TAITÖS 1:4 - TÖHET LĪPÖRE (Re-edited) Bible (BSI)

⁴ Löö in Tāitös, ngam tökô-en kūön chu im ṙinātö ellōn taṙòkhöre: Inlōntī, lanāmö aṅ im Tēv ngam Yöng, Kristū Yēsū inrē ngam Mahayööken hī.

TAITÖS 1:4 Referans Kwoze

2 TIMÒTĪ 1:2

Löö in Timòtī, hanāngen chu nö kūön: Inlōnti, neūkölōn, lanāmö aṅ im Tēv ngam Yöng, Kristū Yēsū inrē ngam Mā hī.

NGAM LĪPÖRE KAHŪICH YŪT 1:3

Kahōlö, i panītnyöre chin kūichhöti in yīö, tö inlahen ngih inyööken tarik; hòṅ kūichhöti chin in yīö, hōten yīö chin i tölngöre, laklö ngam mikah, ngam töng hĕng heuh kinëti nö ngaich nö i yip töhet.

2 PĪTÖR 1:11

Pōyen mineukten yin min tö lökhötre im tö örheūheu pūlngö ngam Mā hī ane inrē mahayööken, Yēsū Kristu.

2 PĪTÖR 1:1

Simōn Pītör, kūönkūö ane inrē tanīnöṙô Yēsū Kristū, löö in cha yip tö ngaichnö teūngen tö ngam töngatī töpōiṙāi ṙinātö ellōn nö hol hī, i lanöökö ngam Tēv hī ngam Mahayööken inrē Yēsū Kristū:

2 KÒRIN 2:13

Öt hanöhlu ellōn chū-ö, pò chu öt kôtökūö töp holre Taitös: have-engritre in cha, ngaich chū-ö kiröönngöre chuh Makētòni.

2 PĪTÖR 3:18

Sīöplö pöri im inlōnti ane inrē inkaha ngam Mā hī Mahayööken hī inrē Yēsū Kristū. Kanôlò Ò yēḵ, hĕnghöre töngamuh örheūheu inrē. Āmen.

2 KÒRIN 8:23

Yĕn hatönka Taitös, holkūö ih ap anga-aṅ, hol alaha inrē nö in yīö, hēk yip hol ih, tanīnöṙô nup māṅ yip cha-a, ineū-euṅ Kristū yip.

RŌMA 1:12

Hòṅ chu hol yīö, haṙāmölōn in yīö; ṙòkhöre ayī-ö kö i mikah höö; ayī-ö nyöre tö chu.

T. YÔHAN 4:42

Ngaich ngö ṙô cha-a tök kikānö, Ṙātö ellōnre in ngaich, öt kūö ṙô meh; pò ih īhö ngaich hang, ngaich akahalōn tö Ò nö kô nö Anga-aṅ Mahayööken ngih panam.

1 YÔHAN 5:14

Ngih ön yih tinyāchen hī in Ò, tö hī, yē hī havëkuvö tö tösā lōn Ò, hang ṙô hī Anga-aṅ:

2 PĪTÖR 3:2

Hòṅ yīö köpölōn tö nuk ṙô, nuk töngaichngen misī ṙô yik töhet pròfĕt, ngam chöngö ngam Mā inrē ngam Mahayööken, nö lökten yik tanīnöṙô yīö;

2 PĪTÖR 2:20

Pò cha yĕn hēk nö vönngö nö in e ngaich kô-òngvah, unôichrit ötkanô-òngvah cha tö kūö nup inchōichngö aṅ i panam, nö löklen im mikah cha nö im Mā Mahayööken Yēsū Kristu, ngaich ngam manā-aṅ lainyngen cha nö höichngen tö ngam mu-urĕh.

TAITÖS 1:3

I nup ṙētak Ò pöri nö hameuktö nup ṙôre im inhānga, ngam tökētu nö in chu, sā chöngö ngam Tēv mahayööken hī;

KÒLÒSĪ 1:2

Löö i yip töhet, yip hol, tökô-en nö in Kristū mi-i Kòlòsī: inlōnti yēḵ in yīö, lanāmö inrē aṅ im Tēv Yöng hī.

EFISÖS 1:2

Inlōnti yēḵ in yīö, kumchikṙen inrē, aṅ im Tēv Yöng hī, ngam Mā inrē Yēsū Kristū.

KALATĪ 2:3

Öt rēhĕn pöri Taitös, ök mi-in ih, nö līptu tunnyinyngö, pò ò nö Krīk:

2 KÒRIN 12:18

Halēnö Taitös chin, ngaich tīntö öp hol nö in ò. Hakeūngen yīö hòng Taitös? Röh öi lök im töng Anga-aṅ Töhet Fanöinylö? Röh öi lök in u anū-ö vanāyö?

2 KÒRIN 8:16

Ha-öiny ngam Tēv pöri, ngam kamëhöt tö ngatī kumlēḵ, chumkūöṙen tö yīö nö ellōn Taitös.

2 KÒRIN 8:6

Lökten in ṙuhöl alaha Taitös, nö sā ò nö ngaich nö urĕh nö rultöre, ngatī anga-aṅ inrē nö keuheūtngenre nö in yīö, ngih inlōnti inrē.

2 KÒRIN 7:6

Ngaich pöri Anga-aṅ nö ṙuhöl alaha yāich, ngam Tēv, ṙuhöl alaha ih tö yanihih Taitös;

2 KÒRIN 4:13

Īnu pöri töm tö hĕngren mikah sā ngam tö kūichiyö, Ṙātö ellōnre chin, lökten chu ngaich ṙô-òv; ṙātö ellōnre in ihö inrē, lökten ih inrē ṙô-òv;

RŌMA 1:7

Löö i yip mi-i Rōma nö ṙòkhöre, hanāngen ngam Tēv, havëtu nö töhet; Inlōnti yēḵ, kumchikṙen inrē aṅ im Tēv, Yöng hī, aṅ im Mā inrē Yēsū Kristū.

T. LŪKÖS 2:11

Kūö yīö, ap umuh nyīö töfötnyuvö tö taheui i panam Tāvit; ap Mā Kristū, Mahayööken.

KALATĪ 3:26

Pò yīö ṙòkhöre kūön ngam Tēv, lökten im mikah in Yēsū Kristū.

KALATĪ 3:28

Ötkô nö Yahūtivö, ötrēhĕn nö Krīkuvö, ötkô nö töhakövuvö, öt rēhĕn nö töt hakövuvö, ötkô nö kikōnyuvö, ötrēhĕn nö kikānuvö: pò yīö ṙòkhöre höng hĕng tak in Kristū Yēsū.

1 TIMÒTĪ 1:12

Ha-öinyö Ò chin ngam kamëtö kanô-òṅ chu, ngam Mā hī Kristū Yēsū, pòn kaheukten chu Anga-aṅ tökô-en, nö vīlen chu ing la-en Ò;

2 TIMÒTĪ 1:1

Pôl, tanīnöṙô Kristū Yēsū, kūö lōn ngam Tēv sā ngam kinlēḵngô aṅ im nômö, ngam mī-in Kristū Yēsū.

2 TIMÒTĪ 4:10

Tön ṙāngen chu ök Tēmas nö ngaich, pòn hāngenlōn töng panam ngih töng töngamuh, ngaich ök nö chuh Tösalònikē: chuh Kalatī ang Krisen, chuh Talamatiā ang Taitös.

TAITÖS 2:13

Hatīönkö ngam tökôlò mineūka, ngam tökôlò inrē mineūkö ngam Yöng Tēv hī, Mahayööken inrē Yēsū Kristū;