Sòlòmön 1:5 - TÖHET LĪPÖRE (Re-edited) Bible (BSI)

⁵ Saha elmat takô chin chū-ö, vai pöri, Ō kikānö kūön Yērusalem; sā nup rūkui Kētār, sā nup ranangkūö Sòlòmön.

Sòlòmön 1:5 Referans Kwoze

2 KÒRIN 5:21

Ngam töt akahakūö tö tökööl, ngaich pòkūö hī Anga-aṅ nö vītu nö kööl; hòṅ hī vītu lanöökö ngam Tēv in Ò.

T. LŪKÖS 15:22

Ngö ṙô pöri ngam yöng ò tö yik kamūönkūöre, Ka-eūyen yin; kētö ap tölöök inyut, hayutlö e in ò; kalonghöt kuntī ò inrē tö kinlong; kunröplö kunröön ò inrē tö kunröpö.

Sòlòmön 5:16

Tölngö pinchākö ap ṙô ò; keuheūtlöre inrē anga-aṅ nö lōn. Anga-aṅ ön ngòh hanāngen chu ngòh inrē hol chu, Ō kikānö kūön Yērusalem.

Sòlòmön 5:8

Chūökuṙô chin in yīö, Ō yī-ö kikānö kūön aṅ Yērusalem, yē yīö kôtökūö töp hanāngen chu, vë-eny nang ò yī-ö tö chu vahtö hanāngenlōn.

Sòlòmön 2:14

Ō pumpa chu, el linrākö ihong, el kinluhu kaha panam, hökngen chu ngëichkö kūö meh, hökngen chu hang ṙô meh tön kuchik ap ṙô meh, vai inrē ap kūö meh.

Sòlòmön 2:7

Chūöku ṙô chin in yīö. Ō kikānö kūön Yērusalem, i nup kāsöl hēk el kahôyö hain, hòṅ meh öt halöinyköre öt rēhĕn āṅhënnö tī töp hanāngen hanöng saha kanahanglōn e.

Salmai 120:5

Töt kôlò chin chū-ö yamih tökūö i Mēsek: öich mi-iyöng el inrūkui Kētar!

RŌMA 13:14

Kēḵ ngam Mā pöri yī-ö Yēsū Kristū; ui saṙākiṙen lōn töm alaha, öi hateungngö nup lōn e.

T. LŪKÖS 13:34

Ō Yerūsalem, Yerūsalem, famëlngö yik pròfĕt, kumlehe cha yip tötīnyö nö in ò! Ām heuh Öich min hamūl më kūön meh, Öich höng sā yönghayöm nö hamūl kūönre nö elkëlre, ngaich yī-ö sōḵ.

T. MËTIV 22:11

Hē ngam rācha pöri nö kuhēthötre nö ngëichkö yip yamih, hĕng tak maheuṅk anga-aṅ tö tarik, ök töthilā tö hīlā yamih nö im inpīhö.

T. MËTIV 10:25

Ngaīchö tölngö ön ngòh mahaköp, yĕn höng sā ngam mahaköptöre; ngatī inrē ngòh mahalanṙen, yĕn höng sā ngam yöngṙenre. Yē cha nö Pĕ-elsipūl ngö ṙô tö ngam töpatī-ivö; iṙôkhöl ṙô yip öre tö yip aṅ ngam patī.

ISIKĪ-ĔL 16:14

Ngaich ök ineū-eu meh nö kiröönngöre nö sölngö nö in yip pumnāmö tarik tökūö vanāyö meh, pò e nö teung lökten im lanöökö kahëtö chu in meh ṙô ngam Mā Tēv.

Isayā 61:10

Pōyen ṙanāmölōn im Mā Tēv ṙamö ellōn chin min im Tēv chu; pò ò nö kafānö chu tö hilā inyööken, kahūmö chu an tö tökiröng inyut lanöökö sā ngam kikōnyö töhapīhö nö eūmlöre ngam kikānö inrē töhapīhö nö hanyöṅtlöre tö töpōiṙāi yanöṅtö.

Isayā 60:7

Hamūlöre min nup töṙeūla töhĕng mihëṅṙö aṅ Kētar nö in meh, nup kūön sīṅp inrē aṅ Nēpayòt nö meukṙen meh min: yih min anū-ö nö el ngam tahāklö meh nö töhō-ovö, ngaich chū-ö min hapōilö ngam tövai patī re.

Sòlòmön 6:4

Vai man sā Tirsā, hanāngen chu, löök sā Yērusalem, pinhë-eṅkūö sā kumyung tö pantēravö.

Sòlòmön 4:3

Minë minuh meh sā laturë ta-īö, vāyö elvāng me-eṅ inrē. Minë arëkūö meh sā tö hĕng tāk anār kinṙul kūö meh.

1 YÔHAN 3:1

Yĕh meuk ṙôkö hanāngenlōn ngam Yöng tö hī i invëkö hī öi kūön ngam Tēv; ngaich kô ayī-ö. Angū-ö an lökngen ngih panam nö öt akahakūö tö hī; pò e nö öt akahakūö tö Ò.

EFISÖS 5:26

Pòn hòṅ ahetlö e, ngaich nö ahëtö e nö husöich tö ngam mak holtö ngam ṙô,

KALATĪ 4:26

Ngam lamātulöng pöri Yerūsalem nö töthakövö, ngam kikānö yöng hī.

Isayā 53:2

Pò ò nö sīöplö nö i kūö ò nö sā tö-ayal chōn, sā ṙĕh inrē nö sīöplö nö löklö el tönyô tumlat; öt sāta ana hēk ötvāyö mineūkö inrē, töp lökten hī hòṅ ngëichken ò, ane inrē öt löökö sanöökö töp lökten hī hāngenlōn tö ò.

Sòlòmön 8:4

Chūöku ṙô chin in yīö, Ō yī-ö kikānö aṅ Yērusalem hòṅ yīö öt haröthöl öt rēhĕn kilangkö hanāngenlōn i rò-òtö lōn e.

Sòlòmön 3:10

Vī rupīö anga-aṅ machööḵlö, uktö humlum, lingūṅ elmat öp anūchö; vāyö vinī-iṅ angū-ö nö lā-ël tö yip kikānö kūön Yērusalem.

Sòlòmön 3:5

Chūökuṙô chin in yīö, Ō yī-ö kikānö aṅ Yērusalem, i kāsĕl hēk hain nup el kahôyö, hòṅ meh öt halöinyköre öt rēhĕn ahëṅnö tī töp hanāngen hanöng saha kanahanglōn e.

Salmai 149:4

Tön kuchīkölōn An ngam Mā Tēv nö i vē tarik re: havailö yip mahayāichngöre An min aṅtī tö minhôiṅyö.

Salmai 90:17

Hökngen ngam lanöökö ngam Mā Tēv ih nö i kui ih: haköpngö ngam la-en ih man nö i kui ih; hôṅ, ap la-en në kuntī ih, haköpngö e me-eṅ.

Salmai 45:9

In yip tö-ineū-euv kikānö yip kūön rācha: lahāmö meh ap ranī nö sökhak nö yanöṅ-tö tö humlum aṅ Ôfīr.

Isayā 21:16

Pòn ngö ṙô ngam Mā nö in chu, I ël töhĕng samyeūheu, sā samyeūheu töhaṙāyö la-en, ngaich nup kanôlò Kītar min nö öt kô-òl kui:

ISIKĪ-ĔL 27:21

Arēpia yip rācha inrē aṅ Kētar ööi meh nö mī-inyihkö kōiny sīṅp, kan sīṅp, pököre, inrē; anū-ö në inyihkö cha nö in meh.