Sòlòmön 8:1 - TÖHET LĪPÖRE (Re-edited) Bible (BSI)

¹ Ō sā mak alaha chu man öre in chu, öm töharuklöngö tö aṅteh öp yöng chu kikānö! Yē chu meuk kūö meh lā el kahôyö, ngaich hāmkūö meh öre chū-ö, ngaich öthō nö hĕng tak öre mumṙēngen chu.

Sòlòmön 8:1 Referans Kwoze

KALATĪ 4:26

Ngam lamātulöng pöri Yerūsalem nö töthakövö, ngam kikānö yöng hī.

SAKARIĀ 9:9

Ō kikānö Sīyôn, kiröngen inṙamlōn man; hū-a man, Ō kikānö kūön Yērusalem: yĕh meuk, yih an ngam rācha meh nö in meh tölöök an, aṅhaṅv-in inrē tö inyööken; yāich an i uk kötta an, i uk kūön kötta inrē.

T. LŪKÖS 2:38

Yih anga-aṅ tök hēre nö ha-öiny ngam Tēv; ngaich ve-eny inlahen Ò anga-aṅ nö i yik tömaṙôngö, hamöngkūö ṙinānyö Yerūsalem.

MALAKI 3:1

Yĕh meuk, tīntö ma-ahānga chin, ngaich anga-aṅ min nö urĕh tö chu nö halēnkö talöökö; ngaich ngam Mā, ngam chahöh yīö, nöng lūk min nö yih nö el ngam töhet chūök ò; ngam ma-ahangkö ngam kinlēḵngô inrē, ngam chūök kumchiklōn inrē, ngam chūök kumchiklōn yīö, yĕh meuk, yih ana, ṙô ngam Mā Tēv yip tömaṙôngö.

HAKAI 2:7

Ngaich chū-ö min kiyin yip pumnāmö tarik nö ṙòkhöre, ngaich mīnö nup lōn vē pumnāmö tarik nö ṙòkhöre nö yih, ngaich chū-ö min hatööḵlö ngih patī tö kanôlò, ṙô ngam Mā Tēv yip tömaṙôngö.

Isayā 60:14

Ngaich yih min nö in meh yip kikōnyö kūön yip mahakihten meh nö tumṙeūtöre nö sōnngöre nö in meh; ṙòkhöre min inrē yip tömināch tö meh nö sōnngöre nö i röön meh; Elpanam ngam Mā Tēv ngö ṙô yip min nö havëken meh, ngam Sīyôn aṅ im Töhĕng Töhet in Israĕl.

Isayā 9:6

Pòn in hī öp hĕng tak nyīö nö fötnyu, in hī öp kikōnyö nyīö hĕng tak nö kētu; ngaich elranôṙö ò min öp inyöngö: kaheūkö inrē min öp mine-eny ò nö Pinngangkūö, Mahalēn, Tēv Tökeuheūttöre Chöngö, Yöng Tö-örheūheu-aṅ, Rācha kūö Lanāmö.

Isayā 7:14

Lökten an ngam Mā min nö kē-ĕkūö yīö tö minkahngö. Yĕh meuk hĕng tak öp min töt chô-òv rēlö pumrūkö nyīö, ngaich kayôḵnyö kikōnyö nyīö, ngaich kaheuk minë-eny ò min nö Immanuĕl.

1 TIMÒTĪ 3:16

Kiröng an ngam öt mikahkūö aṅ im lanöökö, öt kilka nö ṙô; Anga-aṅ ngam tö hameuktu nö im alaha, hameuktu nö ma-alaha nö tölöök, meūkö tö ma-ahānga, ahangka i vē tarik, in Ò nö ṙātö ellōnre vē aṅ ngih panam, kēḵlöngö im kanôlò.

FILIPĪ 3:3

Pò ih ihö tötunyīnyi, vamë-ekūötēv lökten im Töhet Fanöinylö ngam Tēv, kanôlò inrē in Kristū Yēsū, öt inyönglenvö im alaha:

KALATĪ 6:14

Uh chin yēḵ chū-ö eū-eure, höng im töhakālö ngam Mā hī, Yēsū Kristū; ngam lökngen ngih panam nö kapah nö in chu, kapah chu-ö inrē ing panam.

1 KÒRIN 1:28

Nup yāich ing panam, nup tö sōḵov inrē, katöllö ngam Tēv, nup törö-öv inrē, pòn hòṅ harööḵngen nup töngöh Anga-aṅ:

T. YÔHAN 16:28

Ṙā-ang im Yöng Chin, ngaich yih ing panam. Hēk Chin ṙāngö ngih panam, ngaich chuh im Yöng.

T. YÔHAN 13:3

Akahalōn Yēsū tö ngam Yöng nö kētö taṙòkhöre nö eltī Ò, tö Ò inrē nö yamih, nö ṙā-ang im Tēv; ngaich chuh im Tēv.

T. YÔHAN 8:42

Ngaich Yēsū nö ngö ṙô tö cha, Yē ngam Tēv öre nö Yöng yīö, ngaich öre yī-ö hāngenlōn tö Chu; pò Chu yih ngaich, ṙā-ang im Tēv. Öt rēhĕn Chin kahngenre yih; tön tīnten Chu Anga-aṅ.

T. YÔHAN 3:13

Öt hĕng tak tarik nö töngaich nö yônlö nö el halīöngö, höng Anga-aṅ yamônti nö ṙā-ang el halīöngö, ngam Kūön Tarik, ngam me-el halīöngö.

T. YÔHAN 1:14

Ngaich ngam Ṙô nö vīngöre nö tarik; ngaich iyöng in hī, tööḵlö tö hanāngenlōn kanô-en inrē. Ngaich meuk kanôlò Ò ayī-ö, sā kanôlò ngam töng hĕng maneuk kūön ngam Tēv.

T. LŪKÖS 18:9

Ngih ön inrē ṙô Ò inchōḵoṙô nö i yip tölöök tölōnre, ngaich nöng töng rö-öv yip tahëng.

T. LŪKÖS 12:8

Ngö ṙô Chin inrē tö yīö, i tumtaka vē vamënyen Chu nö i kūö tarik, cha-a min tövënyu tö ngòh Kūön Tarik, nö i kūö yip ma-ahānga kūön ngam Tēv.

T. LŪKÖS 10:16

Ngòh hamang ṙô yīö, ngaich hang ṙô Chu. Ngòh samôḵen yīö, ngaich samôḵen Chu. Ngòh samôḵen Chu, ngaich samôḵòṅ ngam tamīnngen Chu.

T. LŪKÖS 9:26

Pò ngòh tösirōngkūö min tö Chu, tö në ṙô Chu inrē; anga-aṅ min tösumrōngikūö tö ngòh Kūön Tarik, yē Ò nö yihtöre nö ip kanôlòre, kanôlò ngam Yöng inrē, yip töhet ma-ahānga inrē.

Sòlòmön 1:2

Ō hāmkūö chu man öre öm hāmkūö chu tö minuh re! Pòn mötlö ngam hanāngenlōn meh tö vain,

Salmai 51:17

Ngam töpaṙööyi ellōn tökētu nö lōn ngam Tēv: ngam tölakūkö kūö mirivlōn tö tökööl, angū-ö an töt sōḵov tö meh, Ō Tēv.

Salmai 2:12

Hāmkūö ngam kikōnyö nyīö hòn öt līn, ngaich öt pala-aiṙen min yī-ö el talöökö: pòn hūlökūö min öp lanīnö ò nö ka-eūyen. Tökôlò yip cha-a mahayönglenre nö in ò.

Sòlòmön 7:13

Taveūka nup chōn hanāngen, i kūö inkūp hī inrē nup ṙòng tö atöllöngö, tufömngöre hötṙeh inrē, nup hinöngken meh tö chu, Ō hanāngen chu.

Sòlòmön 8:2

Ngaich chū-ö öre hachōten meh kēten meh inrē el patī öp yöng chu kikānö, el urôhò ò inrē öp kamyôḵnyen chu. Kē-ĕkūö meh öre chū-ö tö vāin òk meh tö tumhuslöng, öp mak ṙòng anār chu.