Sòlòmön 1:3 - TÖHET LĪPÖRE (Re-edited) Bible (BSI)

³ Tahūsa ap tavī-i incham alaha meh, ṙöhnyu ap minë-eny meh nö tavī-i; lökten yip mahalanṙen kikānö nö hāngenlōn tö meh.

Sòlòmön 1:3 Referans Kwoze

Mumkahten 7:1

Ĕhten an ngam tölöök minë-eny tö töpōiṙāi incham alaha: ngam sakāmö kinpaha inrē, tö ngam sakāmö kinyôḵnyi.

T. YÔHAN 12:3

Hĕng paôn ök kahëḵ Mariā tötahūsa tavī-i, tö pōi ṙāi; ngaich fòh röön. Yēsū, ngaich chūt röön Ò tö keūyöre. Ngaich ngam patī nö löpngö ël tö tinhūṅsö.

Sòlòmön 4:10

Yöng pinchākö ngam hanāngen meh, kanānö chu, pīhö chu. Mötlö ngam hanāngen meh tö vāin, tinhūsö tavī-i meh inrē tö tötahūsa!

INMEUKHÖMAT 14:4

Cha-a yin töt mahachōichngöre nö i kikānö; pò cha nö töhet. Cha-a yin vē tamömrit ngam pököre i töng kū-ö Ò nö kiröönngöre. Cha-a yin töhavaha aṅ i tarik, nö lanòh nö im Tēv, im pököre inrē.

FILIPĪ 4:18

Keuheūttöre aṅ in chin, kôlò inrē: tööḵngen chin, pò chu teūngen in Epafròtitös tö nup sahöömtö yīö, tö tahūsa tinôngö, töhōḵovö tökētū, ṙanāmölōn nö im Tēv.

Salmai 133:2

Sā ap tavī-i kui an tö pōiṙāi, öp tö hëmti nö i sanôikūö, i sanôikūö Āròn: öp töhëmti nö i likeun ap inyut ò.

Salmai 45:14

Hachōhötvö ap min nö ip rācha nö hilā tö nup töchōktu mirun: hol ò yip rēlö yip tamömrit ò, ngaich ngôṅtu min nö in ò.

T. MËTIV 25:1

Sā yip tö söm tak an rēlö, ngam pūlngö ngam halīöngö; yip kamëḵ ëāṅvöre, ngaich kiröönngöre nö höngkūö öp töhapihö.

Isayā 61:3

Kē-ĕkūö yip töhaṙivlōn inrē i Sīyôn tö neūmö ṙënngen tisum, tavī-i ṙanāmölōn inrē nö ṙënngen miṙivlōn, nöinyö inrē kinṙum nö ṙënngen tötkalē-en ellōn; hòṅ cha nö kaheūkö nö ōk chōn lanöökö, nö taheūichtö ngam Mā Tēv, hòṅ ò nö hapōilöngö.

Sòlòmön 5:13

Nup arëkūö ò sā tötahūsa chamam, tahūsa tinveūkö, lilī nup minuh ò, töhalööktitvö mak mūr.

2 KÒRIN 11:2

Tön kalēḵĕlōn chin in yīö tö ngam kumlēḵlōn aṅ im Tēv: pò chu hapīöhngen yīö ip tö hĕng tak kikōnyö tö hapihö, hòṅ chu kēten yīö in Kristū öi töhet rēlö tötchô-òv.

Sòlòmön 3:6

Asuh ap umuh yamih löktö el tönyaṅlnyi, sā tinfūnlö lul, tumhuṅslöng tö mūr, lōpān inrē, sā tinhūsö töpaṙōnga tötahūsa mī-inyihkö chehen?

INCHŌḴ-OṘÔ 27:9

Tavī-i, tinhus inrē ṙāmö ellōn tī, tikāchi pöri ngam ellōn tö kanihngen.

Sòlòmön 5:5

Chōholre chū-ö ngaich löpnyökūö öp hanāngen re katāka eltī chū-ö inrē tö mūr, tö māku mūr inrē i kuntī chu, i kaha ngam inköpkūö inkūp.

MANEUTNYI 33:12

Ngaich ngö ṙô Môsös tö ngam Mā Tēv, Yĕh meuk, ngö ṙô man yih tö chu, Kēlö yip tarik man: ngaich hö-ö pöri Më-eṅ mikahtölōn chu töp tahīntö Meh hol chu. Ngaich pöri öm ngö ṙô, I minë-eny meh mikahkūö Chin tö meh, ngaich më-eṅ inrē tö inkôluṙô i kūö chu.

Sòlòmön 6:8

Tafūöl anāi yip rāni hëvhöre anāi yip pīhö töl, tö kanṙeūken kikānö tarik alaha.

MANEUTNYI 33:19

Ngaich ngö ṙô anga-aṅ, Vīten në lanöököre Chin min nö urēhĕkūö meh; ngaich ahangkö minë-eny ngam Mā Tēv min öich urēhĕkūö meh; aheūkölōn chin min ip chūökre aheūkölōn, hameuktö miṙēlōnre chin min ip chūökre hameuktö miṙēlōnre.