TAITÖS 1:16 - TÖHET LĪPÖRE (Re-edited) Bible (BSI)

¹⁶ Eūköre cha-a nö akahakūö töm Tēv; ngaich i nup la-enre nö mahngen Ò, tösōḵov, töminôṙô, samô-òṅ nup taṙòkhöre tölöök la-en.

TAITÖS 1:16 Referans Kwoze

1 YÔHAN 2:4

Anga-aṅ ngòh tö ngö ṙô, Akahakūö chin tö Ò, ngaich rö-ö nö haköp në chöngö Ò, töminyôiny an anga-aṅ, öt in ò ngam kanô-en inrē:

Isayā 29:13

Ngaich ngam Mā nö ngö ṙô. Pò vē tarik nö ṙuöhtöre nö in chu, ngaich cha-a nöng elvāngre i minuh cha inrē nö milēḵṙen tö chu, kēngöp ellōn re pöri cha-a nö marôvat tö chu, ngaich ngam pinhe-eṅkūö cha tö chu nöng chöngö tarik nöng inköptö cha:

EFISÖS 5:6

Un tarīkuvö mahachīlö yīö, i minyôinyaṅ ṙô; tön kūö u an ngam lanīnö ngam Tēv nö yih nö i yip kūön töminôṙô.

ISIKĪ-ĔL 33:31

Ngaich yih cha-a nö in meh nö sā tarik yamih, ūichngöre ngaich cha-a nö i kuö meh nö sā tarik chu, ngaich cha-a nö hangṙô meh hö-ö pöri min cha-a nö kēken e; pòn i minuhre cha-a nö hameuktö tökiröng hanāngenlōn, kētu pöri öp ellōn cha nö i taneūngen cha.

NGAM LĪPÖRE KAHŪICH YŪT 1:4

Pòn rēvre yip tarik mu-ulāihötre, yip tökūichiyö ötinkôlò nö ngaich, tötmilēḵṙen tarik, harīkngö ngam inkôlò aṅ im Tēv nö i töchōich; ngaich mahngö ngam töng hĕng tak mahayöng, ngam Mā ih, Yēsū Kristū.

RŌMA 1:28

Sōḵo ngam Tēv cha-a nö i mikahre, ngaich kēḵngen cha ngam Tēv nö im ötkanôlò ellōn, nö la-evṙen tö nup tö ötlöök:

INMEUKHÖMAT 21:27

Ngaich öt hētu min nö kuhēthötre nö ël e, nup töchōich, hēk ngòh vamītö sin-òkkūö, ane inrē minyôinyaṅ: höng cha-a pöri yip tökūichi nö i mat līpöre nômö ngam pököre.

1 SAMUĔL 15:22

Ngaich ngö ṙô ang Samu-ĕl, Kiröngö lōn Ang ngam Mā Tēv nö i töföngö tökētu i tökētu inrē, nö sā öp hināngö ṙô ngam Mā Tēv? Yĕh meuk ngam hinang chöngö nö tömöthë tö tökētu, ngam hināngö inrē nö möthë tö tö sangöṅ kūön sīṅp.

INMEUKHÖMAT 21:8

Ngòh tö pinheṅ-eṅvkūö pöri, töt ṙamātö-ellōnre, SIN-ÒKKŪÖ, famël tarik, ma-asĕhha, tömilūönö, vame-eṅkūö insātēv ṙòkhöre töminyôinyaṅ, i ël öp tötöh töhūkūö tameūyö, töhū ihong inrē minchööḵö cha; nö ngam innëtö kinpaha.

1 TIMÒTĪ 5:8

Yē tarik pöri nö rö-öv nö meukṙenre, möthë tal yip aṅ patī ò, mahayëḵngen ngam mikah an anga-aṅ, ngaich nö höichngen tö tötṙamātö ellōnre.

Isayā 58:2

Söntenre cha-a nö kaheuk sakāmö nö chöhö chu, kuchīkölōn inrē nö hòṅ akahakūö tö në talöökö chu: nö sā cha öre nö pumnāmö tarik nö tölöökö la-en, töt ṙamāngö ngam chöngö ngam Tēv cha inrē, havëkö töchip cha-a inkaha fālen nö in chu, kuchīken cha-a nö hòṅ ṙūötöre nö im Tēv,

Isayā 48:1

Hang ngih, Ō yī-ö aṅ patī Yāköp, öi töhavëka tö minë-eny Israĕl, öi yamih löknyö i ṙat Yūtā; ngam Mā Tēv, kamakkö ngam Tēv Israĕl inrē, hö-ö pöri nö im kanô-en öt rēhĕn nö im lanöökö.

1 SAMUĔL 15:24

Ngaich ngö ṙô Sôl tö Samu-ĕl, Ngaich chin köölö fālen: pò chu ngaich tôichngen tö chöngö ngam Mā Tēv: tö nup ṙô meh inrē: pò chu pa-ekūö tö yip tarik, ngaich öich hang ṙô cha.

NGAM LĪPÖRE YŌP 15:16

Höichngen ngòh mī-in sinòṅk- kūö chanôchö inrē, ngòh tarik amòk öt lanöökö nö sā mak!

1 TIMÒTĪ 1:9

Sā ngih nö akaha, tö ngam chöngö nö öt pòkūö tarik nö vīlöngö, tön pòkūö yip töt aṅhav-in tö chöngö, töt kô-en inrē, pòkūö yip tötlöök, tököölö fālen inrē, pòkūö yip töt het mahachōichhanga inrē, pòkūö yip kumpah yöngre tö kikōnyö, kikānö inrē, pòkūö yip famël tarik.

KINṘEŪKÖ 24:16

Ngö ṙô anga-aṅ, öp tökumtö nup ṙô ngam Tēv, Öp tö-akahakūö tö inkaha aṅ im Lamā Tulöng, Öp mameuk töt maneūken aṅ im Tökeuheūttöre Chöngö, Afukngöre, ngaich nup mat ò nö löpnyukūö:

YERIMIĀ 6:30

Rupīö yin nö tö-sō-ovö tö ṙô, pò ngam Mā Tēv nö sō-en cha.

INCHŌḴ-OṘÔ 30:12

Töhet yip umuh nö i matre hö-ö pöri nö ahetlö mum re.

Isayā 59:13

Mahngö ngam Mā Tēv in i në tanôichngenre, ngaich havööngökūöre i tinömörit ngam Tēv ih, kahôkkö inkihten in inhôngö chöngö inrē, löknyö ellōn nup minyôiny-aṅ ṙô nö chöhlöng löklö, ngaich kaknyuvö nö ṙô.

YERIMIĀ 5:2

Pòrô yin ngö ṙô, Sā ngam Mā Tēv nö tö-aṅ, sön cha-a nö minyôiny-aṅ nö chūöku-ṙô.

YERIMIĀ 12:2

Me-eṅ man tameūichten cha, ngaich ṙĕhtöre cha-a; sīöp cha-a ngaich ṙônguvö; elvāng cha me-eṅ röhta marôvat ngam ellōn cha.

2 TIMÒTĪ 3:17

Hòṅ ngam tarik ngam Tēv nö öthāṅten, keuheūttöre aṅtī nö im tölöök la-en.

TAITÖS 3:1

Fēḵlen cha, nö tumṙeūtöre tö mahayöng, yip töchöngu, nö hang chöngö, hīnöre nö i tölöök la-en.

TAITÖS 3:3

Tön töt akaha in ayī-ö misī, töminôṙô, hachīlö, ṙōlö lahök tö töchōich lōn, intööḵngen minyam inrē, iyöng i kumnyah elmat inrē, sunrīkhö, kö sumrīkhen höö.