Sòlòmön 8:2 - TÖHET LĪPÖRE (Re-edited) Bible (BSI)

² Ngaich chū-ö öre hachōten meh kēten meh inrē el patī öp yöng chu kikānö, el urôhò ò inrē öp kamyôḵnyen chu. Kē-ĕkūö meh öre chū-ö tö vāin òk meh tö tumhuslöng, öp mak ṙòng anār chu.

Sòlòmön 8:2 Referans Kwoze

Sòlòmön 3:4

Öl chū-ö chööḵngen cha, hē chu kôtökūö tö ò öp hanāngenlōn chu. Haköpan chū-ö ngaich, öt halöngngen ò nö kiröönngöre hanöng saha chu kēten ò i patī öp yöng chu kikānö, el urôhò ò inrē öp kamyôḵnyen chu.

Sòlòmön 7:12

Tā-a tai ka-euilökūö chuh el panô-òṅ vāin, ai ngëichkö nup vāin yēn meunylö, yĕn pöpnyörekūö nup ṙòng yĕn pöpnyörekūö inrē ṙòng anār, In e chū-ö min kētö hanāngen re in meh.

Sòlòmön 4:10

Yöng pinchākö ngam hanāngen meh, kanānö chu, pīhö chu. Mötlö ngam hanāngen meh tö vāin, tinhūsö tavī-i meh inrē tö tötahūsa!

KALATĪ 4:26

Ngam lamātulöng pöri Yerūsalem nö töthakövö, ngam kikānö yöng hī.

2 TIMÒTĪ 3:15

Ngaich man akahalōn tö ṙô nup töhet tökūichiyö hētentö nyinī-öṅ meh, nup tökô nö akaha tī tö meh nö im inyööken lökten im ṙinātö ellōnre in Kristū Yēsū.

T. YÔHAN 5:39

Chöh nup töhet līpöre yī-ö, pò yīö in u tö lōnre öi nômu tö tö-örheūheu-aṅ; anū-önun inrē ameūken Chu.

Sòlòmön 7:9

Sā öp tölngö vāin inrē ngam hināmökūö tö meh öp tölööṙen inôkö, nö meuthöt lökhöt i minuh tö kanap inrē.

INCHŌḴ-OṘÔ 9:2

Ṙatnyö likeun chehenre an tö töṙeūla, katĕh ngam vāin re nö ngaich, lēnö tī an nö ngaich tö ngam mīs.

INMEUKHÖMAT 19:10

Ngaich afukngöre chū-ö i röön ò öich salāman. Ngaich ngö ṙô anga-aṅ tö chu, Yĕh meuk, uh man ngatī tī tö e: hol meh chin chū-ö tanölöṙô, hol yip hol meh inrē ṙamapkö ngam inmeuktö Yēsū; salām ngam Tēv: pò ngam inmeuktö Yēsū nö angū-ö mā-alaha ngam inhānga.

2 PĪTÖR 1:19

Ngaich aṅhaṅv-in tö ngam ṙô aṅ im minkahten, nö haköpi, ngaich yin yī-ö huveū-en öi haṙēmngenre, sā öp töhūkūö ëāṅvö nö el sinngūlö, hanöng saha minlīlö öp sakāmö, ngam misaha inrē nö meutlö nö ellōn yīö:

Sòlòmön 8:1

Ō sā mak alaha chu man öre in chu, öm töharuklöngö tö aṅteh öp yöng chu kikānö! Yē chu meuk kūö meh lā el kahôyö, ngaich hāmkūö meh öre chū-ö, ngaich öthō nö hĕng tak öre mumṙēngen chu.