TAITÖS 1:2 - TÖHET LĪPÖRE (Re-edited) Bible (BSI)

² I mineūkkö ngam tö örheūheu-aṅ nômö, ngam ṙô ngam Tēv nö kilēḵngôre misī töt chanūhuvṙen;

TAITÖS 1:2 Referans Kwoze

KINṘEŪKÖ 23:19

Rö-ö an ngam Tēv nö tarik, nö töminyôinyaṅ; Ötrēhĕn nö kūön tarik, nö mahavöötö ellōnre: Keuheūtô Anga-aṅ, ngaich yòh öt kēken e hòng? Hēk ṙô-òv Anga-aṅ, ngaich öt hateungngö e hòng min?

1 YÔHAN 2:25

Ngih ön yih kinlēḵngô, ngam tökilēḵĕyö nö in hī, angū-ö ngam nômö tö-örheūheu-aṅ.

2 TIMÒTĪ 1:9

Ngam mahayööken, ngaich havëten hī nö im töhet la-en, öt asā nup la-en hī, sā ap lōn Ò pöri, ap inlōnti inrē, ngam kinë-eṅkūö hī in Kristū Yēsū misī, nöng örheūheu,

NGAM LĪPÖRE KAHŪICH YŪT 1:21

Haköpöre yin im hanāngenlōn ngam Tēv, meūkkö ngam neūkölōn aṅ Mā hī Yēsū Kristū im nômö tö örheūheu-aṅ.

2 TIMÒTĪ 1:1

Pôl, tanīnöṙô Kristū Yēsū, kūö lōn ngam Tēv sā ngam kinlēḵngô aṅ im nômö, ngam mī-in Kristū Yēsū.

TAITÖS 3:7

Halööklöngö lökten im inlōnti aṅ in Ò, hòṅ hī min vītu tö-amīnu sā ngam mineūka aṅ im tö-örheūheu-aṅ nômö.

TAITÖS 2:13

Hatīönkö ngam tökôlò mineūka, ngam tökôlò inrē mineūkö ngam Yöng Tēv hī, Mahayööken inrē Yēsū Kristū;

2 TIMÒTĪ 2:15

Haṙēmngenre man öm kētöre töhōḵov im Tēv, öm töla-evṙen töt hōḵ sirōngkūö, hachip tīre tö ngam ṙô kanô-en.

2 TIMÒTĪ 2:13

Yē hī ayī-ö öt köpö kanô-en, köp Anga-aṅ nö kô-en! pòn ötkô Anga-aṅ nö mahangre.

1 SAMUĔL 15:29

Ane inrē ngam kumlēḵ Israĕl min nö öt minyôiny öt rēhĕn nö havöötö ellōnre; pò ò nö öt tarik, nö mahavöötö ellōnre.

1 YÔHAN 5:20

Akahalōn ayī-ö inrē, tö ngam Kūön ngam Tēv nö yih, ngaich nö kētö mikahlōn hī inrē, öi akahakūö töm kanô-en, im Kūön Ò Yēsū Kristū. Anga-aṅ ön ngòh tökô-en Tēv, Nômö inrē tö-örheūheu-aṅ.

TAITÖS 2:7

I tökeuheūttöre, hameuktöre me-eṅ inchōten tölöök la-en, i inköphöti tö meh; hameuktö tölöök, öt tinyāchen.

1 TÖSALÒNIKĒ 5:8

Tā-a pöri töi ui hiyōi, sā hī aṅ im sakāmö, hayutlö ngam mikah nö lanak elngòh, töm hanāngenlōn inrē; ngam mineūka aṅ im inyööken inrē, nö sapīöv lanak elkui.

RŌMA 6:23

Pò ngam raneushö tökööl nö kinpaha; ngam aṅ im Tēv pöri tötṙāyu raneushö, ngam tö örheūheu-aṅ nômö, in Kristū Yēsū ngam Mā hī.

T. MËTIV 25:46

Chuh el ngam tö örheūheu yip cha-a ötinkôlò; im nômö pöri tö örheūheu-aṅ yip tölöök.

T. MËTIV 25:34

Ngaich ngö ṙô min ngam Rācha tö cha yip lahāmö Ò, Ta-ih, yī-ö tö kôlò tö tī ngam Yöng Chu; amīnu tö ngam pūlngö tö halēnkaṙen tö pòkūö yīö, hētentö ranehlö ngih panam.

INMEUKHÖMAT 17:8

Ngam maheuṅk meh töṙeūla ngaich, lān rö-ö; ngaich ap nö hòṅ meutlö nö ṙā-ang el ngam ṙeūvö, töt lataṙeū-euv, ngaich chuh im öt inkôlò: ngaich acha-a min yip mī-iyöng kūö ngih panam nö pingangkūö, yip töt kūichi minë-eny nö i mat līpöre nômö, hēten tö ranehlö ngih panam, hē cha nö hatīönkö ngam töṙeūla tö ò sin nö kô, lān rö-ö, ngaich yih min.

INMEUKHÖMAT 13:8

Ngaich ṙòkhöre cha-a min nö salāman yip mī-iyöng ing panam, ṙòkhöre yip töt kūichi minë-eny nö i mat ngam līpöre nômö aṅ im pököre, ngam tö fëli hēten tö ranehlö ngih panam.

