TAITÖS 1:1 - TÖHET LĪPÖRE (Re-edited) Bible (BSI)

¹ Töhakövö an Pôl tö ngam Tēv, ane inrē tanīnöṙô Yēsū Kristū, sā ngam ṙinātö ellōn yip katöllö ngam Tēv, ane inrē sā ngam inkaha ngam tökô-en, ngam tö sā lanöökö,

TAITÖS 1:1 Referans Kwoze

RŌMA 1:1

Töhakövö ön Pôl tö Yēsū Kristū, havëtu nö tanīnöṙô, hakösiṙen im tölöök inhangkö ngam Tēv;

1 TIMÒTĪ 6:3

Yĕn tarīku mahaköp töharīkngöre inköphöti, öt hōḵo tölöök ṙô inrē, nup ṙô ngam Mā hī Yēsū Kristū, ngam inköphöti ngam tö sā ngam lanöökö;

2 TIMÒTĪ 2:25

Holtö inyāichngö halöök tö talöökö yip mahaṙahngöre; hòn amahtuṙen ngam Tēv nö kētö invöötö ellōn cha, nö inkaha ngam tökô-en,

2 TIMÒTĪ 2:23

Sōḵngen nup kumlō-ov, nup ṙô töt akaha intönö inrē, akahalōn tö u nö löknyö linā-alkūö.

2 PĪTÖR 1:3

Yĕh meuk ngam töhet minhôiṅyö Ò nö kē-ĕkūö hī tö taṙòkhöre tö aṅ i nômö, lanöökö inrē, lökten im inkaha Ò, ngam mahavëten hī, lökten im kanahngen Ò kanôlò, lanöökö inrē;

1 TIMÒTĪ 3:16

Kiröng an ngam öt mikahkūö aṅ im lanöökö, öt kilka nö ṙô; Anga-aṅ ngam tö hameuktu nö im alaha, hameuktu nö ma-alaha nö tölöök, meūkö tö ma-ahānga, ahangka i vē tarik, in Ò nö ṙātö ellōnre vē aṅ ngih panam, kēḵlöngö im kanôlò.

2 PĪTÖR 3:11

Meuk öm pöichö tö në nö ngatī nö ṙòkhöre nö piyööyi, hòṅ sitih inlahen öi yī-ö tarik öi i nup töhet, nup lanöökö inrē,

1 TIMÒTĪ 2:4

Ngam hamôtö taṙòkhöre nö hayöökaṙen, yih inrē nö im inkaha kanô-en.

KÒLÒSĪ 2:2

Hòṅ cha nö haṙamkalōn, ngaich mūlhenhöö cha-a im hanāngenlōn, i nup kanôlò ngam nyanatlö ngam mikah, hòṅ cha nö akahakūö tö ngam öt mikahkūö sin aṅ im Tēv in Kristū,

FILIPĪ 1:1

Pôl Timòtī inrē, töhakövö in Kristū Yēsū, yip taṙòkhöre i Filipī, töhet in Kristū Yēsū, holtö yip Pisköp, Tīkön inrē:

2 KÒRIN 1:1

Pôl, tanīnöṙô Kristū löktö i lōn ngam Tēv, ngam hol hī inrē Timòtī. Löö im māṅ ngam Tēv ngam i Kòrin, ṙòkhöre, holtö yip töhet yip tökeuheūtngöre chūök nö i Akayā:

INLAHEN 13:48

Ngaich hē yik tahëng mihëṅṙö tarik nö hāngö e, ṙāmölōn cha-a ngaich; ngaich ha-öiny ngam Mā Tēv. Ngaich yik tö hōtu nö im nômö tö örheuheū-aṅ, nö ṙātö ellōnre.

1 KINṘÖTNGÖ 6:49

Aròn pöri tö yik kikōnyö kūön ò inrē kētö tökētu nö el tahāklö töföngö tökētu el tahāklö tötahūsa inrē i nup la-en ngam tölngö töhet chūökö, vī inlām tökööl Israĕl inrē, sā nup hachöngten Môsös ök tarik ngam Tev.

EFISÖS 2:8

Pò yīö kūö inlōnti ngaich hayöökaṙen lökten mikah; rö-ö nö aṅ in yīö angū-ö: aṅ im Tēv an inlōnti:

1 YÔHAN 2:23

Öp mamahngö ngam Kūön, anga-aṅ töt aṅhaṅv-in töm Yöng: anga-aṅ ngòh mahalööknyôre töm Kūön īnu töm Yöng inrē.

T. LŪKÖS 18:7

Röh ang min ngam Tēv nö kahòklökui vē katöllöre, vē vame-eṅkūö Ò nö peuheū harap ṙô. Pò ò nö tömarô-òtö manöiyö nö in cha.

2 TIMÒTĪ 2:10

Lökten chin keūnö u nö kanihngen kūö yip tökatöllöngö, hòṅ cha nö teūngen tö ngam in yööken aṅ in Kristū Yēsūs nö hol tö ngam töt chanūhuv kanôlò.

YĀKÖP 1:1

Salām yip tö nët sīön miyöngö, yip tö parāti an Yāköp, kūönkūö ngam Tēv, ngam Mā Yēsū Kristū inrē.

INMEUKHÖMAT 1:1

Ngam inmeukhömat aṅ in Yēsū Kristū, ngam kahëtö ngam Tēv nö in Ò, tö hameuktu nö i yip tanölöṙô Ò, anū-ö nup töt ṙôktörevö nö yih min: tīnhanga Anga-aṅ nö hameukhöti nö ip tanölöṙô Ò Yôhan, nö lökten i Ma-ahānga;