TAITÖS 2:11 - TÖHET LĪPÖRE (Re-edited) Bible (BSI)

¹¹ Pò ngam inlōnti aṅ im Tēv nö ngaich nö meūkö, kumtö inyööken tarik nö ṙòkhöre,

TAITÖS 2:11 Referans Kwoze

1 TIMÒTĪ 2:4

Ngam hamôtö taṙòkhöre nö hayöökaṙen, yih inrē nö im inkaha kanô-en.

EFISÖS 2:8

Pò yīö kūö inlōnti ngaich hayöökaṙen lökten mikah; rö-ö nö aṅ in yīö angū-ö: aṅ im Tēv an inlōnti:

Isayā 45:22

Havantöre in chu, hòṅre hayöökaṙen, ṙòkhöre aṅ manā-angkūö ngih tumlat: tön chū-ö chin Tēv, öt tahënguvö.

HEPRĀI 2:9

Ngaich pöri ayī-ö meūkö Ò, ngam tövītu misī nö lātaṙūḵ hö-ö tö më ma-ahānga, Ang Yēsū, tö kanôlò, ineū-euṅ inrē, pòn hōtu nö lökten im inlōnti aṅ im Tēv, Anga-aṅ nö kalah kinpaha, nö pòkūö tarik.

EFISÖS 2:5

Pòrô hē hī ngaich kapah kūö tököölre, ha-aṅhaṅ hī Anga-aṅ hol Kristū lökten inlōnti yin ngaich hayöökaṙen,

2 TÖSALÒNIKĒ 2:16

Ngaich an nö hakôtenre ngam Mā Yēsū Kristū, ngam Tēv Yöng hī inrē, ngam töhāngenlōn tö hī, nö kē-ĕkūö hī tö ngam tötchanūhuvṙen inṙamlōn, ngam tölöök mineūka inrē nö lökten im inlōnti,

RŌMA 5:15

Rö-ö pöri nö sā ngam tökööl, ngatī inrē ngam töt ṙāyu raneushö. Yĕn ṙōlhang tak tö kapah tö kūö tökööl ngam tö hĕngtak, mötlö tī ngam inlōnti aṅ im Tēv, ngaich raneushö nö lökten im inlōnti aṅ im tö hĕng tak tarik, Yēsū Kristū, nö pōyen nö i tömaṙôngö,

T. YÔHAN 1:14

Ngaich ngam Ṙô nö vīngöre nö tarik; ngaich iyöng in hī, tööḵlö tö hanāngenlōn kanô-en inrē. Ngaich meuk kanôlò Ò ayī-ö, sā kanôlò ngam töng hĕng maneuk kūön ngam Tēv.

Isayā 52:10

Hameuknyö ngam töhet kël re an ngam Mā Tēv nö i kūö yip pumnāmö tarik nö ṙòkhöre; söl manā-angkūö ngih tumlat yip min nö ṙòkhöre nö meuk, ngam inyööken aṅ im Tēv hī.

Salmai 84:11

Pò ngam Mā Tēv nö tavūöi, lanaklö inrē, kētö inkôlò An min ngam Mā Tēv: öt ma-iṅh tī re An tö nup tölöök nö i yip lamök i tö chiplö.

INLAHEN 11:23

Chalôhë anga-aṅ, ngaich meuk ngam inlōnti aṅ im Tēv, ngaich ṙāmölōn; ngaich ṙuhöl alaha cha anga-aṅ nö ṙòkhöre; pòn hōtu cha-a nö haköpngöre nö im Mā, holtö ellōnre.

INLAHEN 20:24

Rö-ö ön ngih nômö chu nö tö pōi ṙāi tö lōn chu, öt tökôlò inrē nö in chu; höng yē chu keuheūten tö ngam la-en, taneūngen chu aṅ im Mā Yēsū, ngam inhangkö ngam tölöök inhānga, ngam inlōnti aṅ im Tēv.

T. LŪKÖS 3:6

Ane inrē ṙòkhöre min tarik nö meuk ngam inyööken aṅ im Tēv.

1 TIMÒTĪ 1:14

Ngaich ngam inlōnti aṅ im Mā hī nö saṙaklöng kūö nö pōyen holtö mikah, hanāngen inrē ngam mi-in Kristū Yēsū.

RŌMA 5:2

Ngam lökten hī löktu i ngih inlōnti chūök hī sökhaka, kūö ngam mikah; ta-a inrē töi ṙāmölōn im mineūkkö kanôlò ngam Tēv.

SAKARIĀ 12:10

Ngaich chū-ö min ṙöstö kui ngam patī Tāvit, ṙöstö kui yip aṅ Yērusalem inrē tö ngam ma-alaha inkôlò vine-elkui inrē; ngaich cha-a min nö hatīönkö kūö ò öp tösāpi tö cha: ngaich cha-a min nö haṙivhen ò, sā öp töhaṙivlōn töp töng hĕng maneuk kūön re kikōnyö, ngaich min inrē nö kiröngö miṙivlōn tö ò, sā kinröngö miṙivlōn tö lanòhre.

Salmai 96:10

Ngö ṙô tö yip pumnāmö tarik, Hayöng An ngam Mā Tēv, köp an ngam panam lökten e nö öt hanlöinyken: Anga-aṅ An min ma-akaha fālen vē tarik Ò, nö ṙōngö tī.

KÒLÒSĪ 1:6

Ngam yamih nö in yīö, sā e inrē i në taṙòkhöre panam, ṙònguvö, nö ṙuhölre; sā e inrē nö in yīö, hētentö ngam sakāmö yīö ngaich hang, akahalōn inrē, im kanô-en tö ngam inlōnti aṅ im Tēv.

KALATĪ 2:21

Rö-ö chin hachökngö alaha ngam inlōnti aṅ im Tēv; yē ngam lanöökö öre nö lamökten im chöngö, ngaich Kristū nö chök alaha nö kapah.

2 KÒRIN 6:1

Vë-ekūö yīö in, ihö tö la-evṙen hol Ò, ui höng tötöl kēḵ ngam inlōnti aṅ im Tēv.

INLAHEN 13:47

Pòn angū-ö chöngö ngam Mā Tēv tö ai; nö ngö ṙô, Vīten Meh Chin, Öm ëāṅvö mat vē tahëng mihëṅṙö; hòṅ Meh Öm inyööken söl ip manā-angkūö ngih panam.

INLAHEN 13:43

Hē pinyāingö yik tö mūl tarik, maṙôngö yik Yahūti yik tö-akaha tö vītuṙen nö Yahūti inrē, nö tömrit nā Pôl, nāṅ Parnapas, nak vame-eṅkūö cha, hōten cha nöngngöh nö im inlōnti aṅ im Tēv.

T. YÔHAN 1:9

Tökô-en An nö Hanātö, maha-athölö nö i tarik, vē yamih nö ing panam, nö ṙòkhöre.

T. LŪKÖS 24:47

Ngaich hōtu invöötö ellōn, inṙē-ĕl tökööl inrē nö mumkahtuṙen nö i Mine-eny Ò, i vē taṙòkhöre tarik, urĕh nö i Yerūsalem.

T. MĀKÖS 16:15

Ngö ṙô Anga-aṅ tö cha; Kuṙòh; chuh i në taṙòkhöre yin panam, mumkahten taṙòkhöre tarik tö ngih tölöök inhānga.

T. MËTIV 28:19

Lökten yin kuṙòh; vīten vē taṙòkhöre tarik nö mahaköp; vōkö cha i Mine-eny ngam Yöng, Kūön, Töhet Fanöinylö inrē.

SAKARIĀ 4:7

Achīöm me-eṅ, Ō tökiröng rôngö? Töṙā-akūö man min panam i kūö Sērupāpĕl: Ngaich anga-aṅ min nö kēnyö öpkui ihong nö pōitô nö holtö Inkôlò, inkôlò nö in e!

Isayā 49:6

Ngö ṙô anga-aṅ, töhöhövṙen an angū-ö tö meh öm tarik chu mahachohlö miyöngö Yāköp, mahavantö ngam töma-īṅlöng ang Israĕl; kēten meh chin min öm ëāṅvö i yip pumnāmö tarik, hòṅ ngam inyööken aṅ in chu nö sölngö i manā-angkūö ngih tumlat.

HEPRĀI 12:15

Milēt mat hòn öt tarīku tö hāṅten tö ngam inlōnti aṅ im Tev, hòn öt sīöplö nup ṙĕh kumnyahṙen nö hakihten yīö, ngaich pōihangen tī tö töchōich;

2 TIMÒTĪ 4:17

Sökhaka pöri ngam Mā nö in chu, nö hangëken chu; pòn hōtu nö lökten in chu ngam inhānga nö keuheūtnyöre inhangnyö, pòn hōtu inrē yip Tahëng mihëṅṙö nö ṙòkhöre nö hang: ngaich ṙānyu chu-ö ṙā-ang elvāng ap lāyön.

KÒLÒSĪ 1:23

Yē yīö ngati urāta im mikah, ultöre ngaich köp inrē, ngaich öt ṙuhöyö tö ngam mineūka ahang yīö aṅ im tölöök inhānga, ngam tö ngaich misī nö ahangnyu nö i në taṙòkhöre tövīlöngö elkatòh ngam halīöngö; ngam lökten chu chu-ö Pôl, vītu mameukṙen.

RŌMA 10:18

Ngö ṙô pöri chu-ö; Kô aich nö öt hang? Höng rö-ö, keuheūtngöre chūök chahuhu ap ṙô cha nö ing panam: söl i manā-angkūö ngih pa- nam nup ṙô cha inrē.

Salmai 67:2

Höng ngam talöökö Meh an yēḵ tö-akahaiṙen nö ing panam: ngam inyööken inrē aṅ in Meh i pumnāmö tarik

INLAHEN 17:30

Hökiṙen an sin ngam ṙētak ötmikah, tö ngam Tēv; ngaich pöri Anga-aṅ töngamuh nö chönguvö tö tarik nö keuheūtngöre chūök nö havöötö ellōnre.

2 TIMÒTĪ 1:10

Ngaich hameuktu tö ngamuh lökten i inmeuktö ngam mahayööken hī Kristū Yēsū, ngam ma-asökngö ngam kinpaha ngaich kētö nômö, ötchinhūngö inrē nö el hanātö, lökten im tölöök inhānga.