TAITÖS 2:2 - TÖHET LĪPÖRE (Re-edited) Bible (BSI)

² Hòṅ yip tököiny tarik, nö öt saṙākiṙen öt tayāchaṙen, öt saṙākilōn, lööken im mikah, i hanāngenlōn, i manöiyö:

TAITÖS 2:2 Referans Kwoze

KALATĪ 5:23

Ṙanëmen, inyöngöre; öt lāḵlu nun anū-ö tö chöngö.

1 PĪTÖR 4:7

Röhta an ngam manāngen në taṙòkhöre. Lökten yin yēḵ akaha, ṙēm inrē im vine-eṅkūötēv.

1 TIMÒTĪ 3:11

Ngatī vē kikānö inrē nö un tayāchaṙen un samūöcha, öt saṙākiṙen, kô-en i tökeuheūttöre.

1 PĪTÖR 5:8

Hayöngöre yin: höngöre. Tön havötköre an ngam sī-ö, ngam tökunyahaṅ elmat tö yīö, nö sā ṙôktô lāyön, nö chöh ap kahā-angre.

TAITÖS 1:13

Tökô-en nun anū-ö tö-eūka. Lökten man, kalēḵĕṙô vëken cha, hòṅ cha nö lööken nö im mikah,

1 TIMÒTĪ 3:2

Lökten ön ngòh Pisköp nö tötkô nö īnu tö töchōich, töng hĕnglö tö pihöre, öt saṙākiṙen, öt saṙākilōn, lēn, tömiṙūöt mahaköphöti;

INCHŌḴ-OṘÔ 16:31

Ineū-eu nun në pakūkui nö sapīöv; taneūngen an im nômö tölöök.

1 TÖSALÒNIKĒ 5:8

Tā-a pöri töi ui hiyōi, sā hī aṅ im sakāmö, hayutlö ngam mikah nö lanak elngòh, töm hanāngenlōn inrē; ngam mineūka aṅ im inyööken inrē, nö sapīöv lanak elkui.

RŌMA 12:3

Tön kö i tarik ṙô chin, yip in yīö, lökten im inlōnti kinë-eṅkūö chu, un tulöng lōn töre, tö ap tölngöre; ṙat töheich lōn pöri, nö sā tī ngam Tēv nö i tö hĕng tak tarik nö kalah ṙôken mikah.

NGAM LĪPÖRE YŌP 12:12

I tököiny an ngam mikah, i rô-òtö sakāmö inrē mikah elmat.

LA-EN LĒVĪ 19:32

Söklöre man i kūö öp töpakū-uv kui, milēḵṙen inrē tö tököiny tarik, pa-ekūö inrē tö ngam Tēv meh: Chū-ö Chin Mā Tēv meh.

1 PĪTÖR 1:13

Lökten yin nyëklö ṙat nup ellōnre, ui saṙākiṙen ṙātö ngam maheūṅkkö yīö nö teung nö im inlōnti, ngam tökētu min nö in yīö, hē öp inmeuktö Yēsū Kristū:

1 KÒRIN 15:34

Lööken chanôhòl yin; ui köölö fālen; tön rēvre yip tötmikahavö nö im Tēv. Ṙô chu ön ngih hōten yīö sirōngökūö.

Salmai 92:14

Ṙòngmöng ṙôngu yin min ip kanöinyö re: tööḵlö yin tö mak-alahare, ngaich ayal inrē.

2 PĪTÖR 1:6

Im mikah yīö, ṙināpöre; im ṙināpöre manöiyö; ane inrē im manöiyö yīö, lanöökenṙen;

TAITÖS 2:7

I tökeuheūttöre, hameuktöre me-eṅ inchōten tölöök la-en, i inköphöti tö meh; hameuktö tölöök, öt tinyāchen.

TAITÖS 1:8

Kētöre pöri nö i miṙūöt, tö hāngen tö lanöökö, öt saṙāki lōn, ötmichūṙen, het, haṙāttökūöre;

1 TIMÒTĪ 3:4

Tö lēnö tī nö hayöng patīre, kūönu tö yip töt maha-ôngen, holtö öt tinyāchen,

1 TIMÒTĪ 1:5

Ngam hanāngenlōn pöri manā-angrit ngam chöngö nö löknyö öp töhet ellōn lanöökö el kuilōn inrē ngam mikah inrē töt höng töl:

1 TÖSALÒNIKĒ 5:6

Lökten tā-a ui haṙòh, öi sā yip tahëng, höngöre pöri, ui hiyōi inrē.

FILIPĪ 4:8

Manā-aṅ, kahōlö, nup taṙòkhöre töng kô-en, nup taṙòkhöre töng tö ineū-euṅv, nup taṙòkhöre töng löök, nup taṙòkhöre töng het, nup taṙòkhöre töng hanāngen, nup taṙòkhöre töng löökö ineūkö; yĕn tölöökuvö in e, yĕn ineū-euṅvö inrē in e, fēkö u anū-ö.

2 KÒRIN 5:13

Yē ih öre pòrô höng kahngen re, im Tēv angū-ö; hēk pòrô öre ihö öt sinṙakngu ellōn; in yīö angū-ö.

1 KÒRIN 9:25

Vē tarik tö kö kamlahnyöre nö im minyam, nöng ṙūöngten nö i tö keuhtūttöre. Asōl yin cha-a, pòn hòṅ teūngen tö töchahū-uyö sapīöv; teūngen pöri min ayī-ö, töp töt chahū-uyö.

INLAHEN 24:25

Ngaich hē Pôl nö ve-ekūö ò tö lanöökö, ṙināpöre, ngam tömòkngöre kinṙôka inrē; ngaich pa-ekūö Filik, ngaich ngö ṙô, Kuṙòh ngaich man sin; havëken meh chin min hēk, ip lanöökö ṙētak.

T. LŪKÖS 8:35

Kiröönngöre cha-a, ngaich, nö ngëichkö inlahen u, nö yihtöre nö in Yēsū, ngaich kôtökūö tök tarik, ök tö-aṅhaṅv-in tö yik sī-ö kumröönngöre, nö ūichhaka nö i kalröön Yēsū, nö ngaich nö inyuttö lanööken ellōn; ngaich pe-ekūö cha-a.

T. MĀKÖS 5:15

Yihtöre ngaich cha-a nö in Yēsū; ngaich meuk ök tarik nö ūichhaka, ök tösī-u aṅin sin hilāṙuvö, löökö ellōn inrē, ök tö īnu tö līkiön. Ngaich pa-ekūö cha-a.

Isayā 65:20

Öt tënuvö min nyīö inrē tö aṅ nöng öt ṙōl sumkam, hēk öt tököinyu tarik tötkumheūṅtngö sakāmö re, pò ngòh nyīö min nö hēngòng samyeūheu ṙēti nö kapah, öp tököölö fālen min inrē nö hēngòng samyeūheu ṙēti nö öthakôlöng ṙô.

1 TIMÒTĪ 3:8

Ngatī inrē vē Tīkön, öt tayāchaṙen, öt tö nëtö litāk, öt kēngöre nö im, tö pōyen vāin, öt yal i tötlöök taneūngen.

1 TIMÒTĪ 1:2

Löö in Tamòtī, kūön chu tökô-en im mikah: Inlōnti, neūkölōn, lanāmö inrē aṅ im Tēv Yöng, ngam Mā hī inrē Kristū Yēsū.

1 TIMÒTĪ 1:10

Pòkūö yip chamô-òṅkānö, pòkūö yip kikōnyö chamô-òṅ kikānö, pòkūö mū-ulāingö tarik, pòkūö yip töchūökuṙô nö minôinyaṅ, nup tö ōtngöre inrē tö harīkngöre tö ngam tölöök inköphöti;

1 TIMÒTĪ 1:14

Ngaich ngam inlōnti aṅ im Mā hī nö saṙaklöng kūö nö pōyen holtö mikah, hanāngen inrē ngam mi-in Kristū Yēsū.

1 TIMÒTĪ 5:1

Un hakes tököiny, halēnö ò pöri sāre tö yöng: vē manāngö tarik, ngaich sāre tö kahëm:

FILIMÒN 1:9

Kūö hanāngenlōnre chin chu-ö tököiny Pôl, öich hòṅ aṙētuṙô, öich töhakövö inrē töngamuh tö Kristū Yēsū: