Sòlòmön 1:4 - TÖHET LĪPÖRE (Re-edited) Bible (BSI)

⁴ Sarōkö chu unôichrit meh, tai ka-eūyen. Kēhöt chu ap rācha el nup urôhò ò. Kiröngö ṙanāmölōn in min in meh; hapōilö hanāngenlōn meh in min mötlö tö vāin; huveū-en yip nö hāngenlōn tö meh.

Sòlòmön 1:4 Referans Kwoze

T. YÔHAN 6:44

Öt hĕng tak tarik tö kô nö yihtöre nö in Chu, yē ngam Yöng ngam tamīnten Chu, nö öt tūökten ò, ngaich hachohlen ò Chū-ö min ip manā-aṅ sakāmö.

HŌSĪ 11:4

Tūökö cha chū-ö nö tanūöktö tarik, nö nyanëktö hanāngelōn; ngaich chū-ö in cha sā cha yip kamëngö ngam kaneun nuā nö lökngö i samā u, ṙātö nyā-aṅkūö u chū-ö inrē i kūö cha.

T. YÔHAN 12:32

Ngaich Chū-ö yē Chu hatamlöngö, ṙā-ang el tumlat, Öich tūöktö taṙòkhöre tarik nö in re.

YERIMIĀ 31:3

Meūkö ngam Mā Tēv tö ò nö marôvat, hāngenlōn chin tö meh tö ngam töt chanūhuvṙen hanāngenlōn, lökten öich iṙuhen tö ngam kanô-en chu in Meh.

HEPRĀI 12:1

Lökten in ayī-ö inrē, ta-a, ṙā-ngö nup sanānngenre, ngam tökööl inrē tö lööṙen nö havīlen hī, öi meūköre havīlöngö tö tökiröngen taṙul, yip ameū-a, ngaich ta-a inrē, töi fal asōl, ngam insōlö töṙātu nö i kūö hī.

T. LŪKÖS 22:19

Kētam Anga-aṅ tö ròtī, keuheūthë ṙô Anga-aṅ nö ha-öiny ngam Tēv, fòkhang tö e, ngaich kē-ĕkūö cha, nö ngö ṙô Alaha Chu ön ngih, nö tö kētuvö nö in yīö. Ngati tī pöichö, haköpkölōnre tö Chu.

T. LŪKÖS 2:10

Uh yin pa-ekūö, ngö ṙô ngam ma-ahānga tö cha; Yĕh meuk, tö chu öich kumtö tölöök inhānga ṙanāmölōn taṙòkhöre tarik.

T. MËTIV 25:10

Ṙòngmö kiröönngöre cha-a nö havah, yih ngaich ngam töhapihö; ngaich yip tölēnen nö kuhēthötre nö hol ò, im nāhaṅl inpihö.

SAKARIĀ 9:9

Ō kikānö Sīyôn, kiröngen inṙamlōn man; hū-a man, Ō kikānö kūön Yērusalem: yĕh meuk, yih an ngam rācha meh nö in meh tölöök an, aṅhaṅv-in inrē tö inyööken; yāich an i uk kötta an, i uk kūön kötta inrē.

Isayā 63:7

Hòṅ kakkö hanāngen neūkölōn ngam Mā Tēv chin, ineū-euṅ ngam Mā Tēv inrē sā ṙôken tī ngam Mā Tēv nö kē-ĕti nö in hī, ngam tökiröng lanöökö inrē i patī Israĕl ngam kahëtö ò nö in cha sā ṙôkö miṙēlōn ò, sā ṙôkö öp tököp hanāngenlōn ò.

Isayā 61:3

Kē-ĕkūö yip töhaṙivlōn inrē i Sīyôn tö neūmö ṙënngen tisum, tavī-i ṙanāmölōn inrē nö ṙënngen miṙivlōn, nöinyö inrē kinṙum nö ṙënngen tötkalē-en ellōn; hòṅ cha nö kaheūkö nö ōk chōn lanöökö, nö taheūichtö ngam Mā Tēv, hòṅ ò nö hapōilöngö.

Isayā 45:25

Im Mā Tēv yip kūön Israĕl min nö ṙòkhöre nö mihôiṅ ineū-euvö inrē.

Isayā 25:8

Ngaich an nö keuheūt nö ngeūṅktö ngam kinpaha nö urāngen; ngam Mā Tēv inrē min nö chūtngö mak mat nö ṙā-ang i kūö taṙòkhöre ngam minṙēngö yip tarik ò min inrē nö kē-ĕyö tö ò ṙā-ang i kūö në tumlat; pò e nö ṙô ngam Mā Tēv.

Sòlòmön 3:4

Öl chū-ö chööḵngen cha, hē chu kôtökūö tö ò öp hanāngenlōn chu. Haköpan chū-ö ngaich, öt halöngngen ò nö kiröönngöre hanöng saha chu kēten ò i patī öp yöng chu kikānö, el urôhò ò inrē öp kamyôḵnyen chu.

Salmai 149:2

Ṙāmölōn An yēḵ Israĕl nö in Ò ngam Vamī an: hökngen yip kūön Siyôn yēḵ nö ṙāmölōn, im Rācha re.

EFISÖS 2:6

Ngaich hachohlen hī hol Ò, ngaich ha-ūichlen hī hol Ò el halīöngö, in Kristū Yēsū:

SEFAINIĀ 3:14

Tikökṙôre, Ō Me-eṅ kikānö kūön Sīyôn; hū-a, Ō Israel; ṙāmölōn man yēḵ keuheūtnyö ellōn re inrē ṙāmölōn, Ō Me-eṅ kikānö kūön Yērusalem.

Salmai 119:60

Kurāten chin, öt ahāṅken re: öich haköpkö në chöngö Meh.

Salmai 119:32

Lök el talöökö minë chöngö Meh chin min fal: yē Meh min ṙūönyö ṙôktö ellōn chu.

Salmai 111:4

Vīten nup pinngangkūö An la-en nö töt vāchi: pò ngam Mā Tēv nö tö aheuk, tööḵlö inrē tö miṙēlōn.

Salmai 63:5

Tööḵngen ön min ngihnômö chu tö el tangëḵ tösangöö, sinngööṙö inrē: ngaich ngih elvāng chu min nö ha-öinyö Meh hol tö minuh ṙanāmölōn.

Salmai 48:9

Ō Tēv, fēken nuk hanāngen neūkölōn meh in: el ngam töhet chūök meh.

Salmai 42:4

Anū-ö afēkö chu, ngaich keu-heūtnyö ellōnre chū-ö, tö lökten chu holröön yip töma-ṙôngö, ngaich hachōhöt cha el patī ngam Tēv: holtö ṙanāmölōn ṙôre, holtö nöi-nyö inrē, yip tömaṙôngö nö haköpkö ngam töhet sakā-mö.

1 PĪTÖR 1:8

Ngam hanāngenlōn yīö, öi höng öt meūkan, ngam chūök yīö pōyen ṙanāmölōn tö ngam töt vanënyen tötööḵlö kanôlò, pòrô yī-ö töngamuh öt meūkan, sön höng ṙātö ellōnre:

FILIPĪ 4:4

Ṙāmölōn örheūheu im Mā Tēv hēk chin ngö ṙô, Ṙāmölōn.

FILIPĪ 3:3

Pò ih ihö tötunyīnyi, vamë-ekūötēv lökten im Töhet Fanöinylö ngam Tēv, kanôlò inrē in Kristū Yēsū, öt inyönglenvö im alaha:

EFISÖS 6:24

In cha an yēḵ nö ṙòkhöre ngam inlōntī, yip töhāngenlōn tö ngam Mā Yēsū Kristū nö im tötchinhūngö.

Sòlòmön 4:10

Yöng pinchākö ngam hanāngen meh, kanānö chu, pīhö chu. Mötlö ngam hanāngen meh tö vāin, tinhūsö tavī-i meh inrē tö tötahūsa!