nö hòṅ ṙānyen hī Anga-aṅ, nö ṙā-ang i nup tökööl nö ṙòkhöre, ngaich ahetlen hī nö in re öi tarik amin Ò, kalēḵĕlōn i tö löök la-en.

1 TIMÒTĪ 4:6

Yē meh chaphöt në nö ellōn yip hol ngaich me-eṅ min tö akaha mameukṙen Kristū Yēsū, haruklöngö i nup ṙô aṅ i mikah, aṅ i tölöök inköphöti, ngam tahömken meh söl ing töngamuh:

1 TIMÒTĪ 2:2

Chööḵnyô tö vē rācha, yip taṙòkhöre inrē el lātulöng chūök, hòṅ hī lök im tö lām, tö ṙēm inlaha inrē i nup taṙòkhöre lanöökö, öttinyāchen inrē.

1 KÒRIN 15:58

Lökten, yī-ö hol chu, haköpöre yin, ui hanlöinyken: örheūheu ṙūölö ngam la-en ngam Tēv, akahatöhechlōn tö ngam la-en yīö, im Mā Tēv, nö öt chanök alaha.

YERIMIĀ 27:17

Uh yin hagṙô cha; kūön alaha ap rācha yin aṅ Pēpilön ngaich höngngöh. Kūöyòh ṙöng öng min ngih elpanam nö ahātiṙen?

I. CHÖNGÖ 17:12

Ngaich, öp tarik öp tamölngenre kūönṙô, nö öt hang ṙô öp tösökhak nö meukṙen nö i kūö ngam Tēv meh ngam Mā Tēv, hēk ip ma-akah fālen, kumpaha min ngam tarik anga-aṅ: ngaich më-eṅ min kavalngö ngam tötlöök in Israĕl.

2 PĪTÖR 1:12

Lökten chin min örheūheu höngöre kētö fineḵlö yīö tö u, pòrô öi tö-akahalōn ngaich tö u, ngaich inrē öi köpngö im kanô-en ngam mi-in yīö.

TAITÖS 3:8

Tökô-en an nö ṙô. Ngaich hōten meh chu-ö in u öm kalēḵĕṙô vë-eny u nö kô-en, öm ṙātö ellōnre, hòṅ cha yip ṙāmātö ellōnre nö im Tēv, nö ṙēmen nö kēkö kaha tölöök vahīṙen. Anū-ö nun në tölöök, tökôlò tī tö tarik:

KÒLÒSĪ 1:10

Ngaich yī-ö min kô lök im Mā, haṙamlōn i nup tökeuheūttöre; ṙônguvö i nup tökeuheūttöre tölöök la-en, ṙuhölre inrē im mikahkūö tö ngam Tēv;

FILIPĪ 1:11

Tööḵlö tö ṙòng lanöökö, nup lamökten Yēsū Kristū, i kanôlò, nöinyö ngam Tēv.

EFISÖS 2:10

Pò hī ayī-ö, aṅ vanī-iṅ Ò, vīlöngö in Kristū Yēsū kūö tölöök la-en, minë halēnngö ngam Tēv misī, pò hī hōtu lök in u.

Isayā 43:26

Fēlen chu tā-a töi vë-ekūöre; hameuknyö ngam kahòkköre man, hòṅ meh hameuktu töchip.

NGAM LĪPÖRE KAHŪICH YŪT 1:5

Hòṅ fēḵlen yīö chin pòrô yin ngaich tö-akahalōn tö në, tö tī ngam Mā Tēv nö hayööken yik tarik nö ṙā-ang ngam panam Aikup, ngaich unôichngöre nö fëlngö yik töt ṙamātö ellōnre.

TAITÖS 3:14

Hökngen yip tarik hī inrē nö haköptöre nö kēkö kaha tölöök vahīṙen nup töt ṙanāngen, hòṅ cha nö ṙônguvö.

2 TIMÒTĪ 2:14

Chaphöt u man anū-ö në, nö kanöpölōn cha, i kūö ngam Tēv, tölṙô cha, hòṅ cha nö öt lā-alkūöre nö chööḵnyö tö nup ṙô, nö hòṅ halō-ongkūö cha, yip hamang.

TAITÖS 1:16

Eūköre cha-a nö akahakūö töm Tēv; ngaich i nup la-enre nö mahngen Ò, tösōḵov, töminôṙô, samô-òṅ nup taṙòkhöre tölöök la-en.