TAITÖS 1:10 - TÖHET LĪPÖRE (Re-edited) Bible (BSI)

¹⁰ Tön pōyen yip tarik ma-ahôhangen, töng kamhôka, mahachīl, mötlö tal yip aṅ i yip tö tunyīnyi;

TAITÖS 1:10 Referans Kwoze

1 TIMÒTĪ 1:6

Ngam lökngen yip rēvre nö vaich, ngaich kānngöre nö im töt kô-en ṙô;

1 YÔHAN 4:1

Kahōlö, un ṙātö ellōnre i töng ma-alahaṙa, kalah yip ma-alaha pöri yē cha nö aṅ im Tēv; tön pōyen yik nö ngaich töminyôiny pròfĕt nö chuh i në panam.

KALATĪ 2:4

Ngaich kūö yip tökô-en pöri hol, tö ulāihötvö, yip yamih nö ulāikenre nö hayun chunhëṅṙen ih in Kristū Yēsū, pòn kēten ih nö im inkövö:

EFISÖS 4:14

Hòṅ hī öt sā nyīö, öi hëmngö, heuingö inrē, i inköphöti inchīlö tö tarik, i huneū-en inchōḵngö im tö vaich.

YĀKÖP 1:26

Yē ngòh tarik, nö im Tēv inlahen tölōnre, ngaich öt haköp ngam litākre, hachīl ellōnre pöri, töt kô-en an angū-ö falngen nö im Tēv.

2 TIMÒTĪ 3:13

Vē tötlöök pöri tarik, mahachīl, nö ṙūöngenre, hachīl, hĕnghöre hachīlö inrē.

INLAHEN 11:2

Hē Pītör pöri nö yih nö i Yerūsalem, ngaich yik tö tunyīnyi nö lā-alkūö ò nö ngö ṙô,

INMEUKHÖMAT 2:14

Haroh tum pöri nup kumnyah in chu lā in meh, pò meh aṅhaṅv-in umuh tö yip rēvre ṙamapkö ap inköphöti aṅ in Pēlām, ök mahaköpten Pēlak, nö kavaltö kinvē-ĕre yik kūön Israĕl, nö nyā nuk tökētu nö i insātēv, ngaich asēha inrē.

INMEUKHÖMAT 2:6

Īnu pöri me-eṅ tö ngih, pò meh surīkhö vahīṙen yip tamömrit Nikòlāi, yip surīkhö chu chū-ö inrē.

1 YÔHAN 2:18

Yī-ö kun nyīö, manā-aṅ ön ngih ṙētak: sā ahang yīö ngaich töp töminyôiny Kristū nö yih, pōyen yip ing töngamuh sumlòklöre töminyôiny Kristū; lökten in e in akahalōn tö e nö manā-aṅ nö ṙētak.

2 TIMÒTĪ 4:4

Havööngö elnangre ngaich nö ṙā-ang im tökô-en, ngaich havāngtöre nö i minônṙô.

1 TIMÒTĪ 1:4

Un rēhĕn nö hangihtöre tö nup töng vītu inchōḵoṙô, nup töt rītu inrē kinṙeuk tumkölchap, ngaich chööḵnyö intönö, nö mööḵlö tö ngam aṅ im Tēv inyōmö, ngam aṅ im mikah; ngatī chin chu-ö töngamuh.

KALATĪ 3:1

Ō töt akaha aṅ Kalatī, achīö öp vamīngen yīö? I kūö chīö ök Kristū nö ngāṅlnyi nö harātu?

INLAHEN 20:29

Akahalōn chin tö chu min höng chuhhë, ngaich nup tö tainy am min tö yihtöre nö in yīö, öt ṙāḵlö në pököre.

INLAHEN 15:1

Ngaich rēvre yik tarik yamih nö ṙā-ang Yūtā; ngaich haköptö yik māṅ, nö ngö ṙô, Yē yīö öt tunyīnyi, asā chöngö Môsös; öt kô yī-ö hayöökaṙen.

INLAHEN 15:24

Pò ih hang tö yip rēvre aṅ in ih, tö hòṅ hakihten yīö tö nup ṙô cha, kumtöngngölōn yīö, nö hōten yīö tunyīnyi, ngaich haköp chöngö Môsös: yip tö rö-ö nö tölô tö ih;

1 TIMÒTĪ 1:9

Sā ngih nö akaha, tö ngam chöngö nö öt pòkūö tarik nö vīlöngö, tön pòkūö yip töt aṅhav-in tö chöngö, töt kô-en inrē, pòkūö yip tötlöök, tököölö fālen inrē, pòkūö yip töt het mahachōichhanga inrē, pòkūö yip kumpah yöngre tö kikōnyö, kikānö inrē, pòkūö yip famël tarik.

TAITÖS 1:6

Yĕn tarīku tötyô-òv fālen, tö hĕnglö tö pīhöre, kūönu tö ṙamātö ellōnre, yip töt fāluṙen nö i tinṙōlen, hēk töt fāluṙen tö tötṙanāpen.

1 YÔHAN 2:4

Anga-aṅ ngòh tö ngö ṙô, Akahakūö chin tö Ò, ngaich rö-ö nö haköp në chöngö Ò, töminyôiny an anga-aṅ, öt in ò ngam kanô-en inrē:

T. MËTIV 23:14

Tötkôlò yin yī-ö kamūich, Feresī inrē, mahanyatkö elmat; pò yīö kumheūṅtngö inlanen tafīösi kikānö; ngaich hanyatkö elmat yī-ö inrē, marôta ṙô ve-ekūötēv. Lökten yin min töpōyen ötkanôlò.