Sòlòmön 7:4 - TÖHET LĪPÖRE (Re-edited) Bible (BSI)

⁴ Likeun meh sā kanël elifan töchônghaka. Minë mat meh sā törūngö mak i Hespòn, i inkūp Patrappim. Ngam elmeh meh sā chūök chamông i Lepanön, môktökui Tamāskös.

Sòlòmön 7:4 Referans Kwoze

Sòlòmön 4:4

Sā chūök chamônga in Tāvit ngam likeun meh, vīlöng nö chūök vinī-iṅ aṅtī kumyung, in e, nö seūhaka köinyu lanaklö, ṙòkhöre anū-ö nö lanaklö kumyung.

Salmai 144:12

Hē yip kikōnyö kūön hī min nö sā sanīöpö chōn ip inyālö cha: yip kūön hī kikānö inrē nö sā ihong sinkeukngö tö hūlö, sā inlahen patī rācha.

HEPRĀI 5:14

Nya-aṅkūö töpōyö pöri tarik, ngih töngëḵ nya-aṅkūö, cha-a yip kūöre nö mu-ulòhtenre nö harūnöre nö i inkaha, ngaich akah tölöök, inrē.

Isayā 54:4

Um pa-ekūö tön öthō man min siṙōngkūö um kalūöchöre elkui, tön öthō man min sumrōngikūö; pò meh min vaichngö ök sumrōngkūöre öm ayal, ök minṙēngö meh inrē öm tafīösī hö-ö me-eṅ min köpölōn tö e.

Sòlòmön 6:5

Chingāngö matre man tö chu, tön kilangken chu nun sā töhĕng kiteūm pököre minë keūyö meh, tö chahīöma i nup paneūti Kilīöt.

Sòlòmön 4:1

Yĕh meuk, hanāngen chu vai man, yĕh meuk, vai man! Pumpa nun minë mat meh nö ël kinṙul kūö meh. Sā töhĕng kiteūm pököre minë keūyö meh kahōya nö i paneūti i Kilīöt.

Sòlòmön 1:10

Vāyö arëkūö man nö yanöṅtu, öm tahūötuvö tö yanöṅtö.

Salmai 45:8

El tinôngö mūr nup hilā meh, alō, kasīa inrē: löknyö el nup patī rācha tö el tö kanël alöfānta nup töṙōlö inröt ranöng nö haṙamlōn meh.

2 KINṘÖTNGÖ 8:6

Pa-alat inrē ṙòkhöre nuk chūök chehen elpanam vahīlö Sòlòmön ṙòkhöre inrē nuk elpanam inröl ò, nuk elpanam inrē chūök yip tarik aṅ uk kōra ò, nuk töng lōn Sòlòmön inrē vahīlö ò i Yērusalem, i Lepanön, i nup panam inrē im pūlngö ò nö ṙòkhöre.

1 RĀCHA 22:39

Röh nuk nö kūichi nö i mat Līpöre Kinṙötngö yik Rācha aṅ Israĕl, nuk inlahen Ahap, tö nuk vahīṙen ò inrē, tök patī kanël alōfanta mahānlö ò, tö nuk elpanam inrē vahī-il ò?

1 RĀCHA 10:22

Pò ök rācha nö chōngu nö el mai nö i Tārsis nö hol nuk chōng Hairam: hĕng heuh i tölūöi samyeūheu nö yih nuk chōng aṅ Tārsis, kumtö humlum, rupīö, kanël Alafānta, ôinychi tökiraha kūö, fumṙëch inrē.

1 RĀCHA 10:18

Vī tö kiröng kantēra inrē ök rācha tökanël alafānta, ngaich haṙungtö alaha e tö töhöi humlum.

1 RĀCHA 9:19

Ṙòkhöre inrē nuk elpanam chūök inchūökngö chehen mī-in Sòlòmön, tö nuk elpanam chūök inröl, tö nuk elpanam chūök tarik ò aṅ uk kōra, nuk lōn Sòlòmön inrē mahānlö ò chūök ò nö kumchikngenre nö i Yērusalem, i Lepanön, i nup panam inrē im pūlngö ò.

1 RĀCHA 7:2

Vīlö ök patī anga-aṅ nö chōntö aṅ Lëpanön; hēngòg sumkôngö rôta, taneui anāi sumkôngö ṙôkti, lūöi anāi sumkôngö rô-òlkui i kui nuk töfën mitöökö sītör machööḵlö, i kui nuk machööḵlö nuk mikēunö sītör.

2 SAMUĔL 8:6

Ṙātö kumyung ngaich Tāvit nö i Sīriā i Tamāskös: ngaich yik aṅ Siriā nö tarik Tāvit, ngaich kētö raneushö. Ik töng kū-ö ò nö kiröönngöre, kētö minhôiṅyö Tāvit ngam Mā Tēv.

Ranehlö 15:2

Ngaich ngöṙô Aprām, Ō Mā Yāvē, suh ap min tī Meh in chu, töchu yih öt kūönu, ngaich angā-aṅ min tö-amīnuvö töng patī chu ang Tamesek Ēlīsör?

Sòlòmön 4:5

Minë teh meh sā tö nët nòng kūön, tö nët nòng kūön kāsöl, nup nyamā nö i nup lilī.