2 TIMÒTĪ 2:10

Lökten chin keūnö u nö kanihngen kūö yip tökatöllöngö, hòṅ cha nö teūngen tö ngam in yööken aṅ in Kristū Yēsūs nö hol tö ngam töt chanūhuv kanôlò.

1 TIMÒTĪ 6:19

Hachūökngö hanöngre nö el sök, nö tö köp nö rööntö machööḵlö, hanöng öp yamih ṙētak, hòṅ cha nö kiṙapngötīre nö im nömô, ngam nômö nö kô-en.

RŌMA 5:21

Sā ngam tökööl nö hayöng im kinpaha, hòṅ ngatī ngam inlōnti nö hayöng lökten im lanöökö nö im nômö tö-örheūheu-aṅ, lökten Yēsū Kristū ngam Mā hī.

INLAHEN 15:18

Ngatī ṙô ngam Mā Tēv, ngam mumkahtölōn tö u, hēten tö ranehlö ngih panam.

T. YÔHAN 17:2

Sā tī Meh kē-ĕkūö Ò tö inyöngö taṙòkhöre tarik, hòṅ Ò nö kē-ĕkūö cha tö ngam nômö tö-örheūheu-aṅ, i yip töng kahëtö Meh in Ò.

T. YÔHAN 10:28

Ngaich kē-ĕkūö u Chū-ö tö ngam nômö tö-örheūheu-aṅ ngaich öt hōḵ min anū-ö nö ötkôlò; öt hĕng tak min fumlinynyö u, nö ṙā-ang eltī Chu.

T. YÔHAN 6:68

Ngaich ngö ṙô Sīmōn Pītör, nö sapṙô Ò, Mā! Chuh in chīö öi min? I minë ṙô Meh, an ngam nômö tö örheūheu-aṅ.

T. YÔHAN 6:54

Ngòh nyamā ngih Alaha Chu, òk Mahām Chu inrē, nômuvö tö ngam tö örheūheu-aṅ; ngaich hachohlen ò Chū-ö min, ip manā-aṅ sakāmö.

T. YÔHAN 5:39

Chöh nup töhet līpöre yī-ö, pò yīö in u tö lōnre öi nômu tö tö-örheūheu-aṅ; anū-önun inrē ameūken Chu.

1 TIMÒTĪ 6:12

Kiyung im tölöök kinyūngö aṅ im mikah, ṙapngötīre im tö-örheūheu-aṅ nômö, ngam chūök meh havëtu, ngaich me-eṅ inrē halööknyôre vë-eny re i kūö yip tömaṙôngö mameuk.

1 TÖSALÒNIKĒ 2:15

Yip tö hĕnghöre fëlngö ngam Mā Yēsū, tö yik pròfĕt inrē, ngaich ahōnyen hī, ngaich öt ṙāmölōn tī tö ngam Tēv, harīkngenre tö taṙòkhöre tarik;

RŌMA 16:25

In ò yēḵ ngam tökô nö vīten yīö, nö sā ngam ahangkö chu tölöök inhānga, ngam minkahten inrē aṅ in Yēsū Kristū sā inmeuktö ngam öt mikahkūö sin, ngam tö kirupka nö marô-òlkui;

RŌMA 5:4

Ngam manöiyö, tī tö inmeukten inrē, tī tö mineūka;

RŌMA 5:2

Ngam lökten hī löktu i ngih inlōnti chūök hī sökhaka, kūö ngam mikah; ta-a inrē töi ṙāmölōn im mineūkkö kanôlò ngam Tēv.

RŌMA 2:7

I yip mahamöiyöre i tölöök la-en; nö chöh kanôlò, ineū-euṅ, töt chinhūngu inrē, in cha ngam nômö tö örheūheu aṅ:

RŌMA 1:2

Ngam tö kilēḵĕyö misī tö Ò i mat minë töhet līpöre, nö lökten i yik pròfĕt Ò,

T. YÔHAN 17:24

Kayöngö; hōten cha Chin, vē kahëtö Meh in Chu, nö i chūök Chu; hòṅ cha nö meuk ngam kanôlò Chu, ngam kahëtö Meh in Chu; pò Meh töhāngenlōn tö Chu, urēhĕkūö ranehlö ngih panam.

KÒLÒSĪ 1:27

Yip chūök lōn ngam Tēv, tö mikahtulōn tö ṙôken kanôlò ngam lanöökö ngam öt mikahkūö sin nö i yip Tahëng mihëṅṙö, ang Kristū, ngam mineūkkö kanôlò:

T. MĀKÖS 10:30

Öp töhēngòng taneūngen min i ngih tūmö, tö patīre, kahëmre, kanānöre, yöngre kūönre, panamre, nö holtö ötinkôlò; ngaich im töyihihvö panam, nö nômuvö tö-örheūheu-aṅ.

T. MĀKÖS 10:17

Ngaich hē Ò nö iṙuhöröön nö kiröönngöre, ngaich hĕng tak ök umuh famaltöre nö in Ò; ngaich simngöre nö ve-ekūö Ò, nö ngö ṙô, Tölöök Mahaköphöti; asuh ap min la-en chu, hòṅ chu amīnuvö tö ngam nômö tö örheūheu-aṅ?

Isayā 1:20

Yē yīö pöri sōḵ ahôngen inrē, ngaich keuheūtngöre vah yī-ö min tö kūö fël: pòn ngam elvāng ngam Mā Tēv tö ṙôten e.