SEFAINIĀ 1:9 - TÖHET LĪPÖRE (Re-edited) Bible (BSI)

⁹ Ip sakāmö angū-ö min chū-ö chöhken cha nö ṙòkhöre yip tumsôköre nö elmilūkö chūök pinṙōngö sāiny yip mahatööḵlö patī yip yöng re tö chanökhuṙen inchīlö inrē.

SEFAINIĀ 1:9 Referans Kwoze

1 SAMUĔL 5:5

Lökten söl ing töngamuh öt rēhĕn yip kūönṙô Tēkòn, öt rēhĕn yip töng yamih nö el patī Tēkòn nö kô nö röön kö el chūök Tēkòn i Astòt.

AMŌS 3:10

Pò cha nö öt akahakūö tö töhuveū la-en, ṙô ngam Mā Tēv, yip mahamūllö chanökhuṙen unlāya inrē nö ël nup in cha patī rācha.

INLAHEN 16:19

Ngaich hē yik yöngṙen ò nö akahalōn tö chanuhngen kanôlòre min; ngaich cha-a nö kē-ĕ nā Sailes nāṅ Pôl; ngaich tūökten cha nö elpanam, i kūö yik mahayöng.

INCHŌḴ-OṘÔ 29:12

Yē öp mahayöng nö hang minyôiny-aṅ, ṙòkhöre min yip mā in ò nö ötlöök.

NAHIMIĀ 5:15

Langānö hakeunlö yik mu-urĕh mahayöng mu-urēhĕkūö chu nö in vē tarik, kēḵ nyā-aṅkūö cha-a nö in cha, vāin inrē, nö holre tö töfën anāi siköl rupīö. Uroh yik tarik cha nö mā nö i kui yik tarik. Hö-ö pöri chū-ö ngatī, kūö pinhë-eṅkūö tö ngam Tēv.

KAMHÔKA 19:27

Choholre ngaich ök pīhö ò tö peuheū, löpnyökūö nuk inkūp ök patī ngaich, ngaich kunyī-inyre nö hòṅ kiröönngöre ngaich meuk ök kikānö ök töngtöl pīhö nö hulaltöhëichṙen nö i kūö inkūp ök patī i kui ök chūök pinṙōngö sāiny nuk kël ò.

YERIMIĀ 5:27

Sā öp kuvôkö tö tööḵlö tö chehechōn nup patī cha nö tööḵlö tö michūḵ chanökhuṙen; lökten yip nö kiröng, kôlò inrē,

MAIKA 6:12

Pò vē tökôlò tarik nö tööḵlö tö chanökhuṙen, yip aṅ e inrē nö ṙô tö miyônyaṅ, elvāng cha nup litāk cha inrē nö michīl ṙô.

SAKARIĀ 5:6

Ngaich ngö ṙô chū-ö Asuh ön? Ngö ṙô ngaich anga-aṅ, Ëfah an ngam kumröönngöre. Ngö ṙô inrē anga-aṅ, Ötlanöökö an angū-ö i në panam nö ṙòkhöre.