Sòlòmön 1:12 - TÖHET LĪPÖRE (Re-edited) Bible (BSI)

¹² I saha ngam rācha nö el anūichö, ngaich öp rōi chōn tötahūsa nö taveūka.

Sòlòmön 1:12 Referans Kwoze

T. YÔHAN 12:3

Hĕng paôn ök kahëḵ Mariā tötahūsa tavī-i, tö pōi ṙāi; ngaich fòh röön. Yēsū, ngaich chūt röön Ò tö keūyöre. Ngaich ngam patī nö löpngö ël tö tinhūṅsö.

INMEUKHÖMAT 3:20

Yĕh meuk, sökhak chin ikūö inkūp, öich kurönga: yĕn tarīku hamang ṙô chu, ngaich löpnyökūö ngam inkūp, ngaich kuhēthötre chu-ö min in ò, ngaich holkūö ò min nyā, holkūö chu anga-aṅ inrē.

FILIPĪ 4:18

Keuheūttöre aṅ in chin, kôlò inrē: tööḵngen chin, pò chu teūngen in Epafròtitös tö nup sahöömtö yīö, tö tahūsa tinôngö, töhōḵovö tökētū, ṙanāmölōn nö im Tēv.

T. MĀKÖS 14:3

Ṙòngmö i Petenī Anga-aṅ, nö i patī Sīmōn, ök töyeūnyu, ngaich hē Ò nö ūichhak nö nyā; hĕng tak ngaich ök kikānö tö hēngö kum tö ihong pilön tötahūsa töpōi ṙāi. Likuknyökūö e ngaich anga-aṅ; ngaich ṙöhtö e nö i kui Ò.

T. MËTIV 25:34

Ngaich ngö ṙô min ngam Rācha tö cha yip lahāmö Ò, Ta-ih, yī-ö tö kôlò tö tī ngam Yöng Chu; amīnu tö ngam pūlngö tö halēnkaṙen tö pòkūö yīö, hētentö ranehlö ngih panam.

T. MËTIV 22:11

Hē ngam rācha pöri nö kuhēthötre nö ngëichkö yip yamih, hĕng tak maheuṅk anga-aṅ tö tarik, ök töthilā tö hīlā yamih nö im inpīhö.

T. MËTIV 22:4

Hēk anga-aṅ nö tīnngö yip tahëng mahalanṙenre, nö ngö ṙô, Ve-eny nang cha yip töngöönka, Yĕh meuk; ngaich chin lēnen tī tö nup nya-aṅkūö. Ngaich chin ṙatnyö likeun nuā, tö alahavö inrē. Ṙòkhöre nun nö ngaich nö lēnen. Ta-a, yihtöre ing nāhaṅl inpīhö.

Sòlòmön 7:5

Sapīövu ngam kui meh sā Kārmel, minë töpahīöya keūyö meh inrē sā inmëlö tö huring hilā; kô-òngvahtī töp rācha tökūö minë tölöiny keūyö.

Salmai 45:1

Taṙēchi ön ngih ellōn chu tö tölöök; ṙô tö nup inlahen öp rācha chin: ngam litāk chu an kanūich, öp hamöngöre nö kūich.

Sòlòmön 1:11

Vī yanöṅtö meh in min tö humlum, holtö rupīö nö haṙākö.