TAITÖS 1:8 - TÖHET LĪPÖRE (Re-edited) Bible (BSI)

⁸ Kētöre pöri nö i miṙūöt, tö hāngen tö lanöökö, öt saṙāki lōn, ötmichūṙen, het, haṙāttökūöre;

TAITÖS 1:8 Referans Kwoze

1 TIMÒTĪ 3:2

Lökten ön ngòh Pisköp nö tötkô nö īnu tö töchōich, töng hĕnglö tö pihöre, öt saṙākiṙen, öt saṙākilōn, lēn, tömiṙūöt mahaköphöti;

TAITÖS 2:7

I tökeuheūttöre, hameuktöre me-eṅ inchōten tölöök la-en, i inköphöti tö meh; hameuktö tölöök, öt tinyāchen.

1 RĀCHA 5:7

Ngaich ngö inlahen angū-ö, hē Hairām nö hang nuk ṙô Sòlòmön, kiröngö ṙanāmölōn ngaich anga-aṅ ngaich ngö ṙô, Tökôlò An ngam Mā Tēv töngamuh, ngam kamëtö kikōnyö kūön Tāvit tö-akaha nö i kui vē töpōyen tarik.

1 YÔHAN 5:1

Ngòh ṙamātö ellōnre tö Yēsū nö Kristū, aṅ im Tēv finötnyi Anga-aṅ: ngòh töhāngenlōn tö ngam lökngörit, hāngenlōn inrē tö ò ngam aṅ Ò finötnyi.

1 YÔHAN 3:14

Akahalōn in tö hī ngaich chööḵngö ngam kinpaha, öi im nômö: pò hī hāngenlōn tö yip holre.

1 TIMÒTĪ 6:11

Falngöre pöri me-eṅ tö në, Ō me-eṅ tarik ngam Tēv; ngaich tömrit ötmichūṙen, lanöökö, mikah, hanāngenlōn, manöiyö, inyāichngö,

1 TIMÒTĪ 4:12

Un tarīku mahakeūngen ṙētö meh, inchōten cha pöri me-eṅ, yip ṙāmātö ellōnre, i ṙô, i inlaha, i hanāngenlōn, i mikah, i hanëtö.

1 TÖSALÒNIKĒ 2:10

Yī-ö yin, ngam Tēv inrē, mameuk hanëtö, lanöökö, tötvanëken inlaha ih in yīö öi ṙamātö ellōnre:

Salmai 16:3

Yip töhet pöri ing panam cha-a yip tölngö chūök nup kumchiklōn chu.

1 RĀCHA 5:1

Ngaich ök rācha Hairām aṅ Tūrös nö tīntö yik tarik re nö in Sòlòmön; pò ò nö hang tö cha min nö hacham kui ò nö rācha nö i chūök ök yöng re kikōnyö: pò Hairām nö töhāngenlōn tö Tāvit.

1 SAMUĔL 18:1

Ngaich, hē ò nö keuheūtô nö ve-ekūö Sôl, ngaich ök ellōn Yônatan nö mūlta nö i ellōn Tāvit, hangenlōn ngaich Yônatan tö ò sā hanāngenlōn ò tö re.

2 TIMÒTĪ 3:3

Öt aṅhaṅv-in tö nehngenre hanāngenlōn, öt hanlāmten, vamë-eng nang, töt kô nö hayöngöre, tötainy, öttöhāngen tö tölöök.

2 TIMÒTĪ 2:22

Ṙuhöngre pöri tö yinikngö, në lōn ṙālö, tömkörit lanöökö, mikah, hanāngenlōn, lanāmö, nö löklö öp töhet ellōn, in cha yip mahavëkö minë-eny ngam Mā.

AMŌS 5:15

Surīkhö ngam tötlöök, hāngenlōn tö ngam tölöök, haköpngö ngam inkaha fālen nö i kūö inkūp; lohten ngam Mā Tēv, ngam Tēv yip tömaṙôgö min nö aṙē-ĕlōn tö yip chööḵṙen Yôsĕf.

T. LŪKÖS 2:25

Hĕng taka ök umuh tarik i Yerūsalem, Sumōn ök minënyö ò; tötmichūṙen ök anga-aṅ, ane inrē tö pa-ekūö tö ngam Tēv hamöngkökūö öp inṙamlōn Israĕl; īnu anga-aṅ tö ngam Töhet Fanöinylö.

INLAHEN 24:25

Ngaich hē Pôl nö ve-ekūö ò tö lanöökö, ṙināpöre, ngam tömòkngöre kinṙôka inrē; ngaich pa-ekūö Filik, ngaich ngö ṙô, Kuṙòh ngaich man sin; havëken meh chin min hēk, ip lanöökö ṙētak.