SEFAINIĀ 1:5 - TÖHET LĪPÖRE (Re-edited) Bible (BSI)

⁵ Cha-a inrē yip samlām nup aṅ el taṙul nö i kui patī; cha-a inrē yip samlām, yip töchūökuṙô nö i ngam Mā Tēv chūökuṙô inrē nö in Milkòm;

SEFAINIĀ 1:5 Referans Kwoze

YERIMIĀ 19:13

Nup patī i Yērusalem nup patī yip rācha inrē aṅ Yūtā ṙòkhöre nup patī tö-aṅhaṅvkūö töföngö tötahūsa nö in minë tömaṙôngö el halīöngö, nup töṙösnyu òk tökētu nö i tahëng tēv nö hachōchi min sā ök chūök Tōfĕt.

2 RĀCHA 17:33

Pa-ekūö cha-a ngaich tö ngam Mā Tēv, lök la-en tēv re inrē, nö sā inlahen yip pumnāmö tarik yip ṙeūngörit cha nö kē-ĕyö.

1 RĀCHA 11:33

Pò cha nö ṙāngen chu, ngaich salām Astòret öp kikānö tēv aṅ Sītōn, Kēmòs öp tēv aṅ Mô-ap, Milkòm inrē öp tēv yip kūön Amön; ngaich rö-ö cha-a nö lök eltalöökö chu, nö la-evṙen tö nup töhuveū nö i mat chu, öt haköp në chöngö chu në inkaha fālen inrē aṅ in chu, nö sā ök yöng ò Tāvit.

AMŌS 5:26

Hôṅ, tayuk inrūkui Mōlek yin öp töhet chūök ngam insātēv yīö inrē, ngam tanēusömat ngam tēv yīö,ngam vahī yīö kahngenre.

2 RĀCHA 23:12

Nup tahāklö inrē nup mī-i kui ök lātulöng urôhò Ahas,nuk vahīlö yik rācha aṅ Yūtā, nuk tahāklö inrē vahīlö Manasē el nuk tönët elmilūkö ngam patī ngam Mā Tēv, tötiṙōli tö ngam rācha kiṙöpi anū-ö nö ṙā-ang umuh, ngaich tūyi nup pitung nö el öp kun töhëm mak Kitrōn.

2 RĀCHA 17:41

Ngaich yin vē pumnāmö tarik nö pa-ekūö tö ngam Mā Tēv, lök la-en insātēv re inrē; ngatī yik kūön cha, tö yik kūön yik kūön cha inrē, sā yik muvöhngö cha, ngatī la-en cha-a söl ing töngamuh.

1 RĀCHA 18:21

Haröhtöre ngaich Ĕlaicha nö yihtöre nö in yik tarik, ngaich ngö ṙô, I ṙô-òten öi sökngöre ihôi në tönët ṙinātö ellōn? Yē ngam Mā Tēv nö Tēv, tömrit ò; yĕn Pē-al pöri ngaich tömrit ò yĕh. Ngaich öt hĕng höiny milôhò yik tarik nö sapṙô ò.

RŌMA 14:11

Pò e nö ngö kinūichngö, Sā chu aṅ, ngö ṙô ngam Mā, ṙòktöre kui kinmônö min nö simngöre nö in chu, ṙòknyöre ṙô litāk min nö ve-eny nö im Tēv.

T. MËTIV 6:24

Öt tarīkuvö tökô nö nët tak lahök la-en tö yöngṙenre; pò ò lohten min nö hĕng tak sūrīkhö, ngaich hāngenlōn tö ngam tahëng; hēk hĕng kang chūök min anga-aṅ nö haköpngöre, ngaich öt chumkūöṙen tö ngam tahëng. Rö-ö yin kô hĕnghöre lök la-en ngam Tēv, kanôlò ngih panam inrē.

HŌSĪ 4:15

Pòrô më-eṅ Israel, öm inyihköre, uh pöri Yūta nö fālūṙen; un yih nö i Kilkāl, un rēhĕn nö peūlöre nö i Pĕtaven, un rēhĕn nö chūöku ṙô, sā ngam Mā Tēv nö tö-aṅ,

YERIMIĀ 32:29

Yih yip min aṅ Kālti yip kumyung ngih elpanam ngaich föngtökūö ngih elpanam tö tameūyö,haṙāpngö e inrē, kumngöre tī tö nup patī tö-aṅhav uk tö nup tötahūsa tökētu nö in Pē-al tö-ôkö inrē tökētū töṙöstu nö I tahëng tēv nö inrunnyö tanāyö chu.

YERIMIĀ 5:7

Sitih kanô-òṅ öich aṙēlen meh? Ngaich yik kūön meh nö ṙāngen chu, ngaich nö chūöku ṙô nö kilēḵngôre nö in u nup törö-ö nö tēv, yē chu ha-aṅlen cha nö tööḵngen, ngaich asĕha cha-a kiteūmtöre inrē nö i patī kikānö mī-inyihköre.

YERIMIĀ 4:2

Yē meh inrē chūökuṙô, sā ngam Mā Tēv nö tö-aṅ, im kanô-en, im öt michūṙen kinṙôka im töchiplen inrē, ngaich yip pumnāmö tarik min nö hakôlòre nö in ò, in ò cha-a min inrē nö eū-eure.

Isayā 48:1

Hang ngih, Ō yī-ö aṅ patī Yāköp, öi töhavëka tö minë-eny Israĕl, öi yamih löknyö i ṙat Yūtā; ngam Mā Tēv, kamakkö ngam Tēv Israĕl inrē, hö-ö pöri nö im kanô-en öt rēhĕn nö im lanöökö.

Isayā 45:23

In re ṙô chin chūökuṙô, ngaich ök ṙô nö ṙā-ang elvāng chu im lanöökö, ngaich öt havan min, hòṅ ṙòkhöre në kui kinmônö nö simtöre nö in chu, ṙòkhöre inrē litāk nö chūökuṙô min.

Isayā 44:5

Ngaich hĕng tak min öp tö ngö ṙô, Aṅ im Mā Tēv chin chū-ö, ngaich öp tahëng min nö kaheūktöre tö minë-eny Yāköp, ngaich öp tahëng min nö kūich kël re, nö ngö tī, aṅ im Mā Tēv, kaheūköre min inrē anga-aṅ tö minë-eny Israĕl.

1 RĀCHA 11:5

Tömrit Astòròt ngaich ang Sòlòmön, ök kikānö tēv aṅ Sitōn, tömrit Milkòm inrē ök sin-òkkūö aṅ Amön.

YÔSUĀ 23:7

Hòṅ yīö öt yihtöre in vē pumnamö tarik, cha-a vē tö ōtren nö kakka minë-eny, un rēhĕn chūökṙôten tö u, un rēhĕn lök la-en u, un rēhĕn sōnngöre in u:

I. CHÖNGÖ 10:20

Pa-ekūö man tö ngam Tēv ngam Mā Tēv meh; anga-aṅ lahök la-en meh; in ò më-eṅ inrē haköpngöre, i minë-eny ò inrē öm chūöku ṙô.

INLAHEN 10:9

Ngaich im huṙöich, hē cha nö ṙòngmö el talöökö, ngaich röhta nö ip panam; yòhlö Pītör nö i kui patī, nö ve-ekūötēv, im tö nët sīön köṅny ṙô.

2 RĀCHA 17:32

Ngaich cha-a nö pa-ekūö tö ngam Mā Tēv, ngaich vīlö aṅ in re tö kūönṙô yōm nup latulöng chūökö, yik kamëtö tökētu nö el nuk patī i nuk latulöng chūökö.

YERIMIĀ 5:2

Pòrô yin ngö ṙô, Sā ngam Mā Tēv nö tö-aṅ, sön cha-a nö minyôiny-aṅ nö chūöku-ṙô.

YERIMIĀ 7:9

Hòṅ ulāya ömeh, kumpah tarik, asĕha, minyôiny-aṅ chūöku ṙô, föng tötahūsa i Pē-al, ngaich tömrit tahëng tēv nup tötmikahkūö meh;

YERIMIĀ 7:10

Ngaich yih söklöre inrē ikūö chu ël ngih patī, ngih tökaheūkö Tö minë-eny chu, ngaich ngö ṙô, Ṙānyu in! iṙūöhen la-evṙen tö në sin-òkūö?

YERIMIĀ 8:2

Ngaich anū-ö min nö pirātö nö i kūö ngam tavūöi töngam chingëṅt tö nup tömaṙôgö inrē aṅ el halīögö nup lahök la-en cha nö hāngenlōn, nup tö tömörit tö cha nup töchöhö tö cha inrē nö vë-evkūö: hö-ö anū-ö min inrē nö vë-evkūö: hö-ö anū-ö min inrē nö hamūlö hēk ulīya; sā sôḵ nuā nup min nö i kūö ngam tumlat.

YERIMIĀ 12:16

Ngaich ngö inlahen angū-ö min, yē cha min nö haṙēmngenre nö haköp nup talöökö yip tarik chu, nö chūökūṙô nö i minë-eny chu, Sā ngam Mā Tēv nö tö-aṅ, sā ṙô cha nö haköptö yip tarik chu nö chūöku ṙô nö in Pē-al, ngaich acha-a min nö mānlöngö nö ellōn yip tarik chu.

YERIMIĀ 49:1

Inlahen yip aṅ Amön: Ngö ṙô an ngam Mā Tēv: öt kūönu ap Israel tö kikōnyö? Öt aṅhav-in ap tö tö-amīnuvö? Kūöyòh ang Milkòm nö kē amin Kāt, ip tarik ò inrē nö iyöng nup elpanam?

HŌSĪ 10:2

Harēv ellōn re cha-a; ngaich yip pöchö min nö kôti nö fāluṙen: tiṙölngö nup tahāklö cha an min hachōichngö nup insātēv an min.

I. CHÖNGÖ 4:19

Hòṅ meh öt môklökūöre el halīöngö, ngaich meuk ngam tavūöi töm chingëṅt tö minë taneūsömat, ṙòkhöre inrē nup el halīöngö ngaich tūöki më-eṅ ngaich salāmö u, lök la-en u inrē, minë minchööḵö yip tarik nö ṙòkhöre tö ngam Mā Tēv nö elkatòh ngam halīöngö.

Isayā 22:1

Ngam ṙô ip achāṙö heūvö elmat. Asuh ap halöiny meh töngamuh tö yīö ṙòkhöre i kui patī?