Sòlòmön 2:3 - TÖHET LĪPÖRE (Re-edited) Bible (BSI)

³ Sā ēpöl chōn i nup chōn el inchōn ngatī ngam hanāngen chu i ṙāl tarik. Uichngöre chin elnyat, pachāka nup ṙòng ò inrē tökūö chu.

Sòlòmön 2:3 Referans Kwoze

Sòlòmön 8:5

Achīö ap anga-aṅ yamih nö ṙā-ang el tönyaṅlnyi, harônhaka nö im hanāngenlōn? Kilanglen meh chin elkatòh ap chōn ēpöl. In e öp yöng meh kikānö nö halöiny kinyôḵnyen meh nö halöinyöre.

Isayā 32:2

Ngaich min öp tarik nö sā chūök innyatlö tö kuföt, innyatlö inrē tö chanôchö panam; sā nup tahël mak i tönyôṙökūö chūökö, sā nyat öp tökiröng ihong ip tö cheingö panam.

Isayā 25:4

Pò meh ngaich töngëḵ öm chūök töhāṅten hē el kanihngen ò, innyatlö hē el chanôchö panam, nyatkui hē el ṙanāchö, hē öp töpahë-evö nö sā chanôich panam nö fohtöre nö i kaha patī.

HEPRĀI 12:2

Hatīönken Yēsū, ngam yöngṙen, mahateungngö ngam ṙinātö ellōn nö in hī, ngam kūö ngam ṙanāmölōn tö ṙātu nö i kūö Ò, keun ök töhakālö hayëḵngen ngam sinrōngkūö, ngaich ūichngöre nö lahāmö ngam kantēra ngam Tēv.

ISIKĪ-ĔL 47:12

Ngaich i kui ngam tahël, ānngöre lā-a sīöp min nup chōn nyā-aṅkūö nö keuheūttöre mihëṅṙö. Ötnyangngö min nup ṙōi u öt ṙēhĕn nö teukköre ṙòng u, kaheuk chingëṅt pöri min anū-ö nö ṙôngu, pò ngam mak u nö hëmnyi nö löktö ël ngam töhet chūök. Nyā-aṅkūö nup min ṙòng u, lanë-en inrē nup rōi u.

Isayā 4:6

Hĕng min öp inrūkui umuh innyat kui hē el öp tö ṙāich sakāmö, innyatlö ane inrē rananglö hē el chanôchö kumṙah inrē.

Isayā 4:2

Ip sakāmö angū-ö ngam pak aṅ im Mā Tēv nö vai löök takô inrē, nup ṙòng ngam tumlat inrē min nö kiröngö lanöökö vai inrē nö in cha yip töt kô-òngvah in Israĕl.

Sòlòmön 5:16

Tölngö pinchākö ap ṙô ò; keuheūtlöre inrē anga-aṅ nö lōn. Anga-aṅ ön ngòh hanāngen chu ngòh inrē hol chu, Ō kikānö kūön Yērusalem.

Sòlòmön 4:16

Aṅhen, Ō kuföt lā kapā, yih inrē, Ō kuföt lòhngö! Fööngö kui ngam panô-òṅ chu, hökngen öp tinhūsö e nö parāti nö heūingö. Hökngen öp hanāngen chu nö el panô-òṅre nö yih, nyā nup tö-atöllöng ṙòng chōn inrē.

Sòlòmön 2:5

Ha-aṅlen chu tö tönyô angkūr, hakaplö nômö chu tö ēpöl: tön vahtö hanāngenlōn chin.

Salmai 91:1

Ngòh mi-iyöng el ngam tönyatngö chūök ngam Lamātulöng: köp min nö el katòh nyat ngam Tökeuheūttöre Chöngö.

Salmai 89:6

Achīö ap el minë taṙul tökô nö ṙongta nö im Mā Tēv, tö sā ngam Mā Tēv?

Salmai 57:1

Aheūkölōn yēk tö chu, Ō Tēv, aheukölōn yēḵ tö chu; tön in Meh ön ngih nômö chu nö hanyatlöre: hôṅ, el katòh nyat minë sanëòk Meh chin hanyatlöre, hanöng saha në kanihngen nö chööḵngö kui chu.

Salmai 45:2

Vai man më-eṅ tö vē kūön tarik: vōktu ap inkôlò nö i minë minuh meh; lökten an ngam Tēv nö örheūheu nö hakôlò meh.

KAMHÔKA 9:15

Ngaich ngö ṙô ök töchökhu kaha tö nuk chōn, Yē yīö kô-en hacham elkui chu rācha yīö, ngaich tā-a hayönglenre el nyat chu: ngaich yē yīö hö-ö, hökngen öp tameūyö löknyö im töchökhu kaha, nö haṙāpngö nup sitör i Lepanön.

Sòlòmön 1:16

Yĕh meuk, hanāngen chu, vai man, kô-en lanöökö. Uhāvö elmat ap anūichö hā;

Sòlòmön 4:13

Panô-òṅ anār nup tö meunylö in meh holtö tö atölka ṙòng chōn, hennā holtö nāt,

Sòlòmön 7:13

Taveūka nup chōn hanāngen, i kūö inkūp hī inrē nup ṙòng tö atöllöngö, tufömngöre hötṙeh inrē, nup hinöngken meh tö chu, Ō hanāngen chu.

Sòlòmön 8:11

I pē-alhamòn; ap panô-òṅ vāin Sòlòmön; hökiṙen ngaich öp panô-òṅ vāin nö i yip mahayōm; kö kētö ṙāi ṙòng u cha-a tö rupīö hĕng köiny tum tāk.

Sòlòmön 8:12

Panô-òṅ vāin chu, kanahngen chu, lumnööṙö chu; Ō Sòlòmön, in meh nup yēḵ töhĕng köṅny, nëtòng inrē in yip yōm ṙòng.

YŌ-ĔL 1:12

Nyangngö an ngam vāin, lanyëyi inrē ngam anychīr chōn; ngam anār chōn, ngam kachūr inrē, tö ngam ēpöl chōn, ṙòkhöre nup chōn el kahôyö nö nyangngö: pò ngam ṙanāmölōn nö nyangngö nö in yip kūön tarik.

Salmai 45:3

Ō më-eṅ tökalēḵ, nyëktö ngam sanëtre man i takeunre: ngam ineū-euṅ meh, minā-aṅ meh inrē